Características e tipos de fontes de alimentación
Os tipos de fontes que podemos atoparnos ó abrir un PC depende de varios factores, aínda que en xeral podemos dicir que depende do factor de forma do equipo e de que este sexa clónico ou "de marca". No caso dos ordenadores de marca (DELL, Compaq, HP, IBM,...), o máis normal é que nos atopemos cunha fonte propietaria, con conectores que dependerán do fabricante e que, no caso de avaría, nos obrigará a intentar arranxala (se temos os coñecementos de electrónica necesarios para elo) ou pagar o, seguro, alto prezo que nos cobrará o fabricante (se este compoñente segue estando en stock) ou un distribuidor de compoñentes de segunda man.
No caso destes apuntes, trataremos de ver os tipos de fontes de alimentación xenéricas existentes no mercado e cales son as súas características (factor de forma, cor dos cables e a súa función, tipos de conectores que traen,...).
As características que deben cumprir as fontes de alimentación ATX xenéricas están normalizadas; en www.formfactors.org podemos atopar as últimas revisións. A última versión sacada é a 2.2 e foi aprobada no 2005. Nos seguintes puntos vemos todas as características dos conectores das fontes de alimentación e a función de cada un dos seus pines.
- Fontes de alimentación AT
- Fontes de alimentación ATX
- Identificación da función de cada cable pola súa cor
- Especificacións técnicas das fontes de alimentación
-- Volver