Problemática en equipos linux cando se cambia a MAC da Máquina Virtual

Edición curso Febreiro - 2015

Coas novas versións de Ubunut e Zentyal non se teñen os problemas que se describen a continuación cando unha equipo cambia de tarxeta de rede e por tanto cambia a súa MAC.
Por tanto, déixase este material a modo de material de apoio por se en videiras versións dos SOs, volvera pasar o que a continuación se describe.

Para afondar dun xeito maior sobre o cambio de MAC nun sistema Linux, amosase unha práctica real coa MV Zentyal.
Linux asocia os enderezos MAC a interfaces de rede internos do S.O.
- Así a primeira tarxeta ethernet, por exemplo, que teña o ordenador terá unha MAC e esta estará, por defecto, asociada a eth0.
- Se se cambiase a tarxeta do ordenador esta nova tarxeta tería a súa propia MAC, e linux asociaría esa nova MAC a eth1.

Cal é problema?: que se ten asociada unha configuración IP a eth0 e se cambia a tarxeta asociada a eth0, esta non vai estar activa e a nova eth1 non estará configurada.

A continuación vaise usar 'zserver para ver a problemática. Vaise facer en modo comandos, porque así tamén vale para cando se instale un Linux Server que non teña contorno gráfico.

IMPORTANTE: asegúrate de que tes unha copia da máquina (clonada ou servizo virtualizado) e antes comezar con estes pasos tes unha instantánea da mesma.

Revisar o enderezo MAC da máquina zserver.
Revisar en interfaces do módulo de rede de Zentyal como eth0 está asociada á unha IP de xeito manual.
Na liña de comandos executar ifconfig e observar como eth0 está asociada á MAC da primeira imaxe e á IP que se configurou cando se instalou a MV.

Apagar a MV e xerar unha nova MAC, isto tamén vale cando se copia/clona/importa un servizo virtualizado dunha MV e se cambia a MAC, cousa que se debe facer nunha aula se o Profesor pasa a mesma MV a todo o alumnado.

Premer no botón de xerar MACs
Fixarse en Zentyal como amosa eth1 no canto de eth0. Iso é porque á tarxeta que tiña MAC á que estaba asociada eth0 xa non está no ordenador.
No terminal executar ifconfig, xa non amosa eth0, pero tampouco eth1, iso é porque eth1 non está activa.
Ao executar ifconfig -a amósanse os interfaces tanto activos como inactivos, e aí está eth1. Observar a MAC de eth1.

No arquivo /etc/udev/rules.d/70-persistent-net.rules é onde se asocia o interface ethX coa tarxeta de rede e a súa MAC.
Botémoslle un ollo, para iso imos usar o editor de texto nano e o comando sudo para poder editar ese arquivo como administrador.

Nun terminal executar: sudo nano /etc/udev/rules.d/70-persistent-net.rules e introducir o contrasinal de administrador.
$Neste editor non funciona o rato, moverse coas teclas do cursor. Observar como hai dúas tarxetas (PCI_device ....) e se nos movemos polas liñas imos ver as MACs asociadas a cada tarxeta (ATT{address}==....)...$

Neste editor non funciona o rato, moverse coas teclas do cursor. Observar como hai dúas tarxetas (PCI_device ....) e se nos movemos polas liñas imos ver as MACs asociadas a cada tarxeta (ATT{address}==....)...
,finalmente ao final de cada liña está o nome do interface que se vincula a esa tarxeta de rede. A primeira está vinculada a eth0...
e a segunda a eth1.
Pois ben, se se comenta (cun # -sostenido-) á asociación da primeira tarxeta con eth0 e ...
se cambia o nome da asociación na segunda tarxeta a eth0. Xa estaría vinculada eth0 á nova MAC.
Saír do editor premendo CTRL+X, indicar yes cando pregunte se se desexan gardar os cambios e gardar o arquivo.
Reiniciar o equipo e en Zentyal xa se pode observar que o interface é eth0. Pero se se fai un ifconfig verase que non ten IP.
Unha vez reiniciado o equipo debería ter eth0 vinculado coa súa IP, pero non é así, para solucionalo reiníciase o servizo de rede co comando: sudo /etc/init.d/networking restart.
Agora si que está todo OK.