Obxectivos e escenarios da PARTE II

Neste Apartado II tratarase de afondar nas distintas maneiras que hai de configurar as tarxetas de rede das máquinas virtuais. Por tanto estudarase:

• Configuración IP.
• NAT (Network Address Translation).
• Switches.
• Parámetros de configuración das tarxetas de rede das máquinas virtuais.
• Instalar 2 máquinas virtuais de servidor: Windows e Zentyal

• As seguintes imaxes amosan os distintos escenarios que se van manexar na PARTE II

Este escenario amosa que as máquinas virtuais teñen as tarxetas de rede configuradas por defecto: NAT

Este escenario amosa que as máquinas virtuais teñen as tarxetas de rede configuradas por defecto: Rede NAT, onde as MVs poden saír a internet e comunicarse entre elas dentro dun mesmo host.

Neste escenario os equipos virtuais compórtanse como se fosen equipos reais e poden comunicarse con calquera elemento da LAN e calquera elemento da LAN con eles.

Neste caso os equipos virtuais só se poden comunicar entre si.

Neste escenario os equipos virtuais pódense comunicar entre si e co equipo host.

Cada equipo virtual ten dúas tarxetas de rede, unha delas para comunicarse co outro equipo virtual e a outra para poder acceder ao exterior.

Finalmente instalaranse os 2 equipos virtuais de servidor para ter tódolos equipos cos que se vai seguir o curso.

-- Antonio de Andrés Lema e Carlos Carrión Álvarez -- (17 out 2010).