Linux: Instalación e configuración do servidor usando reenvío

Neste caso a diferenza da resolución por recursividade, o Servidor DNS local vai reenviar as consultas DNS que non saiba resolver a outro/s servidor/es DNS en vez de usar recursividade.
O que fagan eses servidores aos que se lles reenvía a consulta xa é cousa deles.
Que o servidor DNS local use recursividade ou reenvío non inflúe para nada na configuración dos clientes DNS.
O/s servidor/es DNS ao/s que se lle reenvían as consultas, poden estar na LAN ou no exterior, o importante é que sexa un servidor DNS.
Se se configura reenvío nun servidor DNS local o normal é que se reenvíe aos servidores DNS proporcionados polo ISP.
Revisar os Conceptos básicos de DNS se non se ten claro como funciona o reenvío.

Configuración de reenvío nun servidor DNS Debian: dserver

A continuación pódese ver como configurar con Webmin o reenvío das consultas a outros servidores de DNS:

Configuración do reenvío no servidor DNS en Debian
Na páxina principal do módulo de configuración do servizo de DNS, picamos en Reenvío e transferencias.
Na táboa de servidores aos que reenviar consultas, engadimos os servidores públicos de Google: 8.8.8.8 e 8.8.4.4
Para asegurarnos que o servidor de DNS utilice os servidores de reenvío, podemos borrar a zona raíz, e así non se resolverá por recursividade.
Na imaxe pódese ver a zona raíz borrada. Só nos queda aplicar os cambios.