Unidade 5 - Práctica

Introdución

Nesta ocasión imos crear unha aplicación para traballar con menús e a cámara de fotos.

Nome do proxecto

• Nome do proxecto e da activity principal: I5_<username>

Activity Principal

• Posúe:
  • Un TextView co nome "Lanzar cámara"
    • Ao premer nel un anaco de tempo debe lanzar un menú contextual que permita lanzar a cámara de fotos.
  • Un menú con dous ítems:
    • Lanzar camara: debe ter unha imaxe dunha cámara e debe aparecer sempre na barra de acción. Ao seleccionar este ítem debe suceder o mesmo que cando se selecciona o menú contextual do TextView.
    • Saír: non debe aparecer na barra de acción (si no menú overflow) e ao premer nel débese pechar a aplicación.
  • Unha vista ImageView que servirá para amosar a foto que se devolve, se se realizou a foto, cando se volve da activity que manexa a cámara de fotos.

Obtención da foto

• Dende a Activity principal lanzar a aplicación do S.O. Android que nos permita obter unha foto.
• Lanzar a cámara a través dun intent do tipo MediaStore.ACTION_IMAGE_CAPTURE.
• Cando se volva desta Activity á Activity principal debe recoller a foto realizada, no caso de realizarse.

Empaquetado

• Xera un apk firmado para distribuír a aplicación con contrasinal: abc123. (punto final incluído)

-- Ángel D. Fernández González e Carlos Carrión Álvarez -- (2015).