Engadir un equipo Windows cliente ao dominio Samba

Introdución

• Neste apartado imos engadir un equipo Windows ao dominio.

• A imaxe amosa o escenario que se pretende montar, pero por agora aínda non están compartidos os recursos por SAMBA no servidor:

Instalación wclient01

• Imos crear unha MV con Windows 10 64 bits (aínda que o proceso é case idéntico con Windows 8, 7 ou mesmo XP): wbase
• Exportaremos o servizo de wbase
• Importaremos a MV como wclient01, coa configuración IP por DHCP básica e obterá esa configuración do servizo DHCP de dserver00.

• Póñense a continuación algúns dos pasos da instalación de wclient01

• Instalación wclient01
• 
  Creamos a MV wbase
• 
  Asignamos 1 GB de RAM ou máis se se dispón de memoria física suficiente, así a instalación do Windows irá máis rápida. Unha vez instalada xa se pode baixar a RAM a 1 GB.
• 
  Configuramos o adaptador de rede como Rede NAT
• 
  Na instalación, indicamos que é un equipo de traballo ou escola para xestionar usuarios locais.
• 
  Prememos en Unirse a un dominio de Active Directory local.
• 
  Creamos un usuario local.
• 
  Vemos que a configuración IP é collida por DHCP de dserver00.
• 
  Actualizamos o equipo (Windows Update).
  Instalamos as Guest Additions e exportamos a MV wbase.
• 
  Importamos a MV como wclient01 e reiniciamos a MAC.
• 
  A MV listada no VirtualBox.
• 
  Imos cambiar o nome do equipo. Premer co botón dereito sobre Este equipo e escoller Propiedades.
• 
  Premer en Configuración avanzada do sistema.
• 
  Premer en Cambiar.
• 
  Indicar o novo nome, premer en Aceptar e Reiniciar o equipo para que o novo nome sexa efectivo.

Engadir un equipo cliente no dominio

• Para engadir un equipo cliente (con Windows) no dominio samba seguiremos os mesmos pasos que debemos seguir para engadir o equipo a un dominio Windows:
  • Iniciamos sesión no equipo cliente con un usuario administrador.
  • Accedemos á ventá de Sistema do Panel de control (Tamén podemos picar co botón dereito sobre Mi PC ou Equipo e seleccionar Propiedades).
  • Picamos na opción para cambiar o dominio ao que pertence o equipo e poñemos o nome do noso dominio
    • Ollo, o nome de NetBIOS, o mesmo que puxemos no parámetro WORKGROUP no ficheiro de configuración do servidor samba, sen ter en conta as maiúsculas e minúsculas.
  • Pedirásenos un usuario e un contrasinal, e introduciremos root e o contrasinal samba do usuario root.

• Engadir un equipo no dominio
• 
  En Windows 7 ou superior, temos que facer unha modificación no rexistro de Windows para poder introducir o equipo no dominio, xa que de non facelo obtemos este erro documentado en http://wiki.samba.org/index.php/Windows7
• 
  Hai que meter dous valores no rexistro de Windows (Executar->regedit) antes de meter o equipo no dominio:
  [HKEY_LOCAL_MACHINE\SYSTEM\CurrentControlSet\services\LanmanWorkstation\Parameters]
  "DomainCompatibilityMode"=dword:00000001
  "DNSNameResolutionRequired"=dword:00000000
• 
  Agora xa podemos configurar o nome do dominio.
• 
  Pídenos o usuario co que dar de alta o equipo no directorio de samba.
• 
  Esta é a mensaxe de benvida.
• 
  Reiniciamos...

• Podemos comprobar que no servidor LDAP creouse automaticamente a conta de máquina para o equipo (ollo que remata en $):

smbldap-usershow wclient01$
dn: uid=wclient01$,ou=maquinas,dc=iescalquera,dc=local
objectClass: top,account,posixAccount,sambaSamAccount
cn: wclient01$
uid: wclient01$
uidNumber: 1000
gidNumber: 515
homeDirectory: /nonexistent
loginShell: /bin/false
description: Computer
gecos: Computer
sambaSID: S-1-5-21-3472892566-1518861306-3316237868-1001
displayName: WCLIENT01$
sambaNTPassword: A821BEFD0B11C86A3F1BF170D9902C00
sambaPwdLastSet: 1400018447
sambaAcctFlags: [W          ]

Iniciar sesión no equipo cliente con un usuario do dominio

Unha vez introducido o equipo no dominio, poderemos iniciar sesión con calquera usuario que teña conta de samba:

• Iniciar sesión no dominio
• 
  Inicio de sesión no dominio nun equipo Windows XP. Na lista de Conectarse a: debemos seleccionar o dominio.
• 
  Inicio de sesión no dominio nun equipo Windows 10. Por defecto xa entende que o usuario é do dominio, xa que para iniciar sesión con un usuario local haberá que poñer diante do nome do usuario NomeDoEquipo\ ou .\nomeusario.
• 
  Como temos configurado o servidor samba para que os usuarios teñan a súa carpeta persoal e o perfil dentro da carpeta persoal no servidor, pero estas carpetas aínda non están compartidas, no inicio de sesión veremos este aviso.
• 
  Con net user /domain sol podemos ver información dos usuarios do dominio e os grupos aos que pertencen.
• 
  En Equipo non hai ningunha unidade de rede do servidor. É polo de antes porque aínda non compartimos nada no servidor para SAMBA, está por NFS.
• 
  Comprobamos o compartido por samba no servidor: \\dserver00.

-- Antonio de Andrés Lema e Carlos Carrión Álvarez