Escenario 2.B: Ponte

Introdución

Neste escenario o VirtualBox crea unha ponte (bridge) sobre unha das tarxetas físicas das que dispoña o host.

Este escenario é o idóneo cando se desexe que a MV sexa coma un equipo máis da LAN, dende o cal se poden iniciar conexións e ao cal se poden realizar peticións.

Deste xeito, é como se neste escenario a LAN tivese 3 equipos cada un coa súa IP dentro da LAN e, segundo como se configuren as MVs, con conexión directa ao router e por tanto ao exterior.

Calquera dos tres equipos do escenario pode comunicarse con calquera dos outros dous equipos.

Porén, se traballamos con tarxetas neste modo cómpre ter en conta un par de cuestións sobre todo cando copiemos unha mesma máquina virtual en varios equipos (xa sexa porque a exportemos, clonemos ou copiemos directamente):
- Dado que nunha mesma LAN non pode haber dous equipos co mesmo enderezo MAC, se replicamos unha máquina cunha tarxeta de rede en modo ponte (por exemplo, creamos unha máquina para que cada alumno/a faga unha copia no seu equipo), teremos que cambiar o enderezo MAC da tarxeta de rede despois de copiar a máquina. Se importamos ou clonamos a máquina, nese proceso xa podemos indicar que se reinicialicen as direccións MAC de todas as interfaces de rede; se facemos directamente unha copia da máquina, logo teremos que ir á configuración de rede da máquina virtual para xerar unha nova MAC (Téñase en conta as implicacións do cambio da MAC da tarxeta cando o sistema convidado é Linux)
- Cando exportamos ou copiamos unha MV dunha máquina física a outra, é preferible cambiar antes as tarxetas de rede a modo NAT, xa que co modo ponte a tarxeta de rede queda enlazada a unha interfaz real da máquina host (eth0, wlan0, Conexión de área local, etc.). Cando logo importemos ou agreguemos a MV na máquina de destino, se esa interfaz non existe producirase un erro ao agregar a máquina.

Aconséllase que se revise a teoría no que atinxe ao funcionamento dunha ponte/bridge/switch/conmutador

Configuramos o adaptador 1 de wclient e uclient en modo Ponte (Recórdese que o cambio do modo de conexión dun adaptador de rede pode facerse coa máquina acesa ou co estado gardado, aínda que nalgunhas versións de VirtualBox detectamos que en ocasións o sistema convidado cólgase ao facelo así, e haberá que reinicialo).

Se se teñen varias tarxetas de rede no host (equipo físico) hai que indicar sobre cal se desexa montar a ponte. Neste caso vaise montar sobre a tarxeta wifi (wlan0), cada quen ten que montar o adaptador ponte sobre a tarxeta do host que teña conexión á LAN.

Antes de examinar como está a configuración IP dos S.O. convidados das MVs, imos obter a información da configuración de rede do equipo host.

O ordenador host sobre o que se elabora o material ten a seguinte configuración IP:

Aos equipos virtuais, neste caso, imos asignarlle IPs dentro da rede-IP 10.0.0.0/8. Neste caso imos asignar as IPs 10.0.0.130/8 e 10.0.0.140/8.

O usuario debe asegurarse que a IP que asigna ás MV non está sendo usada por outro dispositivo (PDA, Móbil, Ordenador, MV, impresora, etc) da rede LAN.

Imos configurar a interfaz de rede do S.O. convidado da MV wclient co adaptador configurado en modo Ponte.

Configuración de rede de Windows con tarxeta en ponte
Como windows detecta cambio na configuración de rede, pregunta que tipo de rede é esta. Escollemos de traballo.
Imos a Modificar a configuración do adaptador
Propiedades do adaptador.
A configuración IP está preparada para que os datos se obteñan por DHCP. Se hai un servidor DHCP na LAN, este vaille dar unha IP á MV ...
e é o caso. Resulta que neste exemplo o Router (10.0.0.1) da rede LAN actúa como servidor DHCP e acaba de darlle unha IP á MV, unha IP válida na LAN. (Lembra ipconfig /all)
Aquí está o servidor DHCP que lle facilitou a IP á MV. Pero esta non é a IP que desexamos que teña a MV na rede LAN...
Configuramos manualmente a configuración IP da MV: DNS, Porta de Enlace e Máscara: os mesmos que os do host. A dirección IP debe estar na mesma rede-IP que o host e que non choque con outro dispositivo da LAN.
Comprobar a nova IP con ipconfig.

Imos configurar a interfaz de rede do S.O. invitado da MV uclient co adaptador configurado en modo Ponte.

Configuración de rede de Ubuntu con tarxeta en ponte
Ir á información da conexión.
Observar que, como no caso de uclient o Router está asignando unha IP por DHCP á MV. Pero non é a IP que se desexa para esta MV.
Editar as conexións.
Editar a conexión que está vinculada á MAC actual.
Na lapela Configuración IPv4 seleccionar: Método: manual. Premer en Engadir, cubrir o campo da IP, premer a tecla de tabular e xa nos pon a máscara. Rematar de cubrir os campos atendendo a: DNS, Porta de Enlace e Máscara: os mesmos que os do host. A dirección IP debe estar na mesma rede-IP que o host e que non choque con outro dispositivo da LAN. Observar como se indican os DNS separados por comas.
Información da conexión...
Conexión coa nova IP. Se non tivera a IP correcta, na imaxe anterior a esta, premer en Activar rede, para parar o servizo de rede e volver a premer en Activar rede para activalo coa nova configuración.

Unha vez que as MVs xa teñen unha configuración IP, vaise comprobar a que lugares poden conectarse. Para iso farase uso do comando ping, que se usa para testar a conectividade entre dous equipos.

Conectividade dende guest Ubuntu
Hai conectividade dende uclient contra wclient; recórdese que no escenario 2.A.2 configurouse o firewall de Windows para que aceptase as solicitudes de ping.
Hai conexión co host?. Si. Perfecto!!!
Hai conexión co router?. Si. Perfecto!!!
Hai conexión co exterior (www.google.es)?. Si. Perfecto!!!