Windows: Servidor DHCP con actualizacións automáticas en servidor DNS

Pero..... hai un problema coas resolucións DNS, wclient e uclient: agora teñen IPs diferentes ás que constan na zona de busca directa do servidor DNS: wcarpediem.local. 172.16.0.130 e 172.16.0.140 respectivamente.
Agora mesmo, vindo dos escenarios anteriores de DNS, a mencionada zona xa ten unha configuración IP para os hosts wclient e uclient.
Imos analizar o problema e poñerlle solución.
Interesa que cando o servidor DHCP conceda unha IP a un host rexistre automaticamente ese host e esa IP na zona correspondente do servidor DNS.
Para iso, no servidor DNS hai que habilitar, nas zonas que se desexen, que se permiten actualizacións automáticas. Isto é o que se coñece como DDNS (Dynamic DNS)

Problemática co DNS estático

Configuración actual da zona de busca directa wcarpediem.local. Observar as IPs que teñen wclient e uclient. Nada que ver coas actuais: 172.16.1.101 e 172.16.1.111 respectivamente.
O mesmo acontece na zona de busca inversa 172.16
Se dende o wclient se fan pings aos nomes dos hosts, o DNS funciona, pero as IPs que resolve non son as actuais.
O mesmo pasa en uclient. E claro, non se vai estar cambiando manualmente no servidor DNS á IP dos hosts en función do que vai asignado o servidor DHCP.

Para resolver o problema anterior existe a posibilidade de poñer o servidor DNS como DDNS e no servidor DHCP indicarlle que cando conceda unha IP rexistre no servidor DNS o nome do host e a IP asignada.

Ir a Propiedades de IPv4.
Pensando en todo tipo de dispositivo que se poida ter na rede LAN e que sexa cliente DHCP vaise activar que o servidor DHCP rexistre toda asignación de IPs no servidor DNS.
Por outra banda no zona wcarpediem.local imos activar as...
... actualizacións dinámicas para todo tipo de equipo.
E o mesmo na zona de busca inversa 172.16...
Non faría falla eliminar ningún host dos implicados, pois cando estea todo activado e o host pida de novo a IP o servidor DHCP xa se vai encargar de actualizar o rexistro nas 2 zonas de busca (directa e inversa). Para este exemplo eliminouse uclient e deixouse wclient.
O mesmo na zona de busca inversa.
Pero para a nosa desgracia aí non acabou o conto*. Hai que seguir coa pasos tan intuitivos como o anterior. Ir a Propiedades do equipo.
Cambiar a configuración do equipo ....
Premer o botón Cambiar...
Agora o botón Máis...
E logo cubrir Sufixo DNS principal deste equipo co nome wcarpediem.local. Este campo se este equipo fora controlador ou membro dun dominio de Windows cúbrese automaticamente co nome do dominio de Windows.
Reiniciar ....

En wclient renovar a configuración IP con ipconfig /renew. Comprobar a IP asignada.
En wserver comprobar na zona wcarpediem.local que a IP do host wclient xa está actualizada.
Pero na zona de busca inversa engadiu un novo rexistro. Ben, pódese eliminar o anterior, ou...
Nas propiedades zona de busca inversa, premer en Caducidade...
E marcar que se borren os rexistros obsoletos. Así de vez en cando o servidor DNS vai eliminando aqueles rexistros polos que se leva un tempo sen preguntar.
En uclient renovar a configuración IP con dhclient ou co parámetro -v.
En wserver comprobar na zona wcarpediem.local o servidor DHCP deu de alta o host uclient coa súa nova IP.
Na zona inversa tamén se deu de alta o par: <IP>-<nome de host>, correspondente a uclient.