Instalar e compartir impresoras: GNU/Linux e MS Windows. Escáners
Nesta sección explicarase como instalar unha impresora nun ordenador con Ubuntu, como compartila tanto para MS Windows como para GNU/Linux e ao final de todo xestionarase un escáner.
Introdución
Antes de continuar imos ver un par de conceptos:
- CUPS: (Common UNIX Printing System) é un sistema de impresión que trata de ser un estándar en GNU/Linux e Unix. Xestiona as colas de impresión, permite compartir impresoras, etc.
- URI (Uniform Resource Identifier, Identificador de Recursos Uniforme): é un conxunto de caracteres que serve para identificar calquera recurso dunha forma inequívoca e única. Comeza co protocolo que se vai usar para identificalo (usb, ipp, http, smb, etc...). Cada impresora física terá unha URI asociada pola cal o sistema (CUPS) se comunica con ela.
Ao longo desta sección hai impresoras que se usaron na realidade para facer o manual e outras son simplemente ficticias. Para seguir o manual de instalación de impresoras non se precisa ter ningunha impresora física (aínda que sería moito mellor).
Comezarase xerando PDFs e instalando unha impresora PDF que permita ter unha impresora común a todo usuario. Con ela explicaranse os parámetros de configuración comúns a calquera impresora.
Escenarios
Nesta sección veranse 6 escenarios. Basicamente están divididos en:
- Instalar impresoras en Ubuntu: locais e da rede
- Usar impresoras en Ubuntu compartidas por outro Ubuntu.
- Usar impresoras en Windows compartidas por Ubuntu.
- Usar impresoras en Ubuntu compartidas por Windows.
Antes de comezar véxase un esbozo do que se pretende:
- Ubuntu: instalar impresoras
- Ubuntu: Usar impresoras compartidas por Ubuntu
- MS Windows: Usar impresora compartida por Ubuntu
- Ubuntu: Usar impresora compartida por Windows
Xerar PDFs
En Ubuntu pódese xerar un documento PDF dende calquera aplicación.
LibreOffice.org
Esta aplicación trae por defecto unha utilidade para exportar calquera documento a formato PDF.
- Crear PDF: LibreOffice.org
Pódese premer no botón da barra estándar. Isto xerará un documento PDF automaticamente.
A través do menú Ficheiro>Exportar como PDF..., pódese escoller máis opcións de exportación a formato PDF...
Por exemplo: A calidade do exportación dos ficheiros JPEG ou poñer un contrasinal ao documento, as páxinas a incluír no documento, restrinxir as modificacións, etc.
Tanto se se foi a través do botón como do menú ao final aparecerá un menú preguntando onde se desexa gardar o documento e con que nome.
O documento visto nun visor de PDFs.
Outras aplicacións
Como xerar PDFs en aplicacións que non teñen utilidades específicas?...
A continuación indícase como xerar PDFs en calquera aplicación que teña opción de imprimir:
- Xerar PDFs
En calquera aplicación escóllase a opción de Imprimir. Neste caso Firefox.
Escoller imprimir nun ficheiro, seleccionar PDF, indicar o nome e lugar de destino e premer en Imprimir.
O ficheiro xerado no paso anterior.
Escenario 0: Instalar impresora PDF
Nos casos anteriores non sempre se ten a opción de xerar PDFs con 2 páxinas por folla, por exemplo. Para iso pódese instalar unha impresora PDF.
Observar o escenario ...
Esta impresora será usada para explicar os parámetros de configuración comúns a todas as impresoras. Así afórrase papel.
- Xerar PDFs
Dende o Dash, iniciamos a aplicación de Impresoras (ou Impresión, dependendo do idioma que teñamos configurado na nosa sesión).
Non hai impresoras.
Instalar o paquete cups-pdf.
Abrimos de novo a ferramenta de Impresoras e vemos a impresora con nome PDF instalada. Premendo co botón dereito sobre ela pódeselle cambiar o nome.
Propiedades dunha impresora
- Propiedades dunha impresora
Ir ás Propiedades da impresora PDF.
No menú Preferencias, pódese cambiar na URI do dispositivo a forma en que se conecta o dispositivo ao equipo (USB, rede, LPT1, etc). Tamén se pode cambiar a Marca e modelo asociada a esta impresora chamada PDF, de xeito que cando se imprima na impresora chamada PDF, ao mellor estáse imprimindo nunha fotocopiadora; xa que unha cousa é o nome que ten a impresora e outra é con que dispositivo está asociado ese nome de impresora. Pódese poñer a descrición e ubicación da impresora. Finalmente tamén se pode Imprimir unha páxina de proba. Neste caso xerará un arquivo PDF.
No menú Políticas, indícase se esta ou non habilitada, compartida, que facer no caso de erros, que mensaxe poñer ao principio dos documentos, etc.
En Control de acceso indícase quen son os usuario que poden ou non imprimir. Neste caso, todos menos roi.
En Opcións de impresora, indícase o tamaño do papel, a resolución. Dependendo da impresora existen moitas outras opcións: dúplex, bandexa na que coller o papel, etc.
Opcións de traballo serve para indicar entre outras cousas cantas páxinas se desexa por cara, cantas copias, o acabado en cor, en escala, etc, etc. As configuracións que aquí se determinen son as que quedarán por defecto para a impresora, independentemente de quen imprima. Logo o usuario no momento de imprimir poderá modificar algún parámetro.
O apartado de Niveis de tinta/toner permite visualizar os niveis de carga da impresora se é que a impresora informa dos mesmos. Obviamente, este non é o caso.
Imprimir páxina de proba
Nesta ocasión xerarase un arquivo PDF. Ollo, que unha páxina de proba nunha impresora a cor de chorro de tinta, vai gastar bastante tinta. Úsese con cautela.
- Imprimir páxina de proba
Premer no botón Imprimir páxina de proba.
Número de traballo asignado á impresión.
Créase automaticamente no home do usuario unha carpeta chamada PDF. A diferencia dos casos anteriores, esta impresora non pregunta onde se desexa gardar o documento, nin pregunta o seu nome. O nome será o nome do documento a imprimir e a ubicación será a carpeta PDF do home do usuario.
O documento PDF coa páxina de proba...
Visto no Visualizador de documentos.
Cambiar opcións de impresión
A continuación modificaranse uns parámetros da impresora, para coñecer distintas configuracións.
- Cambiar parámetros de impresión
En Opcións do traballo indicar que se desexan dúas páxinas por cara (nun folio a dobre cara imprimiríanse 4 páxinas).
Creamos un documento con LibreOffice Writer que teña 2 páxinas (ou máis).
Imprimilo a través da impresora chamada PDF.
Este é o resultado.
Escenario 1: Instalar impresora USB automática
Se o controlador ou driver da impresora está no sistema nada máis conectar a impresora esta xa estará operativa, sen intervención algunha do usuario. Iso é o que se reproduce neste escenario:
- Instalar impresora de xeito automático
Se o driver da impresora está na base de datos do sistema, nada máis conectala e acendela, instálase. Aquí vemos a impresora instalada, sen intervención do usuario. Imos ver as propiedades.
Cubrir os campos de descrición e localización. Fixarse na URI á cal está conectada o dispositivo. Neste caso o dispositivo está conectado a través de USB. Fixarse, tamén, na Marca e modelo. Calquera dos dous se pode cambiar.
En Opcións da impresora agora podemos ver outras opcións distintas á da impresora PDF, como a resolución da impresión, orixe do papel, etc.
Escenario 2: Instalar impresora manual
Para facer un exemplo dunha instalación manual, imos engadir unha impresora como a que xa instalamos pero simulando unha instalación para poder seleccionar manualmente o modelo e o driver para a mesma. Nun caso real non tería sentido facelo con este modelo de impresora, pero reprodúcese a continuación porque si pode ser útil para outros modelos:
- Instalar impresora de xeito manual
Na aplicación de Impresoras engadimos unha nova impresora. Imos seleccionar unha impresora ou servidor LDP, poñendo como servidor localhost (o propio equipo) e poñemos á cola o nome que queiramos.
Neste paso seleccionamos o controlador para a impresora. A primeira opción é a máis sinxela, que consiste en buscar o modelo da impresora na base de datos do sistema. Así que seleccionaremos a marca (neste caso HP) e picaremos en Adiante. Pero antes imos ver as outras opcións.
A segunda opción permite introducir un ficheiro PPD, que é un ficheiro que contén todo o necesario para que Linux poida usar a impresora. Este ficheiro se pode descargar da web, como veremos máis adiante.
Ou temos a opción de introducir a marca e o modelo que buscar o driver para descargar.
Neste caso, seleccionamos na base de datos a marca HP. Agora seleccionaremos o modelo da nosa impresora e o driver (no caso de haber varios, haberá un marcado como recomendado).
Cubrir o campo de Nome, co que se vai identificar o dispositivo. O nome non ten porque gardar ningunha relación nin coa marca nin co modelo de impresora, aínda que se vai haber varias o aconsellable é que si. Os dous campos: Descrición e Localización son opcionais.
Ao finalizar a instalación podemos imprimir unha páxina de proba.
Impresora predeterminada de sistema e de usuario
Cando hai dúas ou máis impresoras hai que indicar cal é a predeterminada, para que cando se prema nos botóns de imprimir das aplicacións non pregunte a impresora que se desexa usar. En Ubuntu, unha impresora pode ser predeterminada de:
- Sistema: Un usuario administrador determina que para todo o sistema cal é a impresora determinada independentemente do usuario.
- Usuario: se o usuario non quere a impresora do sistema como predeterminada, este pode escoller a que desexe como predeterminada.
- Impresora predeterminada
A impresora PDF é a predeterminada do sistema.
Cada usuario pode escoller a impresora que desexe como predeterminada na aplicación de Impresoras. Premendo co botón dereito pódese configurar ...
a impresora predeterminada de sistema e de usuario.
A representación gráfica de impresora predeterminada de usuario (a primeira) e de sistema (a segunda).
Administrar os traballos de impresión
Hai veces en que é preciso cancelar un traballo, reanudalo, comprobar o que se imprimiu, etc.
- Administrar traballos de impresión
Na ferramenta de Impresoras, picamos co botón dereito sobre a impresora e seleccionamos Ver cola de impresión.
Pódese ver a cola de impresión, e incluso se poden cancelar documentos.
Tamén se pode ver un listado de todo canto se imprimiu, activando o segundo botón.
Opcións para obter os drivers para unha impresora
Openprinting.org
Openprinting.org é un portal web no que se poden descargar drivers para impresoras. Cando o sistema ou ou fabricante non proporcionan o driver en Openprinting.org pódese consultar o estado de desenvolvemento do driver.
- Openprinting.org
Prememos no enlace de Openprinting Database...
No medio da páxina indicase a categoría na que pode estar o driver... (De 0 a 3 pingüíns).
Se se preme no enlace printer listing do comezo da páxina, pódese indicar o nome e modelo da impresora. Neste exemplo, unha impresora DELL 1110. Picamos en Show this printer (Ver esta impresora).
Nesta caso funcionarán a maioría das características da impresora. Se ofrecen enlaces para a descarga dos distintos drivers. En moitos casos poderemos descargarnos o ficheiro PPD que logo podemos introducir na ferramenta de Impresoras de Ubuntu para proporcionar o controlador da impresora.
HPLIP: HP Linux Imaging and Printing
HP desenvolveu unha aplicación para xestionar os seus dispositivos de escaneo, impresión e fax chamada HPLIP que podemos instalar para as impresoras HP. HPLIP ofrece tamén unha ferramenta gráfica que permite unha xestión máis completa dos dispositivos HP, para poder escanear, imprimir páxinas de proba, ver problemas, etc.
- HPLIP
Instalar o paquete de Ferramentas de HPLIP.
Iniciamos a aplicación HPLIP Toolbox (Caixa de ferramentas de HPLIP).
En Accións, pódese: imprimir páxina de proba, descargar firmware, etc.
En Estado podemos ver o estado da impresora.
Aquí podemos ver o estado dos cartuchos.
En Axustes de impresión: calidade da impresión, tamaño papel, etc.
En Control de impresión: xestionar a cola de impresión, poñer a impresora como predeterminada, etc.
Na barra de indicadores tamén temos unha icona de acceso á caixa de ferramentas de HPLIP.
Descarga de drivers de impresoras Brother
Brother tamén ofrece soporte para Linux para a as súas impresoras, pero teremos que descargar da súa web os paquetes necesarios para a instalación dos controladores. A continuación móstrase como facelo:
- Drivers de impresoras Brother
Na web de brother (http://www.brother.es) imos dentro do menú de Servizos ao cliente a Descargas e software.
Picamos en Controladores e manuais.
Podemos introducir o modelo e picar en Buscar, aínda que tamén podemos buscar o modelo por categoría.
Atopado o modelo, escollemos sistema operativo Linux e versión Linux(deb), xa que Ubuntu é unha distribución baseada en Debian e usan o seu formato de paquetes.
Aparece un aviso indicando que non hai controladores en castelán. Non pasa nada, xa que nos vale perfectamente o controlador en inglés.
Seleccionamos o idioma inglés, escollemos o paquete de impresión ou de escáner que nos interese. Por exemplo, neste caso imos instalar o paquete do controlador do escáner de 64 bits.
Aceptamos o a licenza e descargamos o paquete.
Agora só temos que facer sobre clic sobre o ficheiro descargado e xa se abre o Centro de Software de Ubuntu. Simplemente teremos que picar en Instalar para instalar o controlador.
Escenario 3: Instalar impresora de rede
Vaise simular que se ten a impresora de rede na IP 10.0.0.9 (A dirección IP cambia con respecto ás indicadas nos escenarios xa que se tomou o caso real dunha impresora de rede nun centro):
- Instalar impresora
Na ferramenta de impresoras premer en Engadir. Pode non aparecer a impresora que buscamos, pero introducimos a súa dirección e picamos en Buscar.
Aparecen distintos modos de conexión coa impresora. Seleccionamos o IPP (Internet Printing Protocol) e picamos no botón de Adiante.
Neste caso o controlador ten unha opción de instalación que podemos axustar, na que se indica o número de bandexas de papel da impresora. Seguimos.
Indicamos Nome, Descrición e Localización.
A impresora xa está instalada.
Vista da propiedades da impresora.
Nas Opcións da impresora podemos seleccionar distintos modos de impresión dúplex xa que a impresora imprime a dobre cara.
Tamén podemos seleccionar impresión a cor ou en branco e negro por defecto.
Compartir impresoras en Ubuntu e administración remota
Un dos aspectos interesantes de ter unha rede é poder compartir as impresoras que ten instaladas un equipo. Ese equipo chamarase Servidor de Impresoras ou de Impresión. Neste caso o equipo Ubuntu uclient vaise converter nun servidor de impresoras.
Esta impresoras poderán ser usadas dende MS Windows e dende outros GNU/Linux.
- Compartir impresoras en Ubuntu e permitir administración remota
A impresora HP xa está compartida en uclient...
pero decidimos non compartir a impresora PDF.
A parte de indicar que impresoras se comparten fai falta habilitar o servidor para permitir que outros equipos poidan usar as impresoras que comparte. Servidor -> Configuración ...
Marcar: Publicar as impresoras, Permitir a administración remota e que os usuarios cancelen calquera traballo.
Escenario 4: Desde Ubuntu usar impresoras compartidas por Ubuntu
En uclient02 vanse usar as impresoras compartidas por uclient...
Para realizar esta operación en uclient02 é preciso entrar cun usuario con privilexios administrativos, neste caso: administrador. Seleccionouse neste equipo un tema de escritorio diferente para distinguilo de uclient.
- Desde Ubuntu usar impresoras compartidas por Ubuntu
Na aplicación de Impresoras picamos en Engadir para engadir unha nova impresora neste equipo.
Picamos na opción de Buscar impresora de rede e introducimos como servidor a dirección IP do equipo uclient. Picamos en Buscar.
Aparece xa cuberta a URI do dispositivo para a impresora que está compartida nese equipo. Picamos en Adiante.
Podemos poñer o Nome, Descrición e Localización para a impresora.
Imos imprimir unha páxina de proba para comprobar a súa impresión en uclient.
Vista da cola de impresión da impresora en uclient, onde podemos ver o documento que foi enviado a imprimir dende o outro equipo.
Administración remota dun servidor de impresoras Ubuntu
Para poder dende uclient02 cambiar os parámetros de configuración das impresoras de uclient, hai dúas formas:
- A través do propio administrador de impresoras de uclient02, conectándose ao servidor de uclient.
- A través da web: <ip equipo>:631.
- Desde uclient02 administrar impresoras de uclient
Na ferramenta de Impresoras en uclient02 imos a Servidor -> Conectar ....
Indicar a IP de uclient.
Dende uclient02 estamos administrando as impresoras de uclient.
Agora si que se poden modificar parámetros dunha impresora dende uclient02 como se se estivera en uclient
Déixese o configurador de impresoras de uclient02 conectado ao seu propio servidor: escoller /var/run/cups/cups.sock.
Vista do configurador de impresoras de uclient02 conectado ao propio servidor de impresión.
Tamén se pode administrar as impresoras a través da web, introducindo no navegador en uclient02 a dirección: https://172.16.0.1:631. Aparecen en printers as impresoras.
Escenario 5: Desde Windows usar impresoras compartidas por Ubuntu
Nesta ocasión imos usar dende MS Windows unha das impresoras de uclient, a impresora HP.
En MS Windows para agregar unha impresora compartida por outro ordenador non é preciso ser un usuario con privilexios administrativos. Calquera o pode facer.
- Desde Windows usar impresoras de uclient
No equipo MS Windows imos ao panel de control: impresoras e faxes, e picamos en Agregar unha impresora.
Seleccionar unha impresora de rede.
Windows vai intentar buscar as impresoras que hai dispoñibles na rede, pero imos picar na opción de A impresora desexada non está na lista para indicar de forma explícita a impresora á que nos queremos conectar.
Escollemos a segunda opción e indicamos o lugar no que se atopa a impresora, neste caso: http://172.16.0.1:631/printers/HP-LaserJet-1018. O nome último é o nome que ten a impresora en uclient
Os drivers desta impresora non están por defecto no sistema, pero neste caso xa se descargaron e instalaron previamente.
Vemos o nome que vai ter a impresora neste equipo. Continuamos.
Imprimimos unha páxina de proba ...
e podemos ver o traballo na cola de impresión en uclient.
Os seguintes enlaces ofrecen vídeos explicativos sobre como conectar unha impresora de rede en Windows XP e Windows Vista:
Escenario 6: Desde Ubuntu usar impresoras compartidas por MS Windows
Vaise instalar unha impresora ficticia en wclient, compartila e usala dende uclient: OKI C7300.
Compartir impresora en MS Windows
- Compartir impresora en MS Windows
No equipo Ms Windows, agregar unha impresora local.
Indicar o porto: calquera, pois non existe a impresora, neste caso.
Escoller marca e modelo: OKI C7300.
Poñer o nome que se desexe. Non ten porque gardar relación co dispositivo.
Compartir a impresora co nome que se desexe. Neste caso: OKIC7300.
Vemos que a impresora está agregada correctamente. Continuamos.
Vista da impresora instalada e compartida (fixarse na imaxe de dous usuarios que aparece na parte inferior) no equipo MS Windows.
Os seguintes enlaces ofrecen vídeos explicativos sobre como compartir impresoras en Windows XP e Windows Vista:
Usar impresora en Ubuntu
Agora toca usar en uclient a impresora compartida en wclient.
- Desde Ubuntu usar impresora de Windows
En uclient premer en Engadir no configurador de impresoras.
Escoller que se desexa instalar unha impresora de Windows a través de SAMBA. Indicar a dirección (ou nome) e nome co que está compartida a impresora. Neste caso: 172.16.0.2/okic7300 (Tamén se pode navegar pola rede para buscala). Para imprimir nesa impresora precísanse credenciais de autenticación fronte a wclient. Se se indican nesta pantalla, todo usuario de uclient que imprima nesa impresora o estaría facendo como se fose, neste caso, o usuario admin de wclient. Antes de seguir, podemos picar en Verificar...
para verificar a conexión: comproba a dirección da impresora e as credenciais.
Unha vez comprobada a impresora, continuamos.
Seleccionar a marca...
o modelo e o driver.
Configurar parámetros propios deste modelo de impresora.
Indicar o nome co que se desexa instalar en uclient: Oki-C7300. Os demais campos son opcionais.
Imprimir páxina de proba.
Vemos que se envía a páxina sen pedir ningún tipo de autenticación.
Vista da cola de impresión da impresora en wclient.
Administrar dende Windows un servidor de impresoras en Ubuntu
Dende MS Windows pódese administrar un servidor de impresoras en Ubuntu facen uso dun navegador web, ao igual que no escenario 4. https://<ip ou nome equipo>:631
Observar como tamén está a propia impresora OKI de wclient, que se acaba de instalar en uclient.
Uso de Escáners
Habitualmente non hai que facer nada para que Ubuntu detecte un escáner conectado ao equipo. Porén, isto pode variar dependendo da marca e modelo do escáner. Por exemplo, no caso das impresoras multifunción de Brother, é necesario utilizar o comando brsaneconfig3 para engadir o escáner no sistema. O seguinte comando engadiría o escáner dunha impresores Brother DCP-9045CDN que ten a dirección IP 10.0.0.9:
brsaneconfig3 -a name=SCANNER model=DCP-9045CDN ip=10.0.0.9
Escaneado sinxelo
En Linux pódense utilizar distintas aplicacións para escanear documentos. No caso de Ubuntu, trae por defecto para escanear a aplicación de Escaner Sinxelo.
- A Escanear
Lanzamos a aplicación, e para escanear un documento só teremos que picar no botón de Escanear.
Vista do documento escaneado.
A propia ferramenta permite rotar a imaxe ou recortar unha parte da imaxe escaneada.
No menú Documento->Preferencias podemos ver o escáner seleccionado e as preferencias do escaneo.
Escáner utilizado, resolución do escaneo, etc.
Escanear dende LibreOffice.org
Hai veces nas que se desexa incorporar unha imaxe a un documento directamente dende o escáner.
Neste caso abriuse o procesador de textos.
- Escanear en LibreOffice.org
Seleccionar a fonte de adquisición: Inserir -> Imaxe -> Dixitalizar -> Seleccionar Orixe.
E así podemos seleccionar o dispositivo e cambiar parámetros como a resolución do escaneo. Se se desexa pódese realizar unha vista previa.
Para escanear directamente imos a: Inserir -> Imaxe -> Dixitalizar -> Adquirir ....
Vista da imaxe inserida no documento do procesador de textos de LibreOffice.org.
