Sistema Dual: Obxectivos e escenarios da PARTE II
Ir a la navegación
Ir a la búsqueda
- Nesta parte II, o usuario ten por obxectivo instalar Ubuntu e facer unha mínima configuración para telo actualizado, multi-idioma e que poida conectarse a internet.
- Recoméndase que antes de acometer o proceso de instalación se lea todo o material dese punto, pois é o máis importante de todo o curso. O usuario vai estar totalmente guiado e partindo do seu croquis da parte I vai ser quen de acabar tendo un sistema dual no ordenador real: Windows + Ubuntu.
- A seguinte imaxe ilustra o exposto anteriormente:
- É importante que o usuario saiba que aínda que teña 2 sistemas operativos instalados no seu sistema só vai poder usar un de cada vez, non os dous simultaneamente. Isto é, cando se acende o ordenador vai a aparecer un menú que lle vai permitir escoller ao usuario que Sistema Operativo quere iniciar, se escolle:
- MS Windows: o usuario vai traballar con este sistema operativo e non co Ubuntu.
- Ubuntu: o contrario do anterior.
- Se o usuario quere pasar dun Sistema Operativo ao outro debe reiniciar o equipo (ou apagar) e volver a escoller no menú de cando se inicia o ordenador.
- Para levar a cabo todo o proceso anterior, perante o proceso de instalación, o usuario vai crear particións, dun xeito totalmente asistido. Para iso debe ter en conta o seu croquis e adaptar o material dos apuntes ás súas circunstancias. Algúns van a ter que crear tódalas particións, outros usar algunhas das existentes (sen formatalas).
- Nesta parte II, verase unha Introdución ás particións, sistemas de ficheiros e puntos de montaxe. Na parte VI e VII do curso afondarase máis sobre este asunto.
- A seguinte imaxe amosa como vai quedar o sistema particionado (segundo o croquis dos apuntes). En seguida vemos a introdución do que é cada cousa.
- Para rematar esta parte II, verase como actualizar o sistema e unha pequena introdución ao escritorio de Ubuntu.
- LEMBRAMOS: antes de instalar nada véxase o punto da instalación e contrástese co croquis que cada quen realizou na parte I do curso, para así entender mellor o que cada quen ten que facer.