Administración básica e utilización de sistemas ERP-CMR

Anterior: Instalación e configuración de sistemas ERP-CRM
Seguinte: Organización, consulta e tratamento da información

Administración básica de OpenERP

Punto de partida: Instalación de OpenERP 7.0 en Ubuntu Server

Módulos de comunicacións e localización

Nun navegador iniciamos OpenERP 7.0 e accedemos coa conta de administrador á base de datos da empresa, no exemplo, galaxia_bd.

Editamos a conta do administrador e no separador Dereitos de acceso marcamos Technical features. Despois de gardar, actualizamos con F5 e veremos máis opcións no menú do lateral esquerdo.

Administradora

Noutro navegador diferente, iniciamos sesión coa conta de empregada creada na páxina anterior. Comprobamos que inicialmente non ten elementos no menú.

Empregada

A administradora instala o primeiro módulo: Social Network.

Administradora

Agora a empregada vai ter un correo interno e outras utilidades para comunicarse co resto de empregados.

Empregada

Instalación do módulo: Address Book. A empregada pode crear novos contactos: clientes, provedores, empregados, etc. No exemplo, un cliente da empresa.

Empregada

Podemos instalar e experimentar outro módulo relacionado: Notas. Debido a un bug da aplicación, só pode rexistrar notas a administradora.

Administradora

É posible instalar novas linguas para a interface, pero é importante manter o inglés que será usado para as palabras non traducidas (como é o caso do galego). Ademais pódense instalar módulos de localización. Podemos visualizar os relativos a España procurando l10n_es.

Administradora

Cargamos o idioma español e mudamos a lingua da interface das usuarias editando as súas preferencias.

Descarga e instalación de módulos

Cando tentamos instalar un módulo no apartado Aplicaciones en línea pode ser que nos dea un erro. Por exemplo, ao tentar instalar Topónimos españoles responde dicindo que o módulo base_location non está dispoñible.

Estas son as accións que se teñen que realizar para instalalos de forma manual:

Descarga de módulos na páxina https://www.openerp.com/apps. No noso exemplo, temos que descargar base_location e l10n_es_toponyms

Enviamos os módulos á máquina de Ubuntu Server por FTP, MobaXterm ou carpetas compartidas. Outra alternativa é descargalos desde dentro da máquina virtual co comando wget.

Copiamos os dous ficheiros ZIP no directorio /usr/lib/pymodules/python2.7/openerp/addons

Descomprimimos: unzip *.zip

Eliminamos os ficheiros: rm *.zip

Na web de adminstración de OpenERP, clicamos en Actualizar lista de módulos.

En Módulos locales eliminamos o filtro Instalado e procuramos os novos módulos. Primeiro instalamos base_location e despois l10n_es_toponyms.

Uso do CP para preencher outros campos

Unha alternativa á instalación manual de módulos, que habilita a one-click online instalation, é facer o noso usuario de OpenERP propietario do directorio addons:

sudo chown openerp:openerp /usr/lib/pymodules/python2.7/openerp/addons

Instalación mínima para unha PEME

No apartado Aplicaciones en línea, instalamos os módulos CRM, xestión de almacén, xestión de compras, xestión de vendas, contabilidade e finanzas e recursos humanos.

Cada vez que instalamos un módulo temos que editar a conta do empregado e activar os checkbox correspondentes para que poida utilizar o menú do módulo e as diferentes opcións do menú:

Módulo CRM.

Administradora

Empregada

Desmarcamos Portal porque máis adiante impediría acceder aos contactos e realizar compras, vendas, etc.

Módulo Warehouse Management: xestión de almacén.

Administradora

Empregada

Módulo Purchase Management: xestión de compras.
Módulo Sales Management: xestión de vendas.
Módulo Accounting and Finance: contabilidade e finanzas.
Módulo Employee Directory: recursos humanos.
Módulos l10n_es: localización española (algún xa foi instalado automaticamente).
Hai outro apartado onde se poden configurar as características xerais dos módulos: Configuración, Configuración