Obxectivos e escenarios da PARTE I

No Apartado I do curso trataremos de familiarizarnos con seguintes aspectos:

• Virtualización.
• Máquinas virtuais.
• Instalar e configurar unha ferramenta de virtualización: VirtualBox.
• Instalar sistemas operativos de escritorio en VirtualBox.
• Copiar, importar, exportar e clonar máquinas virtuais.
• Acceder dende as máquinas virtuais a recursos da máquina física.

Nas seguintes imaxes amósanse os distintos escenarios que se van manexar na PARTE I:

Neste primeiro escenario instalarase a ferramenta VirtualBox sobre un equipo físico co sistema operativo Linux (Ubuntu).

Neste segundo escenario instalarase a ferramenta VirtualBox sobre un equipo físico co sistema operativo MS Windows.

Este escenario amosa un equipo físico "host" con 2 máquinas virtuais instaladas.

Neste outro escenario clónanse as dúas máquinas anteriormente instaladas.

E finalmente accédese dende ás máquinas virtuais a recursos físicos conectados ao ordenador real.

-- Antonio de Andrés Lema e Carlos Carrión Álvarez --