Clonezilla de Disco a Imaxe WSamba

Nesta práctica imos crear unha imaxe dun disco, pero, nesta ocasión, a imaxe vaise gardar nun recurso compartido creado nun equipo cun sistema operativo Windows.

A configuración empregada nas imaxes que vemos a continuación é a dun equipo Windows con:

- IP: 192.168.1.100

- MS: 255.255.255.0

- Nome do recurso compartido: imaxes

- Nome do usuario con permiso para escribir no recurso: administrador

- Contrasinal do usuario con permiso para escribir no recurso: abc123.

Recordade configurar ben os permisos para que o usuario empregado poida gardar a imaxe no recurso compartido.

Vexamos os puntos a realizar:

1.- O primeiro a facer é arrancar o Clonezilla Live e dicirlle ao asistente que imos facer (ou restaurar) unha imaxe dun ou varios discos, opción device-image.

2.- Agora é cando o asistente nos pregunta onde (ou de onde) imos a gardar a imaxe, é dicir, que dispositivo monta no directorio /home/partimage. Nesta práctica, e isto é o que a diferencia de outras, a imaxe gardarase nun recurso compartido por Samba dende un sistema operativo Windows, opción Samba_Server.

3.- Como o asistente ve que o repositorio é un recurso compartido por rede, o seguinte que pide é configurar a nosa tarxeta de rede. Debemos ter moito coidado de configurala cunha IP/MS compatible coa do Servidor Samba. No noso caso non temos servidor DHCP polo que a configuramos de modo estático:

A porta de enlace non é necesaria, pois o Servidor Samba está na nosa rede.

O Servidor DNS non é necesario, pois non imos empregar nomes DNS, faremos todo directamente con IPs.

Agora pide a IP do Servidor Samba, onde temos o recurso compartido imaxes.

Como o Servidor Samba non pertence a ningún dominio, temos que escoller cancel na seguinte opción do asistente.

A continuación pide un usuario que teña permiso de escritura no recurso compartido. Neste caso escollemos o usuario administrador, pero sería interesante ter un usuario específico para este traballo e non darlle ao responsable das imaxes (que as veces non é o administrador da rede) a conta de administrador (este é un fallo de seguridade grave).

Agora pídenos o nome do recurso compartido creado no servidor (recorda que hai que poñer o nome do recurso, NON a situación do directorio compartido no sistema de arquivos orixe).

Por último, escribe o password do usuario administrador.

Se sae unha pantalla como esta é que todo vai ben.

4.- A partires de agora, facer a imaxe é o mesmo que se fixo no apartado Clonezilla_de_Disco_a_Imaxe tal e como vemos na seguinte imaxe.

-- Cristina París

--Manuel Vieites

30 feb 2012