Editores de texto

Nesta sección explicaranse un par de posibles editores de ficheiros para poder modificar e parametrizar a configuración do sistema en modo consola.

Comandos utilizados

nano / pico: editor sinxelo de texto

vi / vim: editor un chisquiño máis complicado que traballa en distintos modos.

Editor nano/pico

nano é un editor sinxelo de texto, clonado do editor Unix chamado pico.

En GNU/Linux a execución dos comandos pico ou nano abren o mesmo editor.

Nano/pico é un editor semellante ao edit de MS-DOS.

nano

Abre a seguinte aplicación:

Premendo CTRL+X sáese do editor e se hai modificacións pregunta se se desexa gardar e o nome do arquivo.

TAMÉN PODES VER...

Se queres afondar sobre o manexo deste editor podes consultar estes enlaces:

• Sitio Web do proxecto nano
• man nano

O editor vi / vim

O editor vim é o editor vi mellorado (vi iMproved).

As versións actuais de Ubuntu traen por defecto instalado o vim. A execución do comando vi ou vim abre o mesmo editor.

Este editor traballa basicamente en 2 modos:

• Modo comandos: onde as teclas que se preman poden realizar algunha acción no editor. O editor sempre se inicia en modo comando e sempre se poderá volver a ese modo premendo a tecla ESC.
  • premendo i: pásase a modo edición.
  • :q -> sae do programa se non se fixeron modificacións.
  • :q! -> sae do programa descartando as modificacións.
  • :wq -> sae do programa gardando as modificacións.
• Modo edición: permite engadir texto ó ficheiro. Para volver ó modo comandos premer ESC e logo introducir o comando desexado.

vi

Abre a seguinte aplicación:

Se na pantalla anterior se preme a letra i pásase ao modo edición. A seguinte imaxe amosa o editor en modo edición.

Para saír é preciso volver ao modo comandos: premer ESC. Para saír sen gardar escribir :q! e premer ENTER.

TAMÉN PODES VER...

Se queres afondar sobre o manexo deste editor podes consultar estes enlaces:

• Páxina do proxecto vim
• man vim
• Manual do editor vi do Profesor Antonio Yañez da Facultade de Informática da Universidade da Coruña

vi vs nano

Como agora todos os periódicos teñen enquisas de opinión un día si e outro tamén, pois para estes comandos non podía ser menos: Con cal te quedas?

Curiosidades

Quen dixo que os profesores de universidade eran pouco dados ao humor e a sorna?. Revisade con tranquilidade e gozade do sarcasmo:

O formato doc. Este profesor (Antonio Yañez) ofrece as prácticas en varios formatos, non perderse o que sucede se se escolle, case ao final da páxina, o formato .doc. Boísimo, non deixar de lelo até o final de todo, incluso o final.

-- Antonio de Andrés Lema e Carlos Carrión Álvarez