Configuración básica da rede nunha máquina virtual Windows

A continuación amósase onde se realiza a configuración IP nun equipo invitado (MV) MS Windows. Isto será usado posteriormente ao longo dos distintos escenarios.

Modo gráfico

• No Panel de control de Windows ir a Ver o estado e tarefas de rede

• Premer en Modificar a configuración do adaptador

• Premer co botón dereito sobre o interface de rede e selecciona Propiedades

• Seleccionar o Protocolo de Internet versión 4 (TCP/IPv4)

• Aquí é onde se realiza a configuración IP. Por defecto está por DHCP, isto é, hai un equipo na rede que actúa de servidor DHCP, e a aqueles clientes que lle soliciten unha IP enviaralles unha IP coa súa máscara, e se procede: porta de enlace e DNSs

Modo consola

• Agora imos ver como se pode coñecer a configuración IP vía consola de texto.

• Premer en Inicio->Accesorios->Símbolo do sistema ou premer en Inicio e escribir cmd e premer ENTER.

• Escribir o comando ipconfig /all.

• Observar o enderezo MAC como coincide co que ten configurado o adaptador 1 da MV en VirtualBox.

-- Antonio de Andrés Lema e Carlos Carrión Álvarez --