Fundamentos de Hardware (Ciclo ASIR)

Fundamentos de Hardware do Ciclo ASIR

• Curso: 1º
• Duración: 107 horas - 128 Sesións = 32 Semanas x 4 Sesións/Semana
• Profesorado: Sistemas e Aplicacións Informáticas

• Programación Didáctica do Módulo ASIR-FH

RA1. Configura equipamentos microinformáticos, compoñentes e periféricos, e analiza as súas características en relación co conxunto.

– CE1.1. Identificáronse e caracterizáronse os dispositivos que constitúen os bloques funcionais dun equipamento microinformático.

– CE1.2. Describiuse o papel dos elementos físicos e lóxicos que interveñen no proceso de posta en marcha dun equipamento.

– CE1.3. Analizouse a arquitectura xeral dun equipamento e os mecanismos de conexión entre dispositivos.

– CA1.4. Ensambláronse equipamentos microinformáticos, interpretando a documentación técnica, e verificouse o resultado final.

– CE1.5. Establecéronse os parámetros de configuración (hardware e software) dun equipamento microinformático coas utilidades específicas.

– CE1.6. Avaliáronse as prestacións do equipamento empregando utilidades específicas.

– CE1.7. Executáronse utilidades de recoñecemento e diagnóstico.

– CE1.8. Identificáronse e documentáronse avarías e as súas causas.

– CE1.9. Utilizáronse ferramentas de procura vía web para obter documentación, controladores de dispositivos e soporte técnico, e para solucionar erros.

– CE1.10. Clasificáronse os dispositivos periféricos e as súas mecanismos de comunicación.

– CE1.11. Utilizáronse protocolos estándar de comunicación sen fíos entre dispositivos.

• Esquema e estrutura dun computador.
• Elementos funcionais e subsistemas.
• Composición dun sistema informático: unidade central de proceso, memoria, subsistema de E/S, tipos de arquitecturas de bus e interfaces.
• Compoñentes de integración para a ensamblaxe de equipamentos informáticos

–Chasis, alimentación e refrixeración.

–Placas base, procesadores e memorias.

–Dispositivos de almacenaxe. Controladoras.

–Periféricos. Adaptadores para a conexión de dispositivos.

–Mecanismos e técnicas de interconexión.

–Secuencia de arranque dun equipamento: posibilidades.

–Instalación e configuración de dispositivos.

–Normas de seguridade.

• Manexo de documentación técnica nos idiomas mais empregados pola industria.
• Webs de soporte técnico.
• Configuración e verificación de equipamentos.
• Software incrustado de configuración dun equipamento.
• Utilidades de prestacións, recoñecemento e diagnóstico.
• Técnicas de conexión e comunicación.

RA2. Instala software de propósito xeral, e avalía as súas características e os contornos de aplicación

– CE2.1. Catalogáronse os tipos de software segundo a súa licenza, a súa distribución e o seu propósito.

– CE2.2. Analizáronse as necesidades específicas de software asociadas ao uso de sistemas informáticos en diferentes contornos produtivos.

– CE2.3. Utilizáronse ferramentas para facer particións de disco..

– CE2.4. Instaláronse sistemas operativos e verificouse a súa compatibilidade co hardware do sistema.

– CE2.5. Instaláronse e avaliáronse utilidades para a xestión de ficheiros, recuperación de datos, mantemento e optimización do sistema.

– CE2.6. Instaláronse e avaliáronse utilidades de seguridade básica.

– CE2.7. Instalouse e avaliouse software ofimático e de utilidade xeral.

– CE2.8. Consultouse a documentación e as axudas interactivas.

– CE2.9. Verificouse a repercusión da eliminación, a modificación e a actualización das utilidades instaladas no sistema.

– CE2.10. Probáronse e comparáronse aplicacións portables e non portables.

– CE2.11. Realizáronse inventarios do software instalado e as características da súa licenza.

• Licencias de software.
• Partición de discos.
• Sistemas de ficheiros.
• Instalación e configuración de sistemas operativos libres e propietarios.
• Xestores de arranque:

–Tipos de aplicacións.

– Aplicacións portables e non portables.

– Instalación e proba de aplicacións.

– Necesidades dos contornos de explotación.

– Requisito das aplicacións.

– Comparación de aplicacións: avaliación e rendemento.

• Software de propósito xeral:

–Ofimática e documentación electrónica.

–Imaxe, deseño e multimedia.

–Programación.

–Clientes para servizos de internet.

–Software a medida.

• Utilidades

–Compresores.

–Monitorización e optimización do sistema.

–Xestión de ficheiros e recuperación de datos.

–Xestión de discos. Fragmentación e partición.

–Inventariado de software.

–Seguridade.

–Antivirus, antiespías e devasas (firewalls).

RA3. Analiza e executa procedementos para recuperar o software base dun equipamento, utilizando imaxes almacenadas en memoria auxiliar

– CE3.1. Recoñeceuse a diferenza entre unha instalación estándar e unha preinstalación ou imaxe de software.

– CE3.2. Identificáronse os soportes de memoria auxiliar adecuados para o almacenamento e a restauración de imaxes.

– CE3.3. Empregáronse diversas utilidades e soportes para realizar imaxes.

– CE3.4. Restauráronse imaxes desde distintas localizacións.

– CE3.5. Identificáronse e probáronse as secuencias de arranque configurables nun equipamento.

• Imaxes de respaldo.
• Preparación do sistema para crear e restaurar imaxes de respaldo.
• Utilidades libres e propietarias para a manipulación de imaxes de respaldo.
• Creación de imaxes.
• Recuperación de imaxes.
• Configuracións de arranque do sistema.

RA4. Implanta hardware específico de centros de procesamento de datos (CPD), e analiza as súas características e as súas aplicacións

– CE4.1. Recoñecéronse as diferenzas entre as configuracións de hardware de tipo persoal e empresarial.

– CE4.2. Analizáronse contornos que requiran implantar solucións de hardware específicas.

– CE4.3. Detalláronse compoñentes de hardware específicos para solucións empresariais.

– CE4.4. Analizáronse os requisitos básicos de seguridade física, organización e condicións ambientais dun CPD.

– CE4.5. Implantáronse sistemas de alimentación ininterrompida e estabilizadores de tensión.

– CE4.6. Manipuláronse correctamente dispositivos de almacenamento para solucións empresariais.

– CE4.7. Implantáronse sistemas de almacenamento redundante e distribuído (RAID).

– CE4.8. Ensamblouse equipamento específico de centros de procesamento de datos interpretando a documentación técnica, e verificouse o resultado final

– CE4.9. Documentáronse procedementos, incidencias e parámetros utilizados na instalación e na configuración de dispositivos hardware.

– CE4.10. Utilizáronse ferramentas de inventariación e rexistráronse as características dos dispositivos de hardware.

– CE4.11. Clasificouse e organizouse a documentación técnica, os controladores, as utilidades e os accesorios do hardware.

• Arquitecturas de computadores persoais, sistemas departamentais e grandes computadores.
• Estrutura dun CPD: organización.
• Seguridade física.
• Compoñentes específicos en solucións empresariais:

–Bastidores.

–Servidores en rack e servidores blade.

–Dispositivos de conexión en quente.

–Cabinas de Discos e configuracións RAID.

–Sistemas NAS e SAN.

–Fontes de alimentación.

–Control remoto.

–Dispositivos de copias de seguridade.

• Arquitecturas de alta dispoñibilidade.
• Inventariado do hardware: ferramentas e automatización.

RA5. Cumpre as normas de prevención de riscos laborais e de protección ambiental, e identifica os riscos asociados, as medidas e os equipamentos para os previr.

– CE5.1. Identificáronse os riscos e o nivel de perigo que supón a manipulación de materiais, ferramentas, utensilios, equipamentos e medios de transporte.

– CE5.2. Operouse cos equipamentos respectando as normas de seguridade.

– CE5.3. Identificáronse as causas máis frecuentes de accidentes na manipulación de equipamentos, ferramentas, etc.

– CE5.4. Describíronse os elementos de seguridade (proteccións, alarmas, pasos de emerxencia, etc.) das máquinas e dos equipamentos de protección individual (calzado , protección ocular, indumentaria, etc.) que se deben empregar nas operacións de montaxe e mantemento.

– CE5.5. Relacionouse a manipulación de equipamentos e ferramentas coas medidas de seguridade e protección persoal requiridas.

– CE5.6. Identificáronse as posibles fontes de contaminación ambiental.

– CE5.7. Clasificáronse os residuos xerados para a súa retirada selectiva.

– CE5.8. Valorouse a orde e a limpeza das instalacións e dos equipamentos como primeiro factor de prevención de riscos.

• Identificación de riscos.
• Determinación das medidas de prevención de riscos laborais.
• Prevención de riscos laborais nos procesos de montaxe e mantemento.
• Equipamentos de protección individual.
• Normativa de prevención de riscos laborais.
• Protección ambiental e tratamento de residuos.