Instalación e configuración de sistemas ERP-CRM

Anterior: Identificación de sistemas ERP-CRM
Seguinte: Administración básica e utilización de sistemas ERP-CMR

Instalación e configuración inicial de OpenERP 7.0

Nota: OpenERP vén de mudar o nome a Odoo: [1]

Instalamos OpenERP 7.0 nun Ubuntu Server

• Inserimos a seguinte liña en /etc/apt/sources.list

deb http://nightly.openerp.com/7.0/nightly/deb/ ./ 
ou
deb http://nightly.odoo.com/7.0/nightly/deb/ ./

• Instalamos OpenSSH, PostgreSQL, Java Tomcat e OpenERP cos seguintes comandos:

sudo su
apt-get update
apt-get install openssh-server
apt-get install postgresql
apt-get install tomcat7
apt-get install openerp

• Accedemos desde calquera equipo da subrede utilizando un browser, indicando a IP do servidor e o porto 8069

• Creamos unha nova base de datos, no exemplo, galaxia_sw (para unha empresa ficticia chamada Galaxia Software). Aínda que accedemos coa conta de administrador, inicialmente temos poucas opcións no menú lateral.

• Editamos a información do Administrador ou Administradora.

• Creamos unha conta de usuario ou usuaria.

• Facemos clic na ligazón de arriba á esquerda para editar a información da empresa. Xeramos un informe de proba.

• Na mesma páxina, configuramos os datos da conta bancaria.

Instalación e configuración inicial de OpenERP 6.1

Aínda que se trata dunha versión antiga, presentamos esta alternativa como exemplo dunha instalación cliente-servidor.

Servidor

Vamos instalar o servidor OpenERP nun Ubuntu Desktop 13.04

• Procuramos "openerp" no Centro de Software de Ubuntu e instalamos a versión completa.

• Configuramos Postgresql editando pg_hba.conf. En primeiro lugar obrigamos a que os usuarios da BD se autentiquen con clave encriptada: Na liña que comeza por "local all all" trocamos a última palabra por "md5".

sudo gedit /etc/postgresql/9.1/main/pg_hba.conf

• Reiniciamos Postgresql:

sudo /etc/init.d/postgresql restart

• Creamos un usuario en Postgres con permiso para crear bases de datos. No noso exemplo chámase varela, con clave abc123.:

sudo su postgres
createuser varela --pwprompt
...(Responder as preguntas: Pode crear BDs, o resto non.)
exit

• Configuramos o servidor OpenERP para indicarlle o nome do usuario e clave creados no paso anterior:

sudo gedit /etc/openerp/openerp-server.conf

• Reiniciamos o servidor OpenERP co seguinte comando:

sudo /etc/init.d/openerp-server restart

Cliente

Vamos instalar o cliente OpenERP nun Windows 7.

Temos a posibilidade de utilizar a versión completa, que serve tanto para instalar o servidor como o cliente.

Neste manual vamos instalar a versión cliente openerp-client-6.1-latest.exe.

Outras versións

• Instrucións de instalación

• Despois de instalar tenta conectar automaticamente co servidor OpenERP, pero como non está no mesmo computador dá erro. Temos que facer clic no botón "Cambiar" e especificar a IP do servidor OpenERP.

• Agora a mensaxe de erro é distinta: "Non se atopou unha base de datos, debe crear unha!".

1. Pechamos a xanela e vamos a Archivo, Bases de datos, Nueva base de datos.
2. Inserimos o nome da nova BD. Neste exemplo, galaxia_bd (para unha empresa ficticia chamada Galaxia Software).
3. Nesta operación tamén se crea a clave do administrador. Escribir unha e lembrala.

• Xa dentro do cliente OpenERP, coa base de datos cargada, unha das primeiras cousas que podemos facer é configurar a zona horaria do usuario.

• Creamos un novo usuario. En Dereitos de acceso, Sales Management, escollemos User.

• Desconectamos a sesión do administrador e facemos login con ese novo usuario.

• De novo como administrador, editamos a información xeral da compañía en Menú, Compañías, Your Company. Finalmente facemos clic en "Preview Header" para visualizar un infome de proba.

• Visualizamos os módulos instalados. Inicialmente, ningún.

Control remoto

Atención!

O servidor é o equipo que vai ser controlado remotamente, non noso caso, o Windows 7.

O cliente, neste exemplo Ubuntu, é o que se conecta ao servidor para acceder ao seu escritorio.

Servidor

No Windows 7, instalamos o servidor VNC

Cliente

Instalamos o cliente VNC, desde o centro de software de Ubuntu.

Executamos a aplicación nun terminal, indicando a IP do servidor e o display :0

vncviewer IP:0

Abre a conexión remota e podemos traballar no Windows 7.

Para finalizar a conexión, volvemos ao terminal e executamos Control+C.