Ver el código de «Vantaxes de XHTML sobre HTML»

=Por que usar XHTML 1.1 se xa existe HTML 4.01? Cales son as súas vantaxes?=
O W3C combinou a potencia de HTML e XML para crear unha linguaxe de marcado á que lle sentara ben o paso do tempo. A experiencia das versión do HTML 3.2, cando se empezaron a introducir elementos de deseño nas etiquetas, foi moi negativa para os desenvolvedores e, a medio prazo, para os propios usuarios, derivando nunha auténtica balcanización da web. A día de hoxe, aplicacións da chamada [http://gl.wikipedia.org/wiki/Web_sem%C3%A1ntica web semántica] xa empezan a tirar partido do XHTML.

Por outra parte, XHTML, ao estar baseado en XML obriga a que todos os elementos estean marcados correctamente, é dicir, que estean '''ben formados''' (en HTML o chequeo sintáctico non é obrigatorio) permitindo facer un tratamento máis automatizado en caso de que sexa necesario. No hai que esquecer que cada día son máis as ferramentas que empregan XML no seu funcionamento.

Ademais, o uso dun HTML baseado en XML permite a utilización da linguaxe en dispositivos para os que inicialmente non foi deseñado como, por exemplo, un navegador nun teléfono móbil ou nun pequeno portátil. 

Por último, XHTML é extensible, novamente por estar baseado en XML, mentres que HTML non.

==Modularización==
Unha das vantaxes máis importantes de XHTML fronte a HTML é a súa separación en módulos permitindo, entre outras cousas, as seguintes:
*Escoller módulos que estean soportados só por determinados dispositivos.
*Simplificar XHTML para pequenos dispositivos, mediante a definición de perfís, como o [http://en.wikipedia.org/wiki/XHTML#XHTML_Basic_and_XHTML-MP XHTML Basic] (un subconxunto de XHTML que proporciona un mínimo de características que incluso poidan soportar os dispositivos máis limitados, xeralmente, pequenos dispositivos móbiles).
*Incluír outras linguaxes de marcado como MathML, SVG, voz e multimedia.

O W3C dividiu o [http://www.w3schools.com/xhtml/xhtml_modules.asp XHTML en 28 módulos] entre os que se atopan os que conteñen elementos para crear formularios, táboas, listas, estilos, etc.

=Como pasar de HTML a XHTML=
Se se quere pasar dun sitio web escrito en HTML a XHTML podemos seguir os seguintes pasos:
*'''Engadir un DOCTYPE a cada páxina do sitio web'''. Por exemplo: <code lang="html4strict">
<!DOCTYPE html PUBLIC "-//W3C//DTD XHTML 1.0 Transitional//EN"
"http://www.w3.org/TR/xhtml1/DTD/xhtml1-transitional.dtd">
</code>
*'''Pasar etiquetas e atributos de maiúsculas a minúsculas'''. Pode realizarse mediante a función "busca-e-reprazo" de calquera editor de XHTML.
*'''Entrecomiñar todos os atributos''' de todas as páxinas.
*'''Remprazar as etiquetas baleiras''', como &lt;hr> e &lt;br> por &lt;hr /> e &lt;br />. Pode realizarse mediante a función "busca-e-remprazo" de calquera editor de XHTML. Por razóns de compatibilidade cos navegadores actuais hai que engadir un espazo extra antes do símbolo  "/".
*'''Validar todas as páxinas contra o DTD no validador oficial do W3C'''. Neste intre aparecerán erros que deberán ser editados manualmente.

Incluso existen [http://html2xhtml.richarea.com/demo/ ferramentas para automatizar a conversión], aínda que sempre hai que revisar o código XHTML resultante.

--[[Usuario:Arribi|Arribi]] 00:43 3 nov 2010 (GMT)