Ver el código de «Sistema dual: Obxectivos e escenarios da PARTE I»

*Nesta primeira parte, o usuario non vai instalar ningún sistema operativo, nin sequera crear ningunha partición. Iso farase na PARTE II do curso.
*Como o obxectivo final deste curso é ter instalados 2 sistemas operativos no ordenador ('''sistema dual'''): o que ten actualmente (MS Windows) e Linux (a distribución de Ubuntu). Para que non acaeza ningunha catástrofe é preciso planificar o proceso de instalación de Ubuntu e realizar as medidas preventivas oportunas para non perder nada no sistema operativo actual. Por iso, esta primeira parte está adicada a: planificar e realizar '''operacións de backup''' para estar previdos ante calquera '''continxencia, que sempre pode pasar'''.
*Nesta primeira parte vaise:
**Contextualizar o curso: que é GNU/Linux e as distribucións.
**Revisar conceptos previos a instalación de Ubuntu. A instalación farase na parte II do curso e '''NON''' nesta parte I.
**Estudar as características de Ubuntu.
**Antes de instalar Ubuntu hai que:
***'''Analizar a situación de partida'''
***Facer '''copias de seguranza''' dos datos que se desexen conservar, por se na PARTE II (no proceso de instalación) ocorrese un desastre, que sempre se está suxeito a que suceda. Pero para iso debemos ter a tranquilidade de que a información que nos interesa está ben gardada en copias de seguridade.
***'''Estudar a situación de destino''', a que se desexa implantar. Isto é, non hai que crear particións nesta primeira parte, simplemente nun papel, ou nun procesador de textos indicar de onde se parte e a onde se desexa chegar. Nada máis. Sen crear nada real.
*A seguinte imaxe ilustra o exposto anteriormente:
[[Image:00_Ubuntu_Desktop_Ed_2012_Escenario_Semana_01.jpg|600px]]


*A imaxe vén a esbozar unha posible situación de partida, pero cada usuario que siga o curso terá:
**O ordenador co seu propio nome.
**O disco duro do ordenador, no punto de partida, organizado doutro xeito distinto ao da imaxe, coas súas propias particións e o sistema MS Windows que se vai preservar perante a instalación de Ubuntu.
**O espazo libre (ou ocupado) no disco de partida non vai coincidir co da imaxe superior. Pero cada quen debe ter espazo libre suficiente para poder instalar o novo sistema operativo.
* O que se pretende nesta PARTE I, é que o usuario faga un croquis (esbozo, debuxo, etc.) da situación desexada de destino, pero nada máis. Sobre todo, os usuarios que sigan o curso a través de Platega, '''NON''' deben crear nin formatar ningunha partición até ter o visto bó dos relatores para pasar á parte II do curso, que será onde se implantará o croquis nun ordenador real.



*'''O material para este curso está elaborado partindo dun ordenador instalado co sistema operativo Windows 7''', pero pódese partir de calquera ordenador que teñan instalado calquera outro sistema operativo de Microsoft: Windows XP, Windows Vista, Windows 8, etc.


<br> -- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] -- (feb 2012).