Ver el código de «O comando sudo. Apagar e reiniciar o sistema»

Imos ver unha serie de comandos dos que faremos uso para apagar, reiniciar e executar comandos de administración do sistema. Destacamos entre eles o comando '''[http://es.wikipedia.org/wiki/Sudo sudo]'''. ([http://www.gratisoft.us/sudo/man/sudo.html man sudo])

==Comandos utilizados==
'''cat''': amosa o contido dun arquivo.

'''exit''': para sair dunha consola de usuario, do sistema.

'''poweroff''': apaga o sistema.

'''reboot''': reinicia o sistema.

'''groups''': amosa os grupos aos que pertence un usuario. 

'''su''': cambiar a superusuario (root) ou a outro usuario calquera.

'''visudo''': edita o ficheiro /etc/sudoers.

==Ficheiros utilizados==
'''/etc/sudoers''': almacena que usuarios teñen privilexios administrativos.

'''/etc/groups''': conten os grupos e os usuarios que pertencen a cada grupo.

== Introdución a sudo ==
'''sudo''': vén das siglas '''SuperUser do''' ou '''Substitute User do''' (Fai/executa como super usuario ou fai/executa como este usuario substituto)

Por exemplo, veremos que cando iniciemos un terminal de comandos aparecerá o seguinte texto:

[[Imagen:2017_ubuntu_sudo_01.png|500px]]

As liñas indican que se se desexa executar algo como usuario root, que se use '''sudo <comando>'''.

O comando '''sudo''' le a configuración do ficheiro [http://www.gratisoft.us/sudo/man/sudoers.html /etc/sudoers]. Neste ficheiro hai información sobre:
*quen pode pode executar comandos como root,
*en que equipos,
*que comandos,
*e en calidade de que superusuarios o poden facer.

Executando, precisamente,
<pre>
sudo cat /etc/sudoers
</pre>
pódese ver o contido do ficheiro. Execútase con sudo, porque o ficheiro ''/etc/sudoers'' só ten permisos de lectura para o usuario ''root''. Na imaxe podemos ver un exemplo do contido do ficheiro:

[[Imagen:2017_ubuntu_sudo_02.png|500px]]

Na última liña non comentada (que non comeza por #) dese arquivo vese: '''%sudo ALL=(ALL:ALL) ALL'''.

Esa liña ten o seguinte formato:
<pre>
usuario/grupo host = (usuario_privilexiado) comando
</pre>

Neste caso:
*'''%sudo''': grupo que obtén os privilexios. Neste caso o grupo ''sudo''.
*'''ALL''': en que equipos. Neste caso en todos.
*'''(ALL:ALL)''': de que usuarios e grupos gaña os privilexios: Neste caso de todos. Este campo é opcional.
*'''ALL''': que comandos pode executar. Neste caso todos.

Para editar ese ficheiro é preciso usar o comando '''sudo visudo'''. Unha vez dentro premendo CTRL+X pódese saír do editor.

Ben, xa se sabe un pouco sobre ''sudo'' e ''sudoers'', pero quen pertence ao grupo '''sudo''' que figura no ficheiro ''/etc/sudoers''?.

Execútese:
<pre>
cat /etc/group
</pre>
para coñecer os grupos e os seus membros. Ohhh!! sorpresa. O sistema cando se instalou introduciu ao usuario que se deu de alta (neste caso: ''uadmin'') nunha serie de grupos, entre eles no grupo '''sudo'''.

[[Imagen:2017_ubuntu_sudo_03.png|500px]]

Executando o comando 
<pre>
groups uadmin
</pre>
Pódese coñecer os grupos aos que pertence o usuario, entre eles aparece: '''sudo''':

[[Imagen:2017_ubuntu_sudo_04.png|500px]]

== Pasarse a superusuario (root) ==

Para cambiar do usuario actual ao usuario ''root'' pode executarse:
<pre>
su
</pre>

Como se ve na imaxe pedirásenos o contrasinal do usuario ''root'', pero en ningún momento da instalación se introduciu un contrasinal para o usuario ''root'', e por tanto esta non se coñece. O usuario '''root''' tras a instalación está deshabilitado.

[[Imagen:2017_ubuntu_su_01.png]]

Pero si se pode executar o comando '''su''', facendo uso da utilidade '''sudo'''. Así o usuario actual pasa a ser o usuario '''root'''.
<pre>
sudo su
</pre>

Pide o contrasinal, pero do usuario que está executando o comando '''sudo''', e comproba se o contrasinal é correcto e se ese usuario ou algún dos seus grupos está en ''sudoers''. Neste caso así é.

Fixarse como no promt usuario que administra a consola é o '''root'''.

Para saír da sesión dun usuario, vale con executar '''exit'''.

[[Imagen:2017_ubuntu_su_02.png]]

O contrasinal que se introduce co comando ''sudo'' será almacenado en caché por 15 minutos, co cal se se volve a executar algún comando máis con ''sudo'' dentro dos vindeiros 15 minutos non se volverá a pedir o contrasinal, neste caso, do usuario ''uadmin''.

== Apagar o sistema ==
O sistema só pode ser apagado polo usuario root. Para os que non sexan root e estean no ficheiro '''/etc/sudoers''' poden executar o comando antepoñendo '''sudo'''.

<pre>
sudo poweroff
</pre>
Apaga o sistema.

==Reiniciar o sistema ==
O sistema só pode ser reiniciado polo usuario root, para os que non sexan root e estean no ficheiro '''/etc/sudoers''' poden executar o comando antepoñendo '''sudo'''.

<pre>
sudo reboot
</pre>
Reinicia o sistema.

==sudo vs su/root==
No seguinte enlace explícase máis a fondo o funcionamento de '''sudo''' e compárase coa execución de '''su''', ou con habilitar o usuario '''root''' para realizar tarefas administrativas.

*https://help.ubuntu.com/community/RootSudo. O comando sudo (en inglés)


-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]]