Ver el código de «Instalación e configuración de ferramentas remotas de administración en Debian»

O máis habitual nos servidores é instalar ferramentas de acceso remoto que nos permitan realizar as tarefas de administración dende un equipo cliente.

No caso do servidor Debian, isto é aínda máis útil de non temos instalado o contorno de escritorio, xa que así poderemos utilizar ferramentas gráficas, ou copiar e pegar comandos dende o escritorio do equipo cliente.

Imos ver neste apartado a instalación e uso de dúas ferramentas de administración remota, como son SSH e Webmin.

== O servizo SSH ==

[https://es.wikipedia.org/wiki/Secure_Shell SSH] é un protocolo que permite conectarse de forma segura a un equipo a través da rede e executar comandos sobre el.

=== Instalación do servizo SSH ===

Comezaremos vendo como instalar na máquina Debian o servizo SSH:

<gallery caption="Instalación de SSH en Debian" widths="350" heights="300px" perrow="2">
Image:Ssh_01.png| Introducimos o comando '''su''' e a continuación '''apt-get install ssh'''. Desta forma xa temos o servizo ssh instalado.
Image:Ssh_02.png| Imos facer un pequeno cambio na súa configuración para que permite establecer conexións co usuario ''root'' introducindo o seu contrasinal, que están desactivadas por defecto por motivos de seguridade. Editamos o ficheiro de configuración co comando '''nano /etc/ssh/sshd_config'''.
Image:Ssh_03.png| Buscamos a liña que ten o parámetro '''PermitRootLogin''' para poñelo a '''yes'''
Image:Ssh_04.png| Prememos as teclas Control+X para gardar os cambios no ficheiro.
Image:Ssh_05.png| Feito o cambio, reiniciamos o servizo ssh para aplicalo, co comando '''service ssh restart'''.
</gallery>


=== Conexión por SSH dende un cliente Linux ===

Mostramos a continuación como establecer unha conexión por SSH dende ''uclient'':

<gallery caption="Conexión SSH dende Ubuntu" widths="350" heights="300px" perrow="2">
Image:Ssh_06.png| Introducimos o comando '''ssh root@10.0.0.120''' para conectarnos por SSH co usuario ''root'' á máquina coa dirección IP 10.0.0.120. Como é a primeira vez que nos conectamos a esta máquina se nos pregunta se a chave pública que esta nos ofrece para cifrar a conexión é válida. Dicimos que si introducindo '''yes''' e se nos pide o contrasinal do usuario. Se o introducimos correctamente, xa temos unha sesión iniciada na máquina Debian.
Image:Ssh_07.png| Se pechamos a conexión (co comando '''exit''') e a facemos de novo xa non se nos vai preguntar pola chave, xa que unha vez que a aceptamos por primeira vez xa se almacena e se considera válida. Tan só teremos que introducir o contrasinal do usuario ''root'' para iniciar a sesión.
</gallery>

=== Conexión por SSH dende un cliente Windows ===

Para poder conectarnos por SSH dende un equipo Windows (''wclient'') teremos que instalar un programa cliente de SSH. [https://es.wikipedia.org/wiki/PuTTY Putty] é un dos clientes de SSH para Windows máis utilizado. Imos ver como descargalo e usalo:

<gallery caption="Conexión SSH dende Windows" widths="350" heights="300px" perrow="2">
Image:Ssh_08.png| Na páxina [http://www.putty.org http://www.putty.org] picamos no enlace de descarga.
Image:Ssh_09.png| Na seguinte páxina, picamos sobre o enlace do executable de putty para Windows.
Image:Ssh_windows_10.png| O ficheiro descargado non é un instalador; simplemente teremos que executalo para iniciar o programa.
Image:Ssh_windows_11.png| Na imaxe podemos ver a ventá de inicio de putty. Para establecer unha conexión SSH só teremos que introducir a dirección IP da máquina e picar no botón de '''Open'''.
Image:Ssh_windows_12.png| Como é a primeira vez que nos conectamos, se nos pregunta se a chave de cifrado é auténtica. Dicimos que si para conectarnos, e a partir de agora xa non aparecerá este aviso.
Image:Ssh_windows_13.png| Introducimos o nome do usuario (''root'') e o seu contrasinal, e xa iniciamos a sesión na máquina Debian.
</gallery>

== Webmin ==

[https://es.wikipedia.org/wiki/Webmin Webmin] é unha ferramenta web para poder administrar de forma remota sistemas GNU/Linux entre outros. Grazas a ela poderemos evitar o uso excesivo de comandos, o que supón unha dificultade para aqueles que comezan a traballar con estes sistemas.

=== Instalación de Webmin ===

Nos seguintes pasos podemos ver como instalar Webmin na máquina Debian:

<gallery caption="Instalación de webmin en Debian" widths="350" heights="300px" perrow="2">
Image:Install_webmin_debian_01.png| Descargamos o paquete do Webmin para Debian, co comando '''wget http://prdownloads.sourceforge.net/webadmin/webmin_1.780_all.deb'''
Image:Install_webmin_debian_02.png| Hai unha serie de paquetes necesarios para poder instalar o Webmin. Aínda que como se ve na imaxe é posible que xa están instalalos, é conveniente comprobalo. Introducimos o comando: '''apt-get install libnet-ssleay-perl libauthen-pam-perl libio-pty-perl libapt-pkg-perl apt-show-versions'''
Image:Install_webmin_debian_03.png| Instalamos o Webmin, introducindo o comando '''dpkg -i webmin_1.780_all.deb'''
Image:Install_webmin_debian_04.png| E iniciámolo co comando '''/etc/init.d/webmin start'''
</gallery>

=== Conexión a Webmin dende un cliente ===

Agora xa podemos conectarnos ao Webmin da máquina Debian dende un cliente:

<gallery caption="Conexión a Webmin" widths="350" heights="300px" perrow="2">
Image:Install_webmin_debian_05.png| Webmin é un servizo de administración remota que ''corre'' no porto 10000 e ao que pode accederse con un navegador usando unha conexión segura (''https''). Así que no ''host'' ou en calquera equipo da rede abrimos un navegador e introducimos como dirección https://IP_Debian:10000. Aparecerá o aviso do navegador debido a que o certificado de seguridade non é fiable, cousa totalmente normal. Picamos en '''Avanzado'''...
Image:Install_webmin_debian_06.png| e engadimos unha excepción.
Image:Install_webmin_debian_07.png| Confirmamos a excepción...
Image:Install_webmin_debian_08.png| e xa podemos ver a páxina de inicio de sesión de Webmin, na que nos ''loguearemos'' co usuario ''root'' e contrasinal ''abc123.''
Image:Install_webmin_debian_09.png| Xa estamos na páxina de inicio de Webmin, e o que podemos facer para deixar a ferramenta personalizada é cambiar o idioma, xa que por defecto ven en Inglés. Picamos dentro da categoría '''Webmin''' en '''Change Language and Theme'''.
Image:Install_webmin_debian_10.png| En '''Webmin UI language''' activamos '''Personal choice''' e seleccionamos '''Spanish''' (desafortunadamente, non contamos con tradución ao galego).
Image:Install_webmin_debian_11.png| Recargamos a páxina e xa temos dispoñible toda a interface en castelán.
</gallery>



-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] --