PMDM - Android - Tarefa 3

Actividade Unidade 3

• Para a realización da tarefa 3 facilítanse algúns recursos nos seguintes enlaces:
  • APK da aplicación do que se pide na Tarefa 3:
    • Media:MemoriaeReducida.apk

• • Código fonte da aplicación (Proxecto) coa Activity Preguntas sen desenvolver:
    • Media:Memoriae_Tarefa_3.zip
    • As solucións aí aportadas non son únicas e poderíanse aproximar doutras formas.

Tarefa 3

• Pódese instalar o APK da versión reducida e observar o que fai a aplicación.
• No proxecto que se anexa van todas os XMLs e o código Java das Activities creadas até agora salvo de Preguntas.

• A tarefa consiste en importar o proxecto da tarefa 3 e desenvolver o código da Activity Preguntas.
• Unha vez importado en Eclipse ir ao menú: Project->Clean.

• Para realizar a tarefa farase uso:
  • das clases:
    • Preguntas e
    • LoxicaXogoPreguntas
    • que están en /src no paquete com.platega.memoriae.loxica
  • Dos recursos xml que están no proxecto.

• Antes de continuar obsérvese o código desas clases.

• As funcións que hai que desenvolver na clase ActivityPreguntas son as seguintes:
  • Non faría falla tocar ningunha outra clase

• Crear un array de preguntas facendo uso da clase Preguntas. Poñer o atributo Paquete=1.

• Cando se inicie a actividade Preguntas:
  • Cronómetro debe poñerse en marcha
  • As preguntas marcadas como non vistas.
  • Indicar cun Toast cantas preguntas hai en total para responder.

• Debe aparecer de modo aleatorio o enunciado dunha das preguntas anteriores que non saíra antes.

• O enunciado debe adaptarse ao idioma da aplicación: Galego por defecto, Inglés para calquera das variedades que se fala no mundo dese idioma: getResources().getConfiguration().locale.getDisplayLanguage();.

• Ás respostas ás preguntas realizaranse das seguintes formas:
  • Se se usa unha versión de Android inferior á 3: premendo sobre as imaxes OK ou NO, segundo corresponda.
  • Se a versión de Android é superior á 3: arrastrando a imaxe da interrogante cara unha das imaxes OK ou NO, segundo corresponda.

• En calquera caso comprobarase a resposta dada contra a resposta que ten gardada a pregunta.

• Tamén se sacará unha mensaxe (Toast) indicando se a resposta dada foi correcta ou fallida. Ter en conta os idiomas (usar os recursos XML).

• Cada vez que se acerte ou se falle incrementaranse os contadores inferiores da Activity.

• Cando non haxa máis preguntas:
  • pararase o crono
  • sacarase unha mensaxe (Toast) indicando que non hai máis preguntas. Ter en conta os idiomas (usar os recursos XML).
  • Se se segue respondendo á última pregunta que está na pantalla, non debe ter efecto, nin debe pecharse a aplicación, nin se deben incrementar os contadores.

• Se se volve á Activity Principal e logo outra vez a Preguntas débese comezar de novo a amosar as preguntas como se non se amosaran antes.