Instalación e configuración básica do equipo Ubuntu Desktop e do Servidor DNS
Instalouse un equipo Ubuntu Desktop con nome cliente01, nome do primeiro usuario: ladministrador e contrasinal abc123. (punto incluído).
Configuración do servidor DNS
- Antes de realizar probas de conectividade e de instalar SADMS no equipo cliente01 é prescriptivo dar de alta o equipo cliente01 no servidor DNS que conteña información sobre o dominio, neste caso no servidor DNS do equipo win2k3-00. Para afondar sobre a configuración dun servidor DNS, recoméndase a lectura do punto 9 (páxina 57) e punto 2 (páxina 134) deste outro documento de apuntes (distinto do anterior).
- No servidor win2k3-00' ir a: Inicio->Ferramentas Administrativas-> DNS. Na zona de busca directa iescalquerawin.local dar de alta un Host novo para o cliente01 con IP 172.16.0.151.
Alta do equipo cliente01
O equipo cliente01 dado de alta no servidor DNS de win2k3-00
Configuración IP do cliente
- Na medida do posible, se o equipo ten 2 tarxetas de rede, facer que a eth0, sexa a que teña conectividade co servidor.
- Configuración IP, /etc/network/interfaces.
auto eth0 iface eth0 inet static address 172.16.0.151 netmask 255.255.0.0 gateway 172.16.0.1
- Configuración cliente DNS: /etc/resolv.conf.
- Se se teñen dúas tarxetas de rede no equipo, unha delas por DHCP, asegurarse que unha delas non modifica a configuración deste arquivo cando obtén a IP.
- Para asegurarse de que non se cambia o seu contido, pódese executar o comando: sudo chattr +i /etc/resolv.conf.
#/etc/resolv.conf domain iescalquerawin.local search iescalquerawin.local nameserver 172.16.0.150
- Configuración de /etc/nsswitch.conf. Senón non se resolven resolucións de dominio .local.
#hosts: files mdns4_minimal [NOTFOUND=return] dns mdns4 hosts: files dns mdns4
- Configuración de /etc/hosts. Senón SADMS non funcionará correctamente.
127.0.0.1 localhost 127.0.1.1 localhost
Comprobacións
Feitas as configuracións anteriores é momento de asegurarse que existe conectividade entre o servidor e o cliente. Dende o cliente realizar as seguintes consultas:
- Probar resolución DNS:
ping cliente01.iescalquerawin.local PING cliente01.iescalquerawin.local (172.16.0.151) 56(84) bytes of data. 64 bytes from cliente01.local (172.16.0.151): icmp_seq=1 ttl=64 time=0.042 ms
- Probar encadenación de dominio ó nome de equipo:
ping win2k3-00 PING win2k3-00.iescalquerawin.local (172.16.0.150) 56(84) bytes of data. 64 bytes from 172.16.0.150: icmp_seq=1 ttl=128 time=6 ms
- Comprobar quen é o servidor DNS
nslookup cliente01 Server: 172.16.0.150 Address: 172.16.0.150#53 Name: cliente01.iescalquerawin.local Address: 172.16.0.151
- Comprobar que o servidor DNS reenvía as consultas ós servidores RAIZ.
ping www.google.es PING www.l.google.com (74.125.77.99) 56(84) bytes of data. 64 bytes from ew-in-f99.1e100.net (74.125.77.99): icmp_seq=1 ttl=63 time=107 ms
Recomendación Importante
Ningún dos ficheiros anteriores debe sufrir cambios unha vez configurados, co cal asegurarse que ó reiniciar o equipo estes seguen manténdose. Se hai cambios, as resolucións DNS non van ser correctas, o servidor DNS pode ser outro, etc. e todo iso levará a que non se poida instalar correctamente SADMS, ou unha vez instalado e configurado este deixe de funcionar e equipo cliente quede como colgado.
-- Antonio de Andrés Lema e Carlos Carrión Álvarez -- (28 feb 2010).