Inicio por primeira vez de Ubuntu server

Aconséllaselle ó usuario que teña certa familiaridade con:

Comandos básicos de xestión e administración en linux Sobre todo cos de de xestión de ficheiros. Material elaborado polos profesores: --Manuel Vieites e -- Rafael Veiga sep 2009.
A xeraquía dos sistema de ficheiros de GNU/Linux do curso Ubuntu Desktop nun sistema dual.

Comandos que se usaran nesta sección

Lembrar que GNU/Linux é sensible a maiúsculas e minúsculas.

cat: Amosa o contido dun ficheiro.
clear: Limpa a pantalla.
df: Amosa o espazo total e consumido nos discos.
hostname: Amosa o nome do equipo.
man: Ofrece axuda sobre comandos e ficheiros de configuración.
ls: Lista o contido dun directorio.
pwd: Indica o directorio actual no que está situado o usuario.
uname: Amosa as versións do kernel e da distribución.

Ficheiros que se usan nesta sección

/etc/hostname: almacena o nome do equipo.
/etc/network/interfaces: almacena a configuración IP das tarxetas de rede.
/etc/resolv.conf: almacena a configuración DNS cliente.

Menú de inicio

Cada vez que se acenda ou reinicie o ordenador aparecerá un menú semellante ó da imaxe seguinte.

Dentro do sistema

Unha vez que se entra no sistema obsérvase.

Información sobre o uso do sistema
Paquetes que se precisan actualizar e cantos deles son de seguridade.
Cal é a garantía coa que vén o sistema (Ningunha).
Información que indica que se desexa executar un comando como usuario root que se execute sudo <comando>
Un [http://es.wikipedia.org/wiki/Prompt prompt que indica o nome de usuario (administrador) no equipo (server00).

Execución dos primeiros comandos

Limpar a pantalla.

Pantalla limpa:

Estado do sistema tras a instalación

Coñecer configuración de parámetros realizados na instalación

Coñecer o nome do equipo

 cat /etc/hostname

Coñecer onde se almacena a configuración IP da tarxeta de rede:

cat /etc/network/interfaces
ethX: (X=0,1, ...) é o interface de rede que neste caso usa IPV4 e obtén a configuración IP por DHCP.
auto: indica que ese interface debe iniciarse en tempo de arranque.

Coñecer onde se almacena a configuración DNS cliente:

cat /etc/resolv.conf
nameserver: indica cal é os servidores DNS ós que se lle vai consultar para resolver nomes de dominio á IPs.

Coñecer o uso de espazo en disco

df: ofrece a saída en bytes.
df -h: ofrece a saída en magnitudes ''humanas'', -h.

Coñecer os ficheiros e directorios da carpeta do usuario

ls: amosa o contido dun directorio.
ls -la: amosa tódolos arquivos e directorios, incluídos os ocultos, (a) e formato listado (l)
pwd: amosa a ruta na que nos atopamos dentro da estrutura de directorio.

Manual de axuda dos comandos e ficheiros de configuración

man comando: ofrece axuda sobre o comando.
man nome do ficheiro: ofrece axuda sobre como configurar os parámetros dese ficheiro.

A seguinte imaxe ofrece axuda sobre o comando uname. Coas teclas do cursor pódese subir e baixar pola axuda. Premendo a tecla q sáese da axuda.

Outra forma de obter unha axuda sintetizada dun comando é:

comando --help: ofrece unha breve axuda sobre o comando.

Coñecer información sobre a distribución que se usa e o kernel

uname -a

-- Antonio de Andrés Lema e Carlos Carrión Álvarez -- (28 feb 2010).