Exemplo1 Clonezilla en rede: Clonar disco duro local a disco duro remoto

Exemplo1: Clonar un disco duro local a un disco duro remoto.

Este artigo está en construción. Os autores do mesmo están traballando nel.
Se queres axudar á súa realización ou, simplemente, queres facer algún tipo de comentario, envía un mail a un dos autores que aparecen no pé deste artigo."

O disco duro que ten a partición a clonar a partir de agora chamarémolo ORIXE.

O disco duro onde queremos clonar a partición chamarémolo DESTINO.

Procederemos de igual xeito que no Exemplo1: Clonar disco duro a disco duro dende o punto 1 ata o punto 6. A partir do punto 7 comezan as diferenzas, así :

Agora escollemos a segunda opción: disk_to_remote_disk disco local a disco remoto clonado.
Esta opción permite clonar o disco duro ORIXE no disco duro DESTINO

Agora configuramos a rede de forma Estática, xa que non contamos cun servidor DHCP nin faremos unha conexión mediante ppp, co cal escollemos a segunda opción static Usar dirección IP estática

A continuación configuramos a rede, co cal imos deixar os parámetros de configuración que Clonezilla determina por defecto.

Escollemos disco local coma orixe.

Configuramos parámetros de clonación, así deixamos os 3 primeiros parámetros que Clonezilla pon por defecto e a maiores collemos a opción -v.
Nota: Para seleccionar-deseleccionar unha opción empregamos a tecla barra espaciadora.

Imos copiar a Táboa de Particións do disco ORIXE no disco DESTINO co cal escollemos a primeira opción: Usar la tabla de particiones del disco origen

A continuación comeza o clonado de datos co cal prememos y para proseguir coa clonación. Agora Clonezilla indícanos mediante unha mensaxe -texto na pantalla- que é o que temos que facer na máquina DESTINO -ver os comandos que aparecen na imaxe- para para poder conectar coa máquina ORIXE -esta máquina- e poder levar a cabo a clonación. Así a máquina ORIXE queda á espera da conexión da máquina DESTINO.

Arrancamos a máquina DESTINO con Clonezilla procedendo de igual xeito que no Exemplo1: Clonar disco duro a disco duro dende o punto 1 ata o punto 4. A partir do punto 5 comezan as diferenzas, así agora escollemos a segunda opción: Enter_Shell Introduzca linea de comandos del prompt

Prememos 2 para obter unha SHELL de comandos en Clonezilla co prompt user@debian$, co cal seremos o usuario user na máquina DESTINO con nome debian e dado que aparece o símbolo $ non temos permisos de root (administrador). Entón comezamos a escribir os comandos que Clonezilla na máquina ORIXE indicaba no punto 7, así:
- sudo su - OLLO!!!! Existe un GUIÓN!!!! Comando para ser usuario root (administrador), co cal o prompt do sistema cambia, e agora o símbolo $ desaparece e no seu lugar aparece o símbolo # o cal indica que agora somos root (administrador) nesta máquina.
- ocs-live-netcfg Comando que permite configurar a rede dunha máquina, neste caso a máquina DESTINO.

Na configuración da rede da máquina DESTINO deixaremos os valores por defecto de Clonezilla -ver punto 3- agás o primeiro valor, dirección IP, no cal poremos unha IP diferente á da máquina ORIXE pero que se atope na mesma rede, por exemplo: 192.168.120.2

Clonezilla configura a rede e devólvenos o prompt do sistema debian:~#.
Imos comprobar que existe conexión entre a máquina ORIXE e a máquina DESTINO, así lanzamos o comando ping -c 2 192.168.120.1 para comprobar a conexión de rede mediante o comando ping e facer esa comprobación 2 veces mediante a opción -c 2.