Escritorios remotos de MVs Linux con X2Go

Introdución

Hai veces nas que se desexa ter un servidor de escritorios en Linux, ben para os usuarios que se conectan remotamente, ben para ter un contorno gráfico nunha MV, etc.
Neste apartado vaise instalar o servidor de escritorios remotos de Linux: X2Go.
Para iso vaise instalar o servidor de escritorio Gnome na MV dx2go.
NOTA IMPORTANTE: dende XenCenter non se vai poder acceder ao entorno gráfico dun equipo Linux, hai que facelo a través de clientes VNC, NX ou outros, neste caso X2Go baséase en NX.

O escenario 5.C amosa o equipo dx2go no que se vai instalar Gnome e X2Go:

Instalación Gnome en Debian

No enlace http://wiki.debian.org/Gnome indícanse varias formas de instalar Gnome en Debian, e cada unha delas ten as súas opcións e particularidades.
Neste caso, vaise escoller aquela que equivale a instalar Gnome no momento da instalación de Debian, cando pregunta que coleccións de software se desexarían instalar (Graphical desktop enviroment).

Instalar Gnome
En dx2go comprobar que está instalado aptitude e tasksel se non está instalado, instalalos: apt-get install aptitude tasksel.
Lanzar o instalador: tasksel install gnome-desktop --new-install
Proceso da instalación de Gnome e os paquetes asociados.
Unha vez rematada a instalación pódese comprobar que o escritorio Gnome non se ve na consola da MV en XenCenter.
Para acceder ao escritorio de dx2go, pódese facer uso de VNC, X2Go, FreeNx, etc.

Instalación Servidores gráficos Gnome / XFCE en Ubuntu Server

O seguinte só vale para versións 13.04 ou inferiores de Ubuntu.

sudo apt-get install ubuntu-desktop

- Tamén vai instalar o contorno Unity.

No caso de ter instalado o servidor 13.10 de Ubuntu ou superior o servidor gráfico Gnome non vai funcionar para X2go.
No seu lugar imos instalar o servidor gráfico XFCE

sudo add-apt-repository ppa:xubuntu-dev/xfce-4.12
sudo apt-get update
sudo apt-get install xfce4

Poderíase instalar outro, pero ese vai funcionar perfectamente para as prácticas que se van realizar neste curso.

X2Go

A continuación vaise instalar o servidor X2Go en Debian e o cliente en Ubuntu.

Instalar o servidor X2Go en Debian

NOTA: Para a instalación en Ubuntu pasar ao seguinte punto.
Seguir as instrucións que se indican na propia web de X2Go: http://wiki.x2go.org/doku.php/wiki:repositories:debian
Trátase de engadir o repositorio de X2Go e logo instalalo.
Comezamos importando a chave do repositorio de onde se vai descargar X2Go.

apt-key adv --recv-keys --keyserver keys.gnupg.net E1F958385BFE2B6E

Instalar X2Go Server
Engadir o repositorio de X2Go no ficheiro x2go.list: editor /etc/apt/sources.list.d/x2go.list
Engadir as liñas do repositorio:
# X2Go Repository
deb http://packages.x2go.org/debian squeeze main
# X2Go Repository (sources)
deb-src http://packages.x2go.org/debian squeeze main
Actualizar os repositorios: apt-get update
Instalar o anel de chaves de X2Go e volver a actualizar o repositorio: apt-get install x2go-keyring && apt-get update
Instalar o servidor de X2Go: apt-get install x2goserver.

Instalar servidor X2Go en Ubuntu

A instalación en Ubuntu é semallante á anterior pero un chisco máis sinxela seguindo as instrucións que se indican (5 instrucións):

sudo apt-get install python-software-properties

sudo add-apt-repository ppa:x2go/stable
sudo apt-get update
sudo apt-get install x2goserver

Para poder conectarse vía X2Go a un servidor Gnome en Ubuntu:

sudo apt-get install gnome-session-flashback

Instalar cliente X2Go

No enlace http://wiki.x2go.org/doku.php/doc:installation:x2goclient amosa como instalar os distintos clientes: para Windows, MAC, Ubuntu, etc.

Neste caso vaise instalar para Ubuntu 12.04 ou superior. Xa vén por defecto nos repositorios.

sudo apt-get install x2goclient

Configurar cliente X2Go
Coñecer a IP do servidor de X2Go.
Lanzar a aplicación X2Go e crear unha nova sesión ...
Poñer o nome da sesión, a IP do servidor, o usuario co que desexamos conectarnos ao servidor (opcional), o porto, O tipo de Escritorio, Gnome neste caso.
Se o servidor dispuxese doutros servidores gráficos habería que escoller o desexado.
Na lapela de Settings configurar o tamaño da pantalla, o mapa de teclado, fixarse que se cambiou us por es, desactivar o son e o cliente de impresoras.
Na lapela de Shared Folders pódese engadir, se se desexa unha carpeta do equipo local e permitir que se auto-monte no servidor. Así pódese intercambiar ficheiros entre o cliente e o Servidor.
Unha vez aceptada, premer sobre a cara do boneco, por exemplo, da sesión desexada.
Poñer o usuario e o contrasinal do servidor de destino.
O escritorio en remoto de dx2go.
Os menús, etc. Pero non está a carpeta de intercambio entre o cliente e o servidor.
Para iso no servidor hai que engadir os usuarios cos que se van realizar as conexións ao servidor ao grupo fuse, neste caso: adduser administrador fuse
Volvemos a conectarnos dende o Cliente X2Go e na carpeta persoal do usuario ir a media/disk, aí está a carpeta compartida polo cliente.
Da sesión pódese saír como se sairía nunha sesión normal. O servidor nunca se vai poder apagar dende o contorno gráfico dunha sesión de X2Go. Pero se se pecha na "X" do cliente X2Go, a sesión segue aberta no servidor e poderíamos conectarnos a ela dende outro cliente. É como se nun ordenador normal simplemente se apagase o monitor.
Dende o servidor cos comandos x2go* pódese administrar o servidor e as sesións. Por exemplo, para ver as sesións activas: x2golistsessions_root. (Ollo co guión baixo)
Para matar unha sesión dende o servidor: x2goterminate-session <nome completo da sesión>