Compartición de recursos por NFS nun dominio con LDAP

De Manuais Informática - IES San Clemente.
Ir a la navegación Ir a la búsqueda
  • Nesta sección veremos a configuración necesaria para compartir por NFS para os clientes Linux as carpetas persoais dos usuarios do dominio e comúns.

Compartir as carpetas por NFS

  • En primeiro lugar, compartimos en FreeNAS as carpetas por NFS.
  • Compatir carpetas por NFS en FreeNAS

  • Picamos no botón de Compartido da barra superior e Entramos na lapela NFS(Unix).

  • Vemos que non hai comparticións feitas por NFS. Picamos en Add Compartidos NFS (Unix) para engdir unha.

  • Introducimos un comentario para a compartición e ruta da carpeta a compartir: /mnt/datos/usuarios. En lugar de aceptar, imos picar no Modo Avanzado para cambiar unha opción máis.

  • Introducimos en Redes Autorizadas as direccións das redes que van estar autorizadas a acceder á carpeta compartida, que será a nosa rede local: 172.16.5.0/24.

  • Ao compartir a carpeta, xa nos pregunta se queremos activar o servizo. Dicimos que si.

  • Podemos ver o servizo NFS xa activado.

  • Volvemos ás comparticións NFS para compartir a carpeta comun.

  • Introducimos un comentario, a dirección da rede autorizada e a ruta da carpeta, que neste caso será /mnt/datos/comun.

  • Vista das dúas carpetas compartidas.

Configurar os equipos cliente para acceder ás carpetas almacenadas en FreeNAS

  • Agora só nos queda cambiar a configuración dos clientes Linux para que utilicen esas carpetas compartidas.
  • En uclient01 editamos o ficheiro /etc/fstab para modificar as liñas que montan as carpetas /home/iescalquera e /media/comun (Podemos poñer a dirección IP do equipo nas00 ou o nome de DNS se o damos de alta na zona iescalquera.local):
172.16.5.12:/mnt/datos/usuarios    /home/iescalquera    nfs    defaults,_netdev   0   0
172.16.5.12:/mnt/datos/comun       /media/comun         nfs    defaults,_netdev   0   0
  • Desmontamos as dúas carpetas e volvémolas a montar coa información do ficheiro /etc/fstab:
sudo umount /home/iescalquera
sudo umount /media/comun
sudo mount -a
  • Iniciamos sesión en uclient01 co usuario sol.
  • Acceder dende Linux a carpetas en NAS

  • Comprobamos que podemos acceder á carpeta persoal e escribir nela.

  • En nas00 podemos ver a carpeta creada por sol na súa carpeta persoal.

  • sol tamén pode acceder ao contido de comun.


-- Antonio de Andrés Lema e Carlos Carrión Álvarez

Obtenido de «https://manuais.iessanclemente.net/index.php?title=Compartición_de_recursos_por_NFS_nun_dominio_con_LDAP&oldid=61607»