Características de VirtualBox
Ir a la navegación
Ir a la búsqueda
Introdución
- Existen moitos programas de virtualización (MMV, hipervisor ou plataformas de virtualización) de tipo II pero dende hai uns anos para aquí cobrou moita importancia grazas a súa facilidade de uso, a ser multiplataforma e sobre todo ao ser software libre e gratuíto o hipervisor VirtualBox.
- Inicialmente foi desenvolvido pola empresa alemá Innotek GmbH, logo esta empresa foi adquirida por Sun Microsystems e esta no ano 2009 foi adquirida por Oracle Corporation
Características
- Multiplataforma: o programa pode instalarse sobre MS Windows, GNU/Linux, MAC e Solaris, e as máquinas virtuais xeradas en calquera dos sistemas operativos anteriores poden usarse sen problemas en calquera outro.
- Multi-convidados: nas máquinas virtuais pódense instalar moitos sistemas operativos convidado (guest), entre eles: MS Windows, Ubuntu, Debian, openSUSE, etc. Nesta lista pódense ver todos os SOs soportados
- Software libre: Dende a páxina de descargas de VirtualBox pódese descargar o código fonte do programa, baixo a licenza GPL versión 2. A extensión VirtualBox Extension Pack, que engade soporte de dispositivos USB 2.0 e 3.0, escritorio remoto e arranque por rede PXE non é libre, e pode descargarse de forma gratuíta para uso persoal e de avaliación (licenza PUEL).
- Permite montar imaxes ISO de CDs/DVDs nunha unidade virtual.
Guest Additions
Isto é, "melloras de convidado", son utilidades para introducir melloras no sistema convidado instalado na máquina virtual. Unha vez que se instala o sistema operativo nunha máquina virtual é aconsellable instalarlle estas utilidades que van optimizar o rendemento do sistema convidado e ademais van permitir:
- Compartir cartafoles entre a máquina anfitrión e a invitada.
- Mellorar as características gráficas da máquina virtual e incluso redimensionala como se fai con calquera outra aplicación no ordenador host.
- Sincronización da hora co ordenador host de xeito automático.
- Compartir o portapapeis: pódese copiar e pegar nos dous sensos (host a convidado e convidado a host).
- Neste enlace pódese comprobar que sistemas operativos convidados admiten as Guest Additions.
Enlaces de interese
- https://www.virtualbox.org/wiki/Screenshots: Pantallas de exemplo.