Biblioteca de imaxes ISO

Introdución

Existen varias formas de instalar un S.O. nunha MV:
- A través da unidade de CD/DVD física do host.
- A través dun repositorio de imaxes ISO a través de recursos compartidos por CIFS/SMB ou NFS. Verase a continuación.
- Algúns sistemas Linux poden ser instalados a través de internet indicándolle a url de onde obter o S.O.. Esta forma será coa que se peche esta parte IV do material.

Engadir Repositorio de Almacenamento: CIFS
Neste caso un equipo Windows ten un recurso compartido chamado Recursos que contén un subdirectorio ImaxesISO que alberga imaxes ISO de varios Sistemas Operativos. Lembrar que o recurso compartido é Recursos. O repositorio de IMAXES ISO pode estar en calquera equipo que comparta unha carpeta a través de CIFS ou NFS.
No servidor que se desexe engadir o repositorio premer en New Storage
En tipo seleccionar Windows File Sharing (CIFS).
Indicar o nome co que se desexa que se chame o repositorio. Neste caso: CIFS imaxes ISO.
Introducir os datos para chegar ao repositorio. Formato: \\servidor\recurso_compartido. Pero neste caso o recurso compartido non contén as imaxes ISO directamente senón que están nun subdirectorio. Pois neste caso deberá poñerse: \\servidor\recurso_compartido\ruta_ate_as_imaxes_iso. Ademais se o recurso precisa que nos autentiquemos indicar usuario e contrasinal.
A imaxe amosa os datos do repositorio de almacenamento para imaxes ISO montado a través de CIFS/SMB.
Pódense montar tantos repositorios como se desexe.
As imaxes ISO contidas na Libraría de imaxes.
Outra forma de ver libraría de imaxes ISO.
E unha última imaxe amosando a Libraría.

Engadir Repositorio de Almacenamento: NFS
Seleccionar que se desexa montar unha libraría de imaxes ISO a través de NFS.
Indicar a ruta: servidor:/recurso_compartido/<ruta_as_imaxes_iso_se_non_están_directamente_no_recurso_compartido>

-- Antonio de Andrés Lema e Carlos Carrión Álvarez (Maio-2013, Rev1: Feb 2014 - Rev2: Nov 1014)