Backup MBR mediante o programa MBRWork

Backup MBR mediante o programa MBRWork

Neste apartado empregaremos o programa MBRWork
O procedemento é o seguinte:

1. Imos partir dun disco duro particionado do seguinte xeito:

   • 8 particións.
   • As particións 1, 2 e 3 -como indican os seus números- a priori son primarias xa que pode existir 1 estendida.
   • A partición 3 será estendida.
   • As particións 5, 6, 7, 8 e 9 -como indican os seus números- son lóxicas.

   
2. Imos supor que estamos nunha consola de MS-DOS identificada como b: e que podemos dende a mesma lanzar o programa MBRWork mediante o comando mbrwork, como podemos apreciar na seguinte imaxe,
   
3. Agora aparece un menú coas posibilidades do programa:
   
4. Escollemos a opción 1 para gardar unha copia do MBR.
   
5. Prememos a tecla E e saímos do programa voltando á ruta b:. Agora vendo o contido de b: podemos comprobar que temos un ficheiro de nome back0.bin.
   
6. Agora imos comprobar que podemos restaurar a copia do MBR creada no caso de perda do mesmo ou de perda de información na táboa de particións . Para isto procedemos a borrar a táboa de particións mediante o Ranish Partition Manager e a gardar o novo MBR sen ningunha partición existente no disco duro previamente particionado,
7. Procedemos a restaurar o MBR orixinal, co cal lanzamos de novo o programa MBRWork e deberiamos proceder de igual xeito ata que chegamos ao menú -ver apartados 2 e 3 - onde agora a opción a escoller sería a 2 e non a 1, como podemos ver a continuación na seguinte imaxe.
   
8. Entón o programa preguntaranos se estamos de acordo ou non, co cal como estamos de acordo prememos a tecla Y:
   
   Agora débenos aparecer unha pantalla similar á seguinte indicando que a restauración do MBR tivo lugar e o programa queda a espera que elixamos outra opción:
   
   
9. Prememos a tecla E e saímos do programa voltando á ruta b:.
   Xa temos restaurada a copia do MBR.
10. Comprobamos que temos ben o MBR con calquera programa de particionamento,

Ademais xa poderiamos volver a traballar de igual xeito coa computadora como o faciamos previamente ao borrado do MBR.

--ricardofc 20 out 2009