As aplicacións do menú Aplicacións

A continuación explicaranse os programas/utilidades máis singulares do menú Aplicacións (Aplicativos en Ubuntu 10.10)

Comécese vendo unha síntese do que se vai atopar nesta sección. o vídeo dura 32:58 mn.. Está en inglés perfecto, pero como se sabe unha imaxe vale máis que ....

Accesorios

Resaltar aquí: o Xestor de arquivos (en Ubuntu 10.10 hai que activar este icono na ferramenta Menú principal en Sistema->Preferencias) que permite comprimir e descomprimir arquivos e carpetas, o Terminal para acceder a liña de comandos, o editor de textos que equivale ó bloc de notas do MS Windows e o Analizador do uso do disco que serve para comprobar o tamaño que ocupan discos, particións e carpetas

A seguinte imaxe amosa o espazo que consumen as distintas carpetas que está dentro da carpeta do usuario administrador

Acceso universal

Amosa unha utilidade para que os usuarios con diversas dificultades de visión poidan coñecer o que se está a ver na pantalla por medio da ampliación desta, reprodución por voz ou braille (se se dispón do periférico adecuado) (en Ubuntu 10.10 hai que activar este icono na ferramenta Menú principal en Sistema->Preferencias).

Imaxe (Gráficos)

Neste submenú atoparanse as utilidades relacionados co procesado e imaxes e fotos. Así tense, entre outros, o famoso editor Gimp (aínda que en Ubuntu 10.10 non ven instalado por defecto, xa veremos despois como se instalaría), unha utilidade para escanear, o editor de debuxos de OpenOffice.org

Submenú Imaxe
O submenú Imaxe.
O editor de OpenOffice.Org.

Internet

Baixo esta apéndice atópase todo canto este relacionado con internet, como pode ser o programa de descargas BitTorrent, o cliente de Terminal Server para conectarse a equipos MS Windows, o Visor de escritorio remoto de Linux (este verase nunha sección posterior), o navegador de internet Firefox, o xestor de Mensaxería Pidgin (Empathy en Ubuntu 10.10), tipo Messenger, etc.

Submenú Internet
O submenú Internet.
Os contactos do MSN de quen redacta este material.
Seleccionar o cliente de Terminal Server.
Indicar o equipo ó que se desexa conectar, ollo co protocolo de conexión. Esta utilidade tamén se verá nunha sección posterior.
A ventá de inicio dun servidor MS Windows.

Ofimática

Aquí o lector, como bo observador que é, concluirá que estará todo o relacionado co procesamento de textos, follas de cálculo, presentacións, etc. En especial subliñar as utilidades que pretenden substituír ó MS Office, O OpenOffice.Org

Submenú Ofimática
O submenú Ofimática.
O procesador de textos: OpenOffice.Org Writer.
Seleccionar o programa de presentacións.
O creador de presentacións: OpenOffice.Org Impress.

Son e vídeo

Algunhas das utilidades que aquí hai veranse nunha sección posterior: Gravador de discos Brasero, reprodutor de música Rhythmbox e reprodutor de películas e música Totem.

Submenú Vídeo e son
O submenú Video e son.
O reprodutor de música Rthymbox, neste caso escoitando unha radio das que veñen configuradas por defecto.
Seleccionar o gravador de CDs/DVDs Brasero.
Todo o que se pode facer con Brasero, se se copia un disco, este pode ser copiado a un ficheiro .ISO. Sobre todo o que se pode facer cos CDs/DVDs hai unha sección posterior na que se explica con maior profundidade como copialos, facer imaxes, etc.