Ver el código de «XML: estrutura e sintaxe»

=XML: estrutura e sintaxe=
A linguaxe de marcas extensible (''eXtensible Markup Language'' ou XML) deseñouse para transportar e almacenar datos. Aínda que ten parecidos co HTML as súas aplicacións son ben distintas. De feito, o HTML creouse simplemente para a visualización de datos a través da web e non para o seu tratamento automatizado. O XML céntrase no '''que son os datos''' (recorda que é unha linguaxe descritiva), mentres que o HTML encárgase de como se teñen que visualizar eses datos. Por tanto, XML non é un substituto do HTML, senón un complemento. 
<br>
<h2 style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:recorda.png|left]]'''RECORDA'''
<br>
XML é unha linguaxe de marcas independente do sistema operativo deseñada para almacenar e transportar datos entre aplicacións. Por iso simplifica a compartición de datos entre programas e a realización de cambios nas configuracións dos sistemas. Permite tamén crear outras linguaxes a partir del, como o XHTML, polo que se di que é unha metalinguaxe.
</h2>

En XML '''non existen etiquetas predefinidas''', senón que é o usuario quen as crea. Por exemplo, unha nota de Xoán a Elvira pode almacenarse como un ficheiro XML:
<source lang=xml>
<?xml version="1.0" encoding="ISO-8859-1"?>
<nota>
    <destinatario>Xoán</destinatario>
    <remitente>Elvira</remitente>
    <cabeceira>Recorda</cabeceira>
    <corpo>Chámame a fin de semana!</corpo>
</nota>
</source> 

As etiquetas do exemplo anterior, como <destinatario> ou <remitente> non están definidas en ningún estándar XML. Son marcas inventadas polo autor do documento XML. Porén, os documentos HTML están construídos mediante etiquetas predefinidas no estándar, como &lt;p&gt;, &lt;h1&gt;, etc. O usuario define as etiquetas XML, así como a estrutura do documento.

Os ficheiros XML, en si mesmos, non fan nada, máis que describir os datos. Son ficheiros de texto plano editables con calquera editor. O exemplo anterior é bastante descritivo. Podemos ler que hai un destinatario e un remitente da nota, así como unha cabeceira e o corpo da mensaxe, pero non son máis que datos estruturados mediante etiquetas. Con todo, alguén podería escribir un programa para o envío de notas e usar este ficheiro XML para recibilas ou amosalas na pantalla do usuario.

Dende que o XML se convertera nunha recomendación do W3C, en febreiro de 1998, a súa popularidade foi medrando ata ser, actualmente, un dos piares da web. Asemade, o seu uso fóra das tecnoloxías web está moi estendido.

==Estrutura==
No exemplo anterior, a primeira liña é a declaración XML, na que se define a versión e a [http://www.plategaxml.es/index.php/Codificaci%C3%B3n_de_documentos codificación a empregar] (ISO-8859-1 = Latin-1/Conxunto de caracteres de Europa Occidental). A versión por defecto é a 1.0, aínda que dende o ano 2006 xa está dispoñible a 1.1. 

A segunda liña describe o '''elemento raíz''' do documento (algo así como dicir "este documento é unha nota"):
<source lang=xml>
<nota>
</source>
As seguintes 4 liñas describen 4 '''elementos fillos''' do elemento raíz (destinatario, remitente, cabeceira, corpo).

A última liña define onde remata o elemento raíz:
<source lang=xml>
</nota>
</source>
<br>
<h2 style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:recorda.png|left]]'''RECORDA'''
<br>
Os documentos XML forman unha '''estrutura en árbore''' que comeza na raíz e que se bifurca cara ás follas. 
</h2>
O elemento raíz é o pai do resto dos elementos. Á súa vez, un elemento fillo pode ter outros subelementos (elementos fillos):
<source lang=xml>
<raiz>
  <fillo>
    <subfillo>.....</subfillo>
  </fillo>
</raiz>
</source>

Os termos pai, fillo e irmán úsanse para describir as relacións entre elementos. Os elementos pais teñen fillos e os fillos do mesmo nivel son irmáns.
===Atributos===
Os elementos poden ter '''atributos''' (como en HTML).  Un atributo proporciona información adicional sobre un elemento:
<source lang=xml>
<materia numHoras="12">Redes de computadores</materia>
</source>
Un atributo tamén se pode representar como un elemento fillo:
<source lang=xml>
<materia>
<numHoras>12</numHoras>
<nome>Redes de computadores</nome>
</materia>
</source>
Non existen regras sobre cando usar atributos ou elementos pero, en xeral, é preferible usar elementos no seu lugar xa que:
*Os atributos non poden conter múltiples valores (os elementos si)
*Os atributos non teñen estrutura de árbore (os elementos si)
*Os atributos son difíciles de manter (para cambios futuros no ficheiro XML)
Con todo, existe unha excepción na que si se aconsella o uso de atributos. Esta é cando se usan para representar metadatos. Por exemplo, en ocasións hai que asignar un identificador único (ID) a un elemento:
<source lang=xml>
<facturacion>
<factura id="501">
<data>01/01/2010</data>
</factura>
<factura id="502">
<data>01/01/2010</data>
</factura>
</facturacion>
</source>

Os atributos id úsanse para identificar facturas pero non son parte da mesma. É dicir, os datos represéntanse mediante elementos e os datos sobre os propios datos adoitan representarse como atributos.

==Sintaxe==
Existen unha serie de regras sintácticas que se deben recordar á hora de escribir ficheiros en XML:
*'''Todos os elementos XML deben ter unha etiqueta de peche'''.
*'''O XML distingue entre maiúsculas e minúsculas'''. A etiqueta <Dispositivo> é diferente a <dispositivo>. Por tanto, as etiquetas de apertura e peche deben ser idénticas.
<source lang=xml>
<Mensaxe>Incorrecto</mensaxe>
<mensaxe>Correcto</mensaxe>
</source>
*'''Os elementos XML teñen que estar correctamente aniñados'''. O seguinte exemplo é erróneo:
<source lang=xml>
<can>
<raza>Boxer</can>
</raza>
</source>
*'''Os documentos XML deben ter sempre un único elemento raíz'''.
*'''Os atributos XML deben ir entre comiñas, simples ou dobres'''. O primeiro exemplo é incorrecto e o segundo correcto:
<source lang=xml>
<nota data=12/11/2007>
  <destinatario>Tove</destinatario>
  <remitente>Jani</remitente>
</nota>

<nota data="12/11/2007">
  <destinatario>Tove</destinatario>
  <remitente>Jani</remitente>
</nota>
</source>
*'''Caracteres especiais'''. Existen caracteres que teñen un significado especial para o XML. Por exemplo, o carácter < pode confundirse cun principio de etiqueta. Para evitalo úsanse '''entidades de referencia''' (máis adiante verase como crealas). As entidades de referencia predefinidas son:
<table style="background-color:#EEEEEE;" cellpadding="20" cellspacing="0" border="1">

<tr>
<td> <center><b>Carácter</b></center>
</td><td> <center><b>Referencia</b></center>
</td></tr>
<tr>
<td> <center>&amp;</center>
</td><td> <center>&amp;amp;</center>
</td></tr>
<tr>
<td> <center>&lt;</center>

</td><td> <center>&amp;lt;</center>
</td></tr>
<tr>
<td> <center>&gt;</center>
</td><td> <center>&amp;gt;</center>
</td></tr>
<tr>
<td> <center>&quot;</center>
</td><td> <center>&amp;quot;</center>

</td></tr>
<tr>
<td> <center>'</center>
</td><td> <center>&amp;apos;</center>
</td></tr></table>
*'''Comentarios'''. A sintaxe para escribir un comentario dentro dun ficheiro XML é igual que en HTML
<source lang=xml>
<!-- Isto é un comentario --> 
</source>

--[[Usuario:Arribi|Arribi]] 23:04 27 sep 2010 (BST)