Instalación e configuración de ferramentas remotas de administración en Debian

De Manuais Informática - IES San Clemente.
Revisión del 02:48 1 mar 2016 de Antonio (discusión | contribs.) (→‎Webmin)
(difs.) ← Revisión anterior | Revisión actual (difs.) | Revisión siguiente → (difs.)
Ir a la navegación Ir a la búsqueda

O máis habitual nos servidores é instalar ferramentas de acceso remoto que nos permitan realizar as tarefas de administración dende un equipo cliente.

No caso do servidor Debian, isto é aínda máis útil de non temos instalado o contorno de escritorio, xa que así poderemos utilizar ferramentas gráficas, ou copiar e pegar comandos dende o escritorio do equipo cliente.

Imos ver neste apartado a instalación e uso de dúas ferramentas de administración remota, como son SSH e Webmin.

O servizo SSH

SSH é un protocolo que permite conectarse de forma segura a un equipo a través da rede e executar comandos sobre el.

Instalación do servizo SSH

Comezaremos vendo como instalar na máquina Debian o servizo SSH:

  • Instalación de SSH en Debian

  • Introducimos o comando su e a continuación apt-get install ssh. Desta forma xa temos o servizo ssh instalado.

  • Imos facer un pequeno cambio na súa configuración para que permite establecer conexións co usuario root introducindo o seu contrasinal, que están desactivadas por defecto por motivos de seguridade. Editamos o ficheiro de configuración co comando nano /etc/ssh/sshd_config.

  • Buscamos a liña que ten o parámetro PermitRootLogin para poñelo a yes

  • Prememos as teclas Control+X para gardar os cambios no ficheiro.

  • Feito o cambio, reiniciamos o servizo ssh para aplicalo, co comando service ssh restart.


Conexión por SSH dende un cliente Linux

Mostramos a continuación como establecer unha conexión por SSH dende uclient:

  • Conexión SSH dende Ubuntu

  • Introducimos o comando ssh root@10.0.0.120 para conectarnos por SSH co usuario root á máquina coa dirección IP 10.0.0.120. Como é a primeira vez que nos conectamos a esta máquina se nos pregunta se a chave pública que esta nos ofrece para cifrar a conexión é válida. Dicimos que si introducindo yes e se nos pide o contrasinal do usuario. Se o introducimos correctamente, xa temos unha sesión iniciada na máquina Debian.

  • Se pechamos a conexión (co comando exit) e a facemos de novo xa non se nos vai preguntar pola chave, xa que unha vez que a aceptamos por primeira vez xa se almacena e se considera válida. Tan só teremos que introducir o contrasinal do usuario root para iniciar a sesión.

Conexión por SSH dende un cliente Windows

Para poder conectarnos por SSH dende un equipo Windows (wclient) teremos que instalar un programa cliente de SSH. Putty é un dos clientes de SSH para Windows máis utilizado. Imos ver como descargalo e usalo:

  • Conexión SSH dende Windows

  • Na páxina http://www.putty.org picamos no enlace de descarga.

  • Na seguinte páxina, picamos sobre o enlace do executable de putty para Windows.

  • O ficheiro descargado non é un instalador; simplemente teremos que executalo para iniciar o programa.

  • Na imaxe podemos ver a ventá de inicio de putty. Para establecer unha conexión SSH só teremos que introducir a dirección IP da máquina e picar no botón de Open.

  • Como é a primeira vez que nos conectamos, se nos pregunta se a chave de cifrado é auténtica. Dicimos que si para conectarnos, e a partir de agora xa non aparecerá este aviso.

  • Introducimos o nome do usuario (root) e o seu contrasinal, e xa iniciamos a sesión na máquina Debian.

Webmin

Webmin é unha ferramenta web para poder administrar de forma remota sistemas GNU/Linux entre outros. Grazas a ela poderemos evitar o uso excesivo de comandos, o que supón unha dificultade para aqueles que comezan a traballar con estes sistemas.

Instalación de Webmin

Nos seguintes pasos podemos ver como instalar Webmin na máquina Debian:

  • Instalación de webmin en Debian

  • Descargamos o paquete do Webmin para Debian, co comando wget http://prdownloads.sourceforge.net/webadmin/webmin_1.780_all.deb

  • Hai unha serie de paquetes necesarios para poder instalar o Webmin. Aínda que como se ve na imaxe é posible que xa están instalalos, é conveniente comprobalo. Introducimos o comando: apt-get install libnet-ssleay-perl libauthen-pam-perl libio-pty-perl libapt-pkg-perl apt-show-versions

  • Instalamos o Webmin, introducindo o comando dpkg -i webmin_1.780_all.deb

  • E iniciámolo co comando /etc/init.d/webmin start

Conexión a Webmin dende un cliente

Agora xa podemos conectarnos ao Webmin da máquina Debian dende un cliente:

  • Conexión a Webmin

  • Webmin é un servizo de administración remota que corre no porto 10000 e ao que pode accederse con un navegador usando unha conexión segura (https). Así que no host ou en calquera equipo da rede abrimos un navegador e introducimos como dirección https://IP_Debian:10000. Aparecerá o aviso do navegador debido a que o certificado de seguridade non é fiable, cousa totalmente normal. Picamos en Avanzado...

  • e engadimos unha excepción.

  • Confirmamos a excepción...

  • e xa podemos ver a páxina de inicio de sesión de Webmin, na que nos loguearemos co usuario root e contrasinal abc123.

  • Xa estamos na páxina de inicio de Webmin, e o que podemos facer para deixar a ferramenta personalizada é cambiar o idioma, xa que por defecto ven en Inglés. Picamos dentro da categoría Webmin en Change Language and Theme.

  • En Webmin UI language activamos Personal choice e seleccionamos Spanish (desafortunadamente, non contamos con tradución ao galego).

  • Recargamos a páxina e xa temos dispoñible toda a interface en castelán.


-- Antonio de Andrés Lema e Carlos Carrión Álvarez --

Obtenido de «https://manuais.iessanclemente.net/index.php?title=Instalación_e_configuración_de_ferramentas_remotas_de_administración_en_Debian&oldid=58616»