Exemplo3-Clonezilla en rede con DRBL: Clonar unha imaxe dun disco duro, atopada no propio servidor de clonación, a varios discos duros remotos

La versión para imprimir ya no se admite y puede contener errores de representación. Actualiza los marcadores del navegador y utiliza en su lugar la función de impresión predeterminada del navegador.

Exemplo3-Clonar unha imaxe dun disco duro, atopada no propio servidor de clonación, a varios discos duros remotos

NOTA: Picar nas imaxes para velas no tamaño orixinal

O disco duro a clonar a partir de agora chamarémolo ORIXE.

Os discos duros onde queremos clonar chamarémolos DESTINO.

O escenario a empregar será o seguinte: 3 hosts (equipos con conexión de rede):

1 host DRBL-Clonezilla onde:
1. Imos coller o disco ORIXE.
  NOTA: Previamente deben existir os discos ORIXE como imaxes (ficheiros) neste host. Para crear imaxes de disco ver a ligazón Crear unha imaxe nun equipo repositorio de imaxes dun disco duro remoto
2. Que fará as funcións de servidor de Clonación (no cal arrancaremos ou teremos instalado o Clonezilla Server. Neste exemplo empregaremos a versión drbl-live-xfce-1.0.0-9)
3. Dirección IP/MS: 192.168.100.100/255.255.255.0
2 host (Cliente1 e Cliente2):
1. Onde teremos os discos DESTINO a clonar.
2. Direccións [Rango de IP]/MS: [192.168.100.1,192.168.100.40]/255.255.255.0

Procedemos:

Ir á dirección URL http://clonezilla.org/

Ir ao menú de esquerda e linkar na opción Server Edition

Descargar Clonezilla Server(DRBL) picando na ligazón DRBL Live

Elixir a iso da opción estable para descargar e queimar nun CD

Opcionalmente escoller outro mirror do que aparece por defecto e esperar para elixir a ruta de descarga. Descargando...

Configurar o equipo servidor para poder arrancar dende o CD (a iso). Aparecerá o menú de arranque e escollemos a opción por defecto, a primeira: DRBL Live (Default Settings)

Eliximos o idioma

A continuación escollemos a opción 0, para poder arrancar o servidor en entorno gráfico XWINDOW co xestor gráfico XFCE e poder continuar co proceso de clonación. NOTA: Podemos premer Enter e esta opción será a escollida por defecto:

Arrancado a contorna gráfica veremos un escritorio similar ao seguinte:

Picamos dobre click na icona Clonezilla Server e prememos Intro para continuar.

A continuación configuramos a rede manualmente mediante static, isto é, non empregaremos servidores DHCP para a clonación. O motivo disto é a posibilidade que teñamos na rede algún outro servidor DHCP que podería colisionar con iste de clonación, polo cal configuramos a rede de forma manual mediante static.

Configuración da rede (tarxeta eth0 atopada por DRBL Live) IP: 192.168.100.100,, Máscara de Subrede: 255.255.255.0,, Porta de Enlace e DNS: 192.168.100.254

Respostamos n, xa que non configuramos no servidor máis cunha tarxeta de rede, a interface eth0, posto que todas as máquinas conectadas con eth0 son clientes DRBL/Clonezilla, de todos os xeitos, o servidor configurará mediante alias chegado o caso a/s interface/s necesarias.

Neste exemplo escollemos a imaxe a clonar nun disco local do propio servidor DRBL,

A continuación pulsar Intro para coller a imaxe a clonar: disco duro ORIXE,

Agora escoller o disco duro onde temos gardadas as imaxes a clonar, iste será o noso repositorio de imaxes que o propio servidor DRBL encárgase de montar no cartafol do sistema /home/partimag para a súa utilización,

Elixir o cartafol onde atopar a imaxe Clonezilla do disco ORIXE e premer 2 veces Intro para continuar con proceso de clonación,

Agora temos a posibilidade de escoller todos os clientes (40 por defecto permite o DRBL Live) ou elixir os clientes que queiramos entre os 40 por dirección IP ou MAC. No noso exemplo como soamente temos 2 clientes escollemos a segunda opción para elixir soamente estes 2 clientes, Cliente 1 - IP: 192.168.100.1 e Cliente2 - IP: 192.168.100.2