Acceso á carpeta datos iniciando sesión con outro usuario distinto do Administrador

Para que esta tarefa sexa mais completa, antes de nada, facer dende a conta do Administrador un arquivo de texto no interior da carpeta datos.

Logo, iniciar sesión có usuario Anxo e comprobar o que este usuario pode facer na carpeta datos e no arquivo hola.txt.

Pódese empezar por intentar eliminar o arquivo hola.txt. Vese, como é lóxico, que non se permite esta acción.

Pero, ¿poderase modificar o contido sen chegar a eliminar o arquivo?

Como se pode comprobar na imaxe anterior a Modificación do arquivo tampouco é posible. Cando se intenta gardar o arquivo parece a ventá de Gardar como, polo que se deduce que o que si se permiten é crear arquivos novos no interior da carpeta datos.

Así que, gardarase o arquivo como hola_Anxo.txt e comprobarase, a continuación, que permisos existen sobre ese arquivo.

En primeiro lugar hai que fixarse que xa non aparece o usuario CREATOR OWNER, isto é lóxico pois non se pode "crear nada no interior dun arquivo", ese grupo especial só aparece nas carpetas.

Tamén se observa que aparece especificamente o nome do usuario que creou o arquivo, é dicir Anxo, e este ten Control total.

Nota: Na carpeta datos tamén aparecía o usuario creador da carpeta con Control total, era o usuario Administrador.

Observar, ademais os permisos que o resto dos usuarios teñen sobre o arquivo, vese que todos teñen permisos de Lectura e execución pero seguen sen poder Escribir nel e, como non, borralo.

Pódense resumir todos os permisos na seguinte táboa.

Permisos Efectivos	Administradores	Anxo	System	Usuarios
Control Total	X	X	X
Recorrer carpeta Executar arquivo	X	X	X	X
Listar carpeta Ler datos	X	X	X	X
Crear arquivos Escribir datos	X	X	X
Crear carpetas Anexar datos	X	X	X
Eliminar subcarpetas e arquivos	X	X	X
Eliminar	X	X	X
Permisos de lectura	X	X	X	X
Cambiar permisos	X	X	X
Tomar posesión	X	X	X