Instalación de VirtualBox en Ubuntu
Neste apartado veranse os pasos básicos de instalación de VirtualBox sobre un Host con Ubuntu (Se non se dispón dun host Windows saltar ao seguinte apartado: Instalación de VirtualBox en Windows):
Neste curso pártese de que o alumnado ten certa familiaridade con Ubuntu. De non ser así pódese comezar por botarlle unha ollada a un curso de Platega sobre manexo de Ubuntu.
Comprobación da conexión á rede
- Primeiramente no ordenador real vaise comprobar como está o estado da nosa rede.
- Comprobar o estado da rede en Ubuntu
En modo texto: executando o comando ifconfig -a. Observar como neste caso a interface activo no host é a wifi: wlan1. Se se ten conectado un cable será ethX.
En modo gráfico: Premendo na icona Preferencias do sistema (A roda dentada coa chave de ferramentas). Premer sobre a icona Rede.
Observar a mesma configuración Wifi.
Descarga e instalación manual do paquete
- Unha opción que podemos seguir para instalar VirtualBox en Ubuntu é descargar da páxina de descargas de VirtualBox a última versión do programa correspondente a versión de Ubuntu do ordenador host (ordenador real), e instalar este paquete:
- Instalación de VirtualBox
Imos á https://www.virtualbox.org/wiki/Downloads. Picamos sobre a opción de descargar o paquete para máquinas Linux. Independentemente da versión que se pode ver nas imaxes, en cada momento descargaremos a versión máis recente do programa (no momento actual en outubro 2016, a 5.1.6).
Teremos que seleccionar a versión da distribución que temos instalada na nosa máquina real e escolleremos entre 32 ou 64 bits. No momento de facer os apuntes orixinais, descargouse a versión para Ubuntu 14.04 de 64 bits. Descargar a que corresponda á versión de Ubuntu instalada.
Ir á carpeta na que se realizou a descarga. Neste caso na carpeta Descargas do Cartafol persoal. Facer dobre clic sobre o paquete. (Tamén poderíamos executar nun terminal o comando sudo dpkg -i nome_do_ficheiro.deb).
Aparecerá o Centro de Software de Ubuntu. Premer en Instalar.
Se aparece unha ventá como a que se ve na imaxe, informando de que hai que instalar paquetes non autenticados, picaremos en Reparar para instalar o paquete.
Vista do paquete xa instalado.
Instalación do repositorio e instalación con apt-get
- Pero tamén podemos engadir no noso sistema o repositorio de VirtualBox e así poderemos instalalo como calquera outra aplicación das que veñen incluídas nos repositorios do sistema, utilizando o Centro de Software de Ubuntu, o xestor de paquetes Synaptic ou o comando apt-get, por exemplo.
- Esta opción ten como vantaxe que a ferramenta de actualización de software incluirá as novas actualizacións de VirtualBox e poderemos aplicalas de forma automática.
- Instalación de VirtualBox
Na parte inferior da páxina de descargas de VirtualBox para Linux vemos as instrucións que debemos seguir para engadir o repositorio de VirtualBox.
Iniciamos o explorador de ficheiros como root (escribindo nun terminal sudo nautilus) e abrimos co editor de texto o ficheiro /etc/apt/sources.list.
Engadimos ao final deste ficheiro unha liña que define o repositorio de VirtualBox para a nosa distribución. No caso da Ubuntu 14.04 sería deb http://download.virtualbox.org/virtualbox/debian trusty contrib.
sudo apt-key add -. Actualizamos os repositorios do sistema co comando sudo apt-get update.
Xa podemos instalar o paquete do virtualbox. Para a versión actual, facémolo co comando apt-get: sudo apt-get install virtualbox-5.0.
Execución de VirtualBox
- Instalación de VirtualBox
Para lanzalo dende o Dash, premer no botón Inicio, escribir virtu... e xa aparece a icona asociada ao programa. Premer na icona de VirtualBox.
Cando apareza no Lanzador ou Iniciador premer co botón dereito sobre el en fixalo ao iniciador. Así xa queda aí para sempre. Os que non estean usando a versión de menús de Unity, poden lanzar o VirtualBox en: Aplicativos:Ferramentas do Sistema:Oracle VM VirtualBox. Xa está funcionando!!!!.
-- -- Antonio de Andrés Lema e Carlos Carrión Álvarez --