Que facer se XenCenter non amosa a consola das MVs?

De Manuais Informática - IES San Clemente.
(difs.) ← Revisión anterior | Revisión actual (difs.) | Revisión siguiente → (difs.)
Ir a la navegación Ir a la búsqueda

Introdución

  • Pode ocorrer que nun momento dado XenCenter non amose as consolas das MVs. Este caso ten solución:
    • Nas MVs Linux a través de SSH.
    • Nas MVs Windows a través de Terminal Server.
  • Pero que pasa se non se instalou SSH nin Terminal Server? Pois pódese acceder ás consolas das MVs a través de VNC.
    • Imos ver como acceder primeiro dende equipos Linux que pode haber á nosa disposición na LAN e logo dende equipos Windows.
    • Vanse crear túneles co servidor Host, para acceder ás consolas das MVs.

Coñecer os portos nos que están as consolas das MVs e do host

  • Iniciar sesión no servidor Xen, no host, ben a través de SSH ou en a través da consola directamente no servidor.
  • Neste caso vaise usar o servidor xenA e acender as MVs Windows e Ubuntu.

Sv 2013 xcp vnc 01.jpeg

  • Executar a seguinte instrución para coñecer os portos nos que están as consolas:
netstat -tlpn | grep 59
  • Os conectores VNC no dom0 escoitan a partir do porto 5900
    • O primeiro porto que apareza (neste caso 5900) é o mesmo dom0, ou sexa, a MV que controla o servidor de Xen
    • O seguinte a primeira MV de usuario, etc.
  • vcnterm son os conectores ás MVs Linux.
  • qemu-dm son os conectores ás MVs Windows.

Configuración do cliente Remmina en Linux

  • Se non se dispón do cliente Remmina é preciso instalalo.
  • Cliente Remmina Linux

  • Crear un novo ficheiro de escritorio remoto.

  • Indicar o nome. A IP do servidor:porto da consola da MV e seleccionar o protocolo VNC - Virtual Network Computing. Os demais parámetros ad libitum.

  • Na lapela SSH seleccionar que se desexa crear un túnel SSH e marcar tamén Túnel a través de enderezo de autobucle e indicar o usuario co que nos vamos a autenticar no túnel: root (do servidor Xen).

  • Gardar a conexión e facer dobre click nela.

  • Aquí vese a consola da MV Windows. Se se preme o botón do teclado do Remmina pódese capturar o que se teclee e por tanto pódese tecelar a combinación de teclas "CTRL+ALT+SUPR".

  • Nesta outra: a consola da MV Ubuntu.

  • E nesta a consola do servidor Xen (dom0)

Configuración do cliente PuTTy e Ultra VNCViewer

  • Cliente PuTTy/UltraVNC

  • Abrir o PuTTy e crear os túneles como se amosa na imaxe. Exemplo o porto fonte 5900 (o Xen) vai estar asociado co destino "localhost:5900". Isto é, cando nos conectemos ao porto 5900 do equipo local en realidade imos conectarnos ao porto 5900 do servidor.

  • No menú de Session indicar a IP do servidor Xen e se se desexa pódese gardar a configuración para vindeiras ocasións. Abrir a conexión (Open).

  • Introducir usuario e contrasinal do servidor Xen.

  • Abrir a UltraVNC Viewer e indicar que desexamos conectarnos ao equipo localhost:5901, por exemplo,

  • e neste caso conectámonos á consola da MV Windows. O UVNC dispón dun botón á esquerda que pode enviar a combinación de teclas "CTRL+ALT+SUPR" á consola.

  • Neste caso vese a consola da MV Ubuntu.





-- Antonio de Andrés Lema e Carlos Carrión Álvarez (Maio-2013, Rev1: Feb 2014 - Rev2: Nov 2014)

Obtenido de «https://manuais.iessanclemente.net/index.php?title=Que_facer_se_XenCenter_non_amosa_a_consola_das_MVs%3F&oldid=50657»