Diferencia entre revisiones de «Restricións nas conexións a través do proxy»

Revisión actual del 10:42 23 mar 2016

Restricións das conexións en Squid

Squid é un servidor proxy moi completo, e abordar con profundidade as distintas opcións de configuración que permite excede con moito os obxectivos deste curso.

Por iso, o que imos facer é ilustrar unha configuración básica das opcións de filtrado máis comúns, para amosar así as posibilidades máis relevantes que ofrece o servizo de proxy que non serían posibles por medio do enrutamento.

Restricións segundo o dominio de destino

Como o servizo de proxy opera no nivel de aplicación, pode ler a cabeceira HTTP para ver a URL de destino da conexión. Isto permite a posibilidade de establecer restricións en función do dominio ao que o cliente se quere conectar:

Restricións por dominio de destino
Na pestana de Listas de control de acceso da configuración do Control de acceso creamos unha nova ACL de tipo Nome de máquina de servidor web.
Podemos introducir os datos que se ven na imaxe para filtrar o dominio www.facebook.com.
Unha vez creada a ACL imos a crear unha restrición sobre a mesma.
Engadimos unha nova restrición.
Neste caso, imos denegar as conexións ao dominio www.facebook.com seleccionando a ACL.
Vemos a restrición creada. Debemos colocala no lugar adecuado da táboa para que se execute.
Por exemplo, deixándoa na posición da imaxe, conseguiremos que os equipos da LAN poidan acceder a calquera dominio excepto www.facebook.com. Aplicamos os cambios para activar a restrición.
Podemos comprobar dende un equipo cliente que non podemos conectarnos a www.facebookcom...
pero si a calquera outro dominio.
Imos facer outra proba, creando unha ACL asociada ao dominio .edu.xunta.es. Este dominio afectaría a todos os servidores para os que o seu nome acabase por este nome de dominio.
Na táboa de restricións do proxy, picamos sobre a restrición que permite o acceso a todos os equipos da LAN para editar a configuración desta restrición.
Seleccionamos na lista de Coincidir con ACLs a ACL que acabamos de crear ademais da de LAN que xa estaba seleccionada. Vemos deste xeito que unha restrición pode asociarse a varias ACLs, e só encaixarán con ela as conexións que coincidan con todas esas ACLs. Por exemplo, agora só se permitirá a conexión dende a LAN ao dominio .edu.xunta.es
Aplicamos os cambios no proxy...
e podemos comprobar nun equipo cliente da LAN que non se permite o acceso a unha páxina dun dominio distinto a edu.xunta.es...
pero si ao portal da consellería.

Restricións segundo o tipo de ficheiro

Outra opción que permite Squid é filtrar unha conexión polo tipo MIME do documento que devolve como resposta o servidor web. O tipo do documento vai indicado na cabeceira da resposta do HTTP.

Existe una gran variedade de tipos MIME dispoñibles, para ficheiros de audio, imaxes, documentos PDF, vídeos, etc.

A continuación imos mostrar un exemplo no que denegaremos a descarga de documentos PDF:

Restricións segundo o tipo de ficheiro en Squid
Creamos unha ACL de tipo Tipo MIME de Resposta.
Poñemos un nome para a ACL e como Tipo MIME de resposta introducimos o tipo que se corresponde cos documentos PDF, que sería application/pdf.
Coa ACL creada, imos á pestana de restricións proxy de resposta, xa que neste caso a restrición ímola facer por unha condición na resposta HTTP do servidor web ao que se conecta o cliente.
Vemos que neste apartado non hai ningunha restrición creada. Imos crear unha nova.
O que facemos na restrición é denegar as conexións que coincidan coa ACL que acabamos de crear.
Vemos na imaxe a restrición creada, e aplicamos os cambios para activala.
Para comprobar o efecto da restrición, dende un equipo cliente imos intentar descargar a versión en PDF dun DOG.
Na imaxe podemos ver a mensaxe que obteremos denegando o acceso a este documento.

Restricións segundo a hora da conexión

Remataremos este apartado vendo como podemos restrinxir no proxy o acceso a Internet segundo a hora na que se produza as conexións:

Restricións segundo a hora en Squid
Creamos unha ACL de tipo de Fecha e hora.
Poñemos un nome a ACL e o horario no que neste caso imos restrinxir o acceso a Internet.
Podemos ver na listaxe a ACL creada. Iremos á pestana de Restricións proxy para definir a restrición sobre ela.
Creamos a restrición que denega as conexións que se produzan nese horario.
E tras colocar a restrición na orde que corresponde na listaxe de restricións, aplicamos os cambios para activala.
Na imaxe podemos ver o resultado dun cliente que intenta conectarse no horario restrinxido.