Conclusións finais

• Acabamos de chegar ao final do curso de Virtualización, até agora isto sería experimentación, porque por onde hai que comezar é polo final, isto é:
  • Analizar que tipos de Servizos queremos dar coas MVs (Acostúmase a atomizar: unha MV -> moi poucos servizos, por se hai que reiniciala causar os menos problemas posibles).
  • Analizar os hosts dos que dispoñemos ou vaiamos dispoñer:
    • Similitudes na CPU
    • RAM necesaria (Hai que analizar a suma das RAMs das MVS), para que un host poida asumir as MVs ou parte doutro host que se caeu ou hai que apagar.
    • Tarxetas de rede dos hosts.
  • Infraestructura de rede:
    • Vaise separar o tráfico, ou non, de xestión, MVs e almacenamento?.
    • Vaise realizar Bonding, que tipo?
    • vaise usar Multipath?
  • Cabina de almacenamento:
    • Ten 2 ou máis interfaces de rede?.
    • Soporta iSCSI?
    • Soporta Bonding ou Multipath?
    • Cantos discos admite?
    • Imos ter todo na cabina ou imos ter unha cabina redundante?.
  • Programación das políticas de protección das MVs, cantos recursos vai consumir?

• Todas estas, e outras, son preguntas a facerse antes de instalar unha MV nun host.
  • Primeiro boli e papel, como sempre, e aproveitar a experimentación do curso para crear os escenarios que se adapten ás nosas necesidades e que nos encaixen nas nosas posibilidades presentes e futuras.
  • E antes de crear as MVs hai que ter montada toda a infraestrutura (rede e almacenamento).
  • E como aquela frase que se oía antes cando se remataba de construír unha casa: agora había que tirala e facela de novo... para corrixir os erros cometidos.

• A continuación amósase unha abstracción do proceso de análise:

• E un exemplo, tomado de EMC2, de tráfico iSCSI, NFS/SAMBA e Fibre Channel a través de HBAs e switches de Almacenamento.

-- Antonio de Andrés Lema e Carlos Carrión Álvarez (Maio-2013, Rev1: Feb 2014 - Rev2: Nov 2014)