Diferencia entre revisiones de «Auto inicio das MVs. vApps»

De Manuais Informática - IES San Clemente.
Ir a la navegación Ir a la búsqueda
 
(Sin diferencias)

Revisión actual del 14:49 9 nov 2014

Introdución

  • Cando se acende o host (servidor físico) o ideal sería acender aquelas MVs que desexa o usuario para non ter que entrar ou no xsconsole ou a través de xe ou con XenCenter para ir acendendo as MVs.
    • Esta funcionalidade coñécese co nome de Auto-start.
    • As versións actuais de XenServer e XCP deshabilitaron esta funcionalidade (Auto-start) dende XenCenter.
    • Esta foi deshabilitada en XenCenter, porque cando se usaba a funcionalidade de Alta Dispoñibilidade (HA) producía resultados inesperados.
    • Para iniciar unha MV automaticamente despois de que se inicie o host hai que facelo co CLI xe.
  • Tamén sería ideal ter unha especie de folla de ruta na indicar que MVs se inician nun orde determinado e ademais, se fose necesario, que unhas MVs non se iniciaran até que outras xa estiveran iniciadas.
    • Isto resólvese co agrupamento lóxico de varias MVs nun vApp, de tal sorte que cando se inicia ese vApp inícianse as MVs que forman o agrupamento, na orde establecida e en función das dependencias existentes entre elas.

Iniciar MVs automaticamente: Auto-start

  • Como xa se indicou vaise activar esta funcionalidade a través do CLI xe no host xen00 e na MV dMySQL.
  • Auto-start

  • Habilitar primeiro a funcionalidade no Pool, que aínda que o usuario non creara ningún, existe un por defecto. Imos ver os uuid dos pooles con: xe pool-list.

  • Habilitar Auto-start no pool: xe pool-param-set uuid=UUID other-config:auto_poweron=true.
    Reemprazar UUID có UUID do pool. Lembrar a tecla TAB.

  • A continuación realízase algo semellante coas MVs:xe vm-list.

  • xe vm-param-set uuid=UUID other-config:auto_poweron=true, para activar Auto-start na MV dMySQL. Reiniciar o host (xen00) e comprobar que a despois de acenderse este acéndese dMySQL.
    Como tódalas MVs están paravirtualizadas ou teñen as XenServer Tools instaladas, se estas están acesas e se decide apagar o host non é preciso ir apagando MV por MV, pois xa o host lle envía o sinal para que fagan un apagado ordenado.

Crear un grupo lóxico de MVs relacionadas: vApp

  • A continuación vaise crear un grupo lóxico de dúas MVs cunha suposta relación entre elas á hora de acendelas, de modo que dx2go vaise acender 15 segundos despois de dMySQL.
  • vApp

  • Deshabilitamos Auto-start de dMySQL: xe vm-param-set uuid=UUID other-config:auto_poweron=false

  • Premer no menú Pool: Manage vApps...

  • Crear un novo vApp.

  • Indicar o nome, neste caso: Inicio Servidores.

  • Seleccionar as MVs que formarán parte do vApp.

  • Configurar a orde de inicio das MVs. Fixarse que a MV dMySQL, que se inicia na orde 0, ten configurados 15 segundos para que as MVs que van na orde 1 se acendan 15 segundos despois dela.

  • Se agora se premerse en Start estas 2 MVs acenderíanse na orde na que se indicou.

  • Unha vez acesas as MVs do agrupamento tamén se poden apagar en orde. Premendo en Shutdwon.

  • Na lapela General das MVs amósase a que vAapp pertence a MV.

  • Nas propiedades das MVs que pertencen ao agrupamento en Start Options tamén se pode ver a orde de inicio e o tempo que debe pasar para que se inicie a que vai na seguinte orde.


Facer que se inicie un vApp automaticamente

  • A continuación vaise configurar o host xen00, para que cando se acende, este lance o vApp e por tanto as MVs que hai configuradas dentro do vApp.
  • Por desgracia vApp non ten o parámetro: other-config:auto_poweron=true
  • vApp

  • Amosar o uuid do vApp creado anteriormente: xe appliance-list.

  • Coa instrución xe appliance-start uuid=UUID lánzase o vApp e como se pode ver as MVs comezan a iniciarse e non se devolve o control á consola ...

  • ... até que están as 2 MVs iniciadas.

  • Copiar a instrución anterior e pegala ...

  • Ao final do ficheiro /etc/rc.local que se executa ao final do proceso do inicio do host. Indicar que espere 40 segundos (como mínimo, ao mellor precísase máis tempo) antes de lanzar o vApp: sleep 40.
    Reiniciar o host e comprobar que se lanza o vApp e por tanto as MVs que están agrupadas nel.





-- Antonio de Andrés Lema e Carlos Carrión Álvarez (Maio-2013, Rev1: Feb 2014 - Rev2: Nov 2014)

Obtenido de «https://manuais.iessanclemente.net/index.php?title=Auto_inicio_das_MVs._vApps&oldid=50652»