Veiga: /* Funcionamento */

2013-01-09T18:00:41Z

Funcionamento

Página nueva

=Introdución=
O servizo FTP (''File Transfer Protocol'') permite transferir ficheiros dun sistema a outro. Para iso, precísase dispoñer dunha conta na máquina que vai recibir os ficheiros. O protocolo está especificado no RFC 959.

É un servizo independente dos sistemas de ficheiros utilizados nas diferentes máquinas. Neste sentido, é transparente ao usuario.

=Funcionamento=
O FTP segue o modelo cliente/servidor onde o cliente é o extremo que inicia a transferencia dun ficheiro e o servidor é unha máquina remota que almacenará ese ficheiro.

[[Imagen:UD4_1.jpg|center]]

O cliente FTP conéctase ao servidor FTP no '''porto 21''', que é onde se executa o servizo, especificando TCP como protocolo de transporte. É precisamente mediante este porto, é dicir, mediante a conexión de control, co que o cliente consegue autorización. Unha vez autentificado o cliente visualiza ou navega polos cartafoles remotos enviando comandos mediante a conexión de control.

[[Imagen:UD4_2.jpg|right]]Con todo, o servidor utiliza tamén o '''porto 20''' para a transferencia de ficheiros. Cando o servidor recibe un comando para realizar a transferencia dun ficheiro, o servidor abre unha conexión TCP nese porto para envialo ao cliente. Despois de transferir o ficheiro, o servidor pecha a conexión nese porto. Para transferir outro ficheiro o servidor ten que abrir unha segunda conexión TCP.

Á conexión de control separada da conexión de datos chámaselle '''conexión fóra de banda''' (“out of band”). O servidor FTP mantén o estado a través desta conexión: directorio actual, usuario, etc.

[http://lgallardo.com/2009/06/23/ftp-activo-vs-ftp-pasivoftp-active-vs-passive/ Máis información entre o modo de conexión FTP activo e FTP pasivo.]

=Instalación e configuración do cliente FTP=
Dispoñemos en GNU/Linux de diversas aplicacións cliente.
==Modo texto==
En modo texto, o comando ftp que xa ven instalado co sistema (tamén en MS-Windows), permite establecer unha conexión cun servidor FTP. Por exemplo, se se quere iniciar unha sesión no servidor ftp.rediris.es:

<pre>ftp ftp.rediris.es</pre>

O servidor FTP solicitará o nome de usuario e clave para acceder ó equipo. O acceso dos usuarios aos directorios e ficheiros do servidor FTP depende dos permisos definidos para esa conta de usuario. Como normal xeral, o daemon FTP ocultará o directorio raíz do servidor e cambiarao ao directorio home do usuario, facendo inaccesibles o resto dos ficheiros.

En moitos casos, os servidores FTP permiten o acceso do '''usuario anonymous''' ou usuario invitado, que non precisa clave. Pola contra, ten privilexios moi limitados á hora de usar o servidor.

No cliente FTP podemos introducir distintos comandos que nos permitirán realizar as operacións sobre o servidor:
*'''ascii / binary'''. Comandos que establecen o tipo de transferencia a ASCII (para transferir ficheiros de texto) ou binary (para ficheiros binarios), respectivamente.
*'''bye / quit'''. Pechan a sesión co servidor e a consola FTP.
*'''close / disconnect'''. Pechan a sesión co servidor, pero a consola ftp permanece aberta.
*'''open servidor [porto]'''. Abre unha sesión co servidor indicado, podendo indicarse tamén o porto ao que conectarse (normalmente, úsase se o servidor non se está executando no porto por defecto).
*'''pwd'''. Mostra o directorio do servidor ftp no que nos atopamos.
*'''cd directorio'''. Cambia de directorio no servidor ftp.
*'''delete ficheiro'''. Borra un ficheiro no servidor.
*'''dir [directorio_remoto] [ficheiro_local]'''. Lista o contido do directorio do servidor e opcionalmente pode enviar a saída a un ficheiro local do cliente. Tamén se pode usar '''ls'''.
*'''!ls'''. Amosa o contido do directorio do cliente.
*'''mkdir directorio'''. Crea un directorio no servidor.
*'''rmdir directorio'''. Borra un directorio do servidor (baleiro).
*'''rename ficheiro novo_nome'''. Cambio o nome dun ficheiro no servidor.
*'''get ficheiro_remoto [ficheiro_local]'''. Obtén unha copia do ficheiro remoto do servidor indicado no directorio actual do cliente. Pódese indicar un novo nome para o ficheiro.
*'''mget ficheiros'''. Permite baixar múltiples ficheiros dun golpe. Podemos usar comodíns, como por exemplo mget *.txt.
*'''put ficheiro_local [ficheiro_remoto]'''. Sobe unha copia do ficheiro local ao directorio actual no servidor. Pode indicarse un novo nome para o ficheiro.
*'''mput ficheiros'''. Sobe múltiples ficheiros dun golpe. Podemos usar comodíns, igual que con mget.
*'''lcd directorio'''. Cambia o directorio actual no cliente FTP.
*'''help [comando]'''. Mostra a lista de comandos ou axuda sobre un comando concreto.

==Modo gráfico==
Existen tamén aplicacións en modo gráfico para GNU/Linux. Por exemplo, se usamos o contorno Gnome, pódese usar o gftp. Para instalalo hai que teclear o seguinte:

<pre>sudo apt-get install gftp</pre>

No contorno KDE, pódese utilizar o konqueror ou explorador de ficheiros de KDE para establecer sesións ftp.

Tamén é posible utilizar un navegador Web calquera para conectarnos a un servidor. Chega con introducir o URL na barra de direccións.

=Instalación e configuración do servidor FTP=
Existen múltiples programas que funcionan como servidor de FTP. Usarase nesta sección o [http://vsftpd.beasts.org/ vsftpd] (''Very Secure FTP Daemon'') xa que é sinxelo de instalar e configurar, ademais de ser moi eficiente. De feito, úsase no proxecto [http://ftp.debian.org Debian], no proxecto [http://ftp.gnu.org GNU] e pola empresa [http://ftp.red-hat.com Red-Hat], entre outros.

Para instalar o programa teclearase o seguinte:

<pre>sudo apt-get install vsftpd</pre>

A instalación crea un novo usuario <code>ftp</code> no sistema, incluído no grupo <code>nogroup</code>. No directorio <code>home</code> do usuario (<code>/home/ftp)</code> están os ficheiros que comparte o servidor para os usuarios anónimos.

O vsftpd utiliza o '''contorno chroot''' (''<code>change root</code>'' ou gaiola chroot) que permite configurar un directorio como raíz (<code>/</code>) do sistema de ficheiros para un proceso e os seus fillos. Chámase gaiola <code>chroot</code> porque o usuario non poderá saír do directorio marcado como <code>chroot</code>. Por exemplo, o directorio onde se almacenan os ficheiros é o <code>/home/ftp</code> pero mediante <code>chroot</code> este directorio pasa a ser o directorio raíz.

O ficheiro executable atópase en <code>/usr/sbin/vsftpd</code> pero para arrancar o servizo seguirase o procedemento habitual (aínda que ao instalar o programa xa o arranca o propio sistema operativo):
<pre>sudo /etc/init.d/vsftpd [start] [stop] [restart]</pre>

Os principais ficheiros de configuración son os seguintes:
*<code>/etc/vsftpd.conf</code>. É o ficheiro principal e contén todas as directivas de configuración. O seu formato é sempre '''directiva=valor''', onde <code>directiva</code> é o nome da propiedade que se vai configurar e <code>valor</code> é o valor que se lle asigna. Non debe haber espazos antes e despois do signo <code>=</code>.
*<code>/etc/ftpusers</code>. Contén unha lista de usuarios que non se poden conectar ao servizo FTP.

Existe ademais un ficheiro de rexistro de activididade (log) no cartafol <code>/var/log/vsftpd.log</code>. As directivas correspondentes para habilitalo son:
<pre>
xferlog_enable=YES
xferlog_file=/var/log/vsftpd.log
</pre>

=Inconvenientes do FTP=
O principal problema do FTP é que usa un mecanismo de autentificación baseado en texto plano, co que o servidor non pode garantir que o usuario é quen di ser (non hai certificados). Derivado disto, as claves pódense capturar cun sniffer comprometendo a seguridade do sistema. Por último, as transferencias dos ficheiros tamén son en texto plano.

Para evitar isto pódese crear un certificado e habilitar as directivas correspondentes no vsFTPd.

--[[Usuario:Arribi|Arribi]] 11:11 27 ene 2009 (GMT)

Servizo FTP - Historial de revisiones

Veiga: /* Funcionamento */