Antonio: /* Descarga, compilación e instalación de Italc 2.0.2 en Ubuntu */

2015-03-27T19:40:44Z

Descarga, compilación e instalación de Italc 2.0.2 en Ubuntu

Página nueva

Neste apartado imos ver a instalación, configuración e manexo de [http://italc.sourceforge.net Italc] tanto en equipos con Ubuntu como con Windows.

Italc é un programa de control remoto especificamente orientado ao seu uso nas aulas. Utilizando o protocolo VNC, Italc ofrece funcionalidades moi útiles para proporcionar un control global dos equipos do alumnado nunha aula dende o equipo do profesor.

Na páxina vaise mostrar como facer a instalación e configuración tanto se se usan só equipos con Ubuntu como con Windows. Pódense ver todas as opcións ou ir aos apartados que a cada quen lle interesen.

== Métodos de autenticación dos usuarios profesores en Italc ==

Antes de comezar coa instalación de Italc, imos abordar un aspecto importante da configuración deste programa, que é a autenticación dos equipos e usuarios que poderán conectarse aos equipos do alumnado para visualizalos e controlalos a través da rede. É evidente que non nos interesa que se poida facer isto dende calquera equipo, porque permitiría que usuarios non autorizados espíen o escritorio do alumnado. Italc ofrece dúas formas de autenticación, que son as seguintes:

* '''Autenticación por chaves''': Este método de autenticación baséase en que no equipo do profesor temos un par de chaves, unha pública e outra privada, que se utilizan para autenticar a este equipo. No equipo do profesor teremos as dúas chaves e nos dos alumnos distribuiremos só a chave pública. O ideal é configurar os permisos do ficheiro que contén a chave privada para que só os usuarios profes poidan acceder a ela. Desta forma, os equipos do alumnado só poderán ser controlados dende o equipo do profesor.

* '''Autenticación por usuarios''': Con este método, podemos indicar con unha Lista de Control de Acceso que usuarios e/ou grupos de usuarios poden controlar o equipo. Ao iniciar a ferramenta de control da aula, o profesor introducirá o nome de usuario e contrasinal que se usará para identificarse nos equipos dos alumnos, que só permitirán o acceso se ese usuario e contrasinal son válidos e o usuario está autorizado pola ''ACL''. Esta opción pode ser moi útil en caso de que teñamos un dominio cos usuarios e grupos centralizados, e queremos evitar ter que propagar as chaves nos equipos dos alumnos, ou queremos dar un nivel máis de seguridade.

Nesta páxina amosaremos como configurar a autenticación por chaves, xa que non contamos con usuarios centralizados e desta forma non dependemos dos usuarios que teñamos definidos no sistema.

== Instalación de Italc en Ubuntu ==

O primeiro paso será instalar o software, tanto nos equipos do alumnado como no do profesor.

=== Problema de execución coa versión do Italc do repositorio de Ubuntu ===

O repositorio de Ubuntu inclúe o programa Italc, e coa aplicación de ''Centro de software de Ubuntu'' poderíamos buscalo e instalar moi facilmente tanto a parte de alumno (cliente) como a do profesor (xestor) como se ve na imaxe:

[[Archivo:Mv_15_italc_ubuntu_01.png|700px]]

Pero o problema é que a versión que se instala desta forma non funciona correctamente, así que teremos que descargar a última versión e instalala de forma manual. Este proceso é algo máis farragoso, pero non temos outra alternativa mentres non se corrixa o problema da versión dispoñible nos repositorios de Ubuntu.

=== Descarga, compilación e instalación de Italc 2.0.2 en Ubuntu ===

Imos descargar a versión 2.0.2 de Italc, directamente da páxina web do produto:

<gallery caption="Descarga, compilación e instalación de Italc 2.0 en Ubuntu" widths="350px" heights="300px" perrow="2">
Imagen:Platega_mv1112_problemas_italc_windows_linux_03.jpg|Imos a [http://italc.sourceforge.net http://italc.sourceforge.net] e picamos na opción de '''Download'''. Na páxina que se mostra picamos en '''Continue'''
Imagen:Platega_mv1112_problemas_italc_windows_linux_04.jpg|Picamos no enlace de versións oficiais.
Imagen:Platega_mv1112_problemas_italc_windows_linux_05.png|Picamos sobre o ficheiro comprimido coa versión 2.0.2 de Italc...
Imagen:Mv_15_italc_ubuntu_05.png|e gardámolo na nosa máquina.
Imagen:Ud_15_italc_70.png|Imos á carpeta onde descargamos o ficheiro e descomprimímolo, picando co botón dereito sobre el na opción de '''Extraer aquí'''.
Imagen:Ud_15_italc_71.png|Vemos que ao descomprimir o ficheiro créase unha carpeta con todos os ficheiros fonte e os scripts necesarios para compilar e instalar o programa. Entramos nela
Imagen:Ud_15_italc_72.png|Temos que crear dentro unha carpeta ....
Imagen:Ud_15_italc_73.png|co nome ''build''.
Imagen:Ud_15_italc_74.png|Agora temos que executar unha serie de comandos con un terminal e situándonos dentro da carpeta ''build''. Para facelo de forma máis sinxela, imos instalar unha extensión do navegador de ficheiros que nos permitirá abrir un terminal na carpeta que queiramos. Usando o ''Centro de Software'' para buscar o paquete ''nautilus-open-terminal''.
Imagen:Ud_15_italc_75.jpg|Unha vez instalado o paquete, pechamos a sesión do usuario e iniciámola de novo para que se cargue a extensión no explorador de ficheiros.
Imagen:Ud_15_italc_76.jpg|Se agora picamos bo botón dereito sobre a carpeta ''build'' atopamos a opción de '''Abrir nunha terminal'''. Picamos sobre ela.
Imagen:Ud_15_italc_77.png|Para poder compilar o programa antes temos que instalar unha serie de paquetes. Executamos o comando '''sudo apt-get install cmake libpam-dev libqt4-dev qt4-dev-tools zlib1g-dev libjpeg62-dev libssl-dev libxtst-dev openjdk-7-jdk xorg-dev g++''' para instalar os paquetes necesarios (recoméndase copiar o comando e pegalo na terminal para evitar erros na súa escritura).
Imagen:Ud_15_italc_78.png|Agora executamos o comando '''cmake ..''' que compila o programa
Imagen:Ud_15_italc_79.png|Fin da execución do comando de forma correcta.
Imagen:Ud_15_italc_80.jpg|E agora só queda executar '''sudo make install''' para instalar o programa.
</gallery>

=== Axuste da instalación ===

Pero, pese a todo o traballiño que nos deu a instalación, aínda nos queda algún traballo por diante. O primeiro será facer algúns axustes, xa que como os scripts de instalación non están feitos para Ubuntu, hai algún ficheiro que non se copia na carpeta correcta:

<gallery caption="Axuste da instalación" widths="350px" heights="300px" perrow="2">
Imagen:Platega_mv1112_problemas_italc_windows_linux_18.png|Se executamos o comando '''sudo imc''' para lanzar a ferramenta de configuración de Italc (que agora poderemos usar en Linux, executándoa sempre co usuario ''root''), veremos que a aplicación non se pode lanzar porque non se atopa a libraría principal de Italc. O problema é debido a que o script de instalación copiou esta libraría nun directorio incorrecto.
Imagen:Platega_mv1112_problemas_italc_windows_linux_19.png|Para solucionalo, copiamos a libraría da carpeta ''/usr/local/lib'' a ''/lib'' (co comando '''sudo cp /usr/local/lib/libItalcCore.so /lib'''). Agora executando o comando '''sudo imc''' xa arranca a ferramenta de configuración de Italc.
Imagen:Ud_15_italc_01.png| Comprobamos que agora xa se executa a ferramenta de configuración de Italc. Aproveitamos para activar a opción de ocultar a icona do programa da barra de tarefas (''Hide tray icon'') para que nos equipos do alumnado non se vexa que está activado o programa.
</gallery>

=== Configuración do arranque automatico do servizo de Italc ===

Instalando o programa a partir do código fonte non se creará o ficheiro necesario para arrancar automaticamente o servizo de Italc no inicio de sesión dos usuarios no equipo. Teremos que crealo (por exemplo, en ''/etc/xdg/autostart/ica.desktop'', que podemos crear co comando '''sudo nano /etc/xdg/autostart/ica.desktop''') co contido que se mostra a continuación:

<syntaxhighlight lang="bash" enclose="div">
[Desktop Entry]
Version=1.0
Name=iTALC client
Comment=iTALC client daemon
Exec=/usr/local/bin/ica
Icon=/usr/share/pixmaps/italc.xpm
Terminal=false
Type=Application
StartupNotify=false
Categories=GNOME;KDE;System;
X-Ubuntu-Gettext-Domain=ica
</syntaxhighlight>

=== Crear enlace no menú de Ubuntu (só no equipo dos profes) ===

E tampouco se crea a icona no menú para que os profes poidan lanzar a ferramenta de control da aula de Italc. Para engadila, creamos o ficheiro ''/usr/share/applications/italc.desktop'' (co comando '''sudo nano /usr/share/applications/italc.desktop''') co contido que se mostra a continuación:

<syntaxhighlight lang="bash" enclose="div">
[Desktop Entry]
Name=Control de aula con iTALC
Comment=Ferramenta de control de aula
Exec=italc
Icon=computer
Terminal=false
Type=Application
StartupNotify=false
Categories=Network;RemoteAccess;
</syntaxhighlight>

== Configuración das chaves de autenticación en Ubuntu ==

<gallery caption="Configuración das chaves de autenticación" widths="350px" heights="300px" perrow="2">
Imagen:Ud_15_italc_02.png| Executamos o comando '''sudo imc'''. Primeiro temos que crear o par de claves, e ímolo facer sempre no equipo do profesor. Na ferramenta de configuración de Italc imos ao apartado de ''Authentication'', desmarcamos a autenticación baseada en ACLs (''ACL-based logon authentication'', xa que só imos usar de momento a autenticación por claves) e picamos sobre o botón de '''Launch key file assistant''' (Lanzar asistente de ficheiros de claves).
Imagen:Ud_15_italc_03.png|Inicio do asistente.
Imagen:Ud_15_italc_04.png|Imos a crear un novo par de claves.
Imagen:Ud_15_italc_05.png|Temos que seleccionar o rol para o que imos crear as claves. Italc contempla tres roles ou tipos de usuarios, que son ''profesor'', ''admin'' ou ''support'' que se poden configurar con distintas claves. Nós só imos utilizar o rol de ''profesor'', así que seleccionamos este rol.
Imagen:Ud_15_italc_06.png|Ademais de crear o par de claves, imos activar a opción que se nos ofrece nesta ventá para exportar a clave pública nunha carpeta, e así logo copiarémola de aí para pasala aos equipos dos alumnos.
Imagen:Ud_15_italc_07.png|Resumo das opcións seleccionadas.
Imagen:Ud_15_italc_08.png|As claves foron creadas con éxito. Fixarse onde se garda a chave privada, no ficheiro ''/etc/italc/keys/private/teacher/key''. Imos ter que modificar os seus permisos porque por defecto só ten permiso de lectura o usuario ''root'' ou usuarios que pertenzan ao grupo ''root''. Desta forma, ''noa'' non podería acceder a esa chave e polo tanto non podería usar o programa.
Imagen:Ud_15_italc_09.png|Picamos no botón de '''Aplicar''' para activar todos os cambios, aínda que en Linux será necesario pechar a sesión do usuario e iniciala de novo para que se activen realmente os cambios realizados.
Imagen:Ud_15_italc_09b.png|Antes de facelo, imos modificar os permisos do ficheiro ''/etc/italc/keys/private/teacher/key'' que almacena a chave pública para que o usuario ''noa'' poida lelo. Nun terminal, executamos o comando '''sudo nautilus''' para iniciar un explorador de ficheiros como super-usuario, picar co botón dereito sobre este ficheiro na opción de '''Propiedades''' e ir á lapela dos ''Permisos''. Nos permisos para ''outros'', seleccionamos '''Só lectura''' e aceptamos. Agora xa podemos pechar a sesión do usuario e iniciala de novo.
Imagen:Ud_15_italc_11.png|Imos a propagar a clave pública a un equipo de alumno. Para iso copiamos o ficheiro que se creou na carpeta que indicamos para exportar a clave pública (que era a carpeta persoal de ''noa'') a unha unidade externa que logo poidamos utilizar dende o equipo do alumno (valería un lapis USB, unha carpeta compartida, etc.)
Imagen:Ud_15_italc_12.png|Pegamos o ficheiro na unidade.
Imagen:Ud_15_italc_13.png|''No equipo do alumno'': Imos á ferramenta de configuración de Italc co comando '''sudo imc''', desmarcamos a autenticación baseada en ACLs e lanzamos o asistente de ficheiros de claves.
Imagen:Ud_15_italc_14.png|Inicio do asistente.
Imagen:Ud_15_italc_15.png|Neste caso non imos a crear un novo par de claves, senón que imos importar unha clave pública.
Imagen:Ud_15_italc_16.png|Seleccionamos o rol de ''profesor''.
Imagen:Ud_15_italc_17.png|E especificamos o ficheiro que queremos importar, que tomamos da unidade externa (fixarse que se busca o ficheiro dentro de ''/media'', que é onde está montada a unidade).
Imagen:Ud_15_italc_18.png|Resumo das opcións seleccionadas.
Imagen:Ud_15_italc_24.png|A clave foi importada con éxito.
Imagen:Ud_15_italc_26.jpg|Igual que no equipo do profesor, pechamos a sesión e iniciámola de novo para que os cambios sexan efectivos.
</gallery>

== Instalación de Italc en equipos MS Windows ==

O primeiro paso será instalar o software, tanto nos equipos do alumnado como no do profesor.

=== Instalación de Italc no equipo do profesor ===

<gallery caption="Instalación de Italc no equipo do profesor" widths="350px" heights="300px" perrow="2">
Imagen:Platega_mv1112_descarga_italc_windows_01.jpg|Descargamos a última versión do programa da páxina web [http://italc.sourceforge.net http://italc.sourceforge.net]. Neste caso, haberá que descargar a versión para Windows de 32 bits ou de 64 bits.
Imagen:Platega_mv1112_instalacion_italc_windows_01.png|Inicio do asistente de instalación.
Imagen:Platega_mv1112_instalacion_italc_windows_02.png|Aceptamos a licenza GPL.
Imagen:Platega_mv1112_instalacion_italc_windows_03.png|Deixamos a carpeta de instalación por defecto.
Imagen:Platega_mv1112_instalacion_italc_windows_04.png|Este é o paso máis importante da instalación e diferirá entre o equipo do profesor e os equipos dos alumnos. Neste caso seleccionaremos o compoñente '''iTALC Master''', que será o programa de control que usará o profesor, mentres que nos equipos dos alumnos non seleccionaremos ese compoñente.
Imagen:Platega_mv1112_instalacion_italc_windows_06.png|Fin da instalación. Podemos activar o cadro para que automaticamente se abra a ferramenta de xestión de Italc, senón podemos abrila dende o grupo de programas de Italc no menú de inicio de Windows.
</gallery>

=== Instalación de Italc no equipo do alumnado ===

Os pasos de instalación son moi similares ao do equipo do profesor, así que só indicaremos aqueles pasos que difiren do apartado anterior.

<gallery caption="Instalación de Italc no equipo do alumnado" widths="350px" heights="300px" perrow="2">
Imagen:Platega_mv1112_instalacion_italc_windows_04b.png|No equipo do alumno non seleccionaremos o compoñente ''iTALC Master''.
Imagen:Platega_mv1112_configuracion_alumnos_italc_windows_01.png|Na ferramenta de configuración de Italc, podemos activar a opción de ''Hide tray icon'' para que non se vexa a icona de Italc na barra de tarefas de Windows. Picamos en ''Aplicar'' para aplicar esta configuración.
</gallery>

== Configuración das chaves de autenticación en MS Windows ==

Imos ver como podemos configurar a autenticación por chaves en Windows:

<gallery caption="Autenticación por claves" widths="350px" heights="300px" perrow="2">
Imagen:Platega_mv1112_autenticacion_claves_01.png|Primeiro temos que crear o par de claves, e ímolo facer sempre no equipo do profesor. Na ferramenta de configuración de Italc, imos ao apartado de ''Authentication'' e picamos sobre o botón de '''Launch key file assistant''' (Lanzar asistente de ficheiros de claves).
Imagen:Platega_mv1112_autenticacion_claves_02.png|Inicio do asistente.
Imagen:Platega_mv1112_autenticacion_claves_03.png|Imos a crear un novo par de claves.
Imagen:Platega_mv1112_autenticacion_claves_04.png|Temos que seleccionar o rol para o que imos crear as claves. Italc contempla tres roles ou tipos de usuarios, que son ''profesor'', ''admin'' ou ''support'' que se poden configurar con distintas claves. Nós só imos utilizar o rol de ''profesor'', así que seleccionamos este rol.
Imagen:Platega_mv1112_autenticacion_claves_05.png|Ademais de crear o par de claves, imos activar a opción que se nos ofrece nesta ventá para exportar a clave pública nunha carpeta, e así logo copiarémola de aí para pasala aos equipos dos alumnos.
Imagen:Platega_mv1112_autenticacion_claves_06.png|Resumo das opcións seleccionadas.
Imagen:Platega_mv1112_autenticacion_claves_07.png|As claves foron creadas con éxito.
Imagen:Platega_mv1112_autenticacion_claves_07b.png|Imos desmarcar a autenticación baseada en ACLs (''ACL-based logon authentication''), xa que só imos usar de momento a autenticación por claves. Picamos no botón de '''Aplicar''' para activar todos os cambios.
Imagen:Platega_mv1112_autenticacion_claves_07c.png|Aceptamos.
Imagen:Platega_mv1112_autenticacion_claves_08.png|Agora imos a propagar a clave pública a un equipo de alumno. Para iso imos copia o ficheiro que se creou na carpeta que indicamos para exportar a clave pública a unha unidade externa que logo poidamos utilizar dende o equipo do alumno (valería un lápis USB, unha carpeta compartida, etc.)
Imagen:Platega_mv1112_autenticacion_claves_09.png|Pegamos o ficheiro na unidade.
Imagen:Platega_mv1112_autenticacion_claves_10.png|''No equipo do alumno'': Imos á ferramenta de configuración de Italc.
Imagen:Platega_mv1112_autenticacion_claves_11.png|Lanzamos o asistente de ficheiros de claves.
Imagen:Platega_mv1112_autenticacion_claves_12.png|Inicio do asistente.
Imagen:Platega_mv1112_autenticacion_claves_13.png|Neste caso non imos a crear un novo par de claves, senón que imos importar unha clave pública.
Imagen:Platega_mv1112_autenticacion_claves_14.png|Seleccionamos o rol de ''profesor''.
Imagen:Platega_mv1112_autenticacion_claves_15.png|E especificamos o ficheiro que queremos importar, que tomamos da unidade externa.
Imagen:Platega_mv1112_autenticacion_claves_16.png|Resumo das opcións seleccionadas.
Imagen:Platega_mv1112_autenticacion_claves_17.png|A clave foi importada con éxito.
Imagen:Platega_mv1112_autenticacion_claves_18.png|Desactivamos tamén a autenticación baseada en ACLs e picamos no botón de '''Aplicar''' ('''Nota:''' Na última versión de iTALC, obsérvase que convén ir ao apartado ''General'' e parar e arrancar o servizo para que os cambios sexan efectivos).
Imagen:Platega_mv1112_autenticacion_claves_19.png|Aceptamos.
</gallery>

== Funcionalidades básicas de Italc ==

Co programa instalado no equipo do profe e do alumnado e as chaves configuradas, xa estamos en condicións que comezar a controlar a aula dende o equipo do profesor. Lanzamos a ferramenta de control da aula dende a icona do escritorio en Windows o dende o ''Dash'' en Ubuntu.

=== Configuración dos equipos da aula ===

Imos ver como configurar unha aula e engadir nela os equipos que a forman e que queremos controlar:

<gallery caption="Engadir equipos de alumnado na ferramenta do profesor" widths="350px" heights="300px" perrow="2">
Imagen:Ud_15_italc_49.png|En Ubuntu podemos iniciar a ferramenta do profesor escribindo no ''Dash'' '''italc'''. En Windows, a icona que inicia a ferramenta está no escritorio ou no menú de programas.
Imagen:Ud_15_italc_50.png|A primeira vez que executamos a ferramenta, seguramente vexamos esta aviso, que simplemente informa de que non hai creado ningún ficheiro de configuración con aulas e que polo tanto o primeiro que debemos facer é engadir unha aula e configurala.
Imagen:Ud_15_italc_51.png|No panel lateral de Italc, picamos no ''Administrador de Clases'' e co botón dereito seleccionamos a opción de ''Añadir clase''
Imagen:Ud_15_italc_52.png|Poñemos un nome para a aula.
Imagen:Ud_15_italc_53.png|Agora agregamos un equipo á clase.
Imagen:Ud_15_italc_54.png|Temos que introducir o nome ou a dirección IP do equipo e un nome para o equipo dentro da clase (aí podemos poñer o que queiramos, para identificar o mellor posible o equipo dentro da aula). Non é necesario poñer a dirección MAC, aínda que pode ser útil se quixéramos poder arrancar o equipo de forma remota con Italc.
Imagen:Ud_15_italc_55.png|Vista do equipo creado e control da súa actividade coa ferramenta de control de Italc..
</gallery>

=== Opcións de control da aula ===

O programa de control da aula de Italc é moi intuitivo e tampouco imos ver con detalle todas as opcións, pero imos facer un repaso das funcións máis importantes que ofrece. Son as mesmas en MS Windows que en Ubuntu.

<gallery caption="Funcionalidades básicas de Italc" widths="350px" heights="300px" perrow="2">
Imagen:Platega_mv1112_funcions_basicas_01.jpg|No apartado de ''Configuración de Italc'' da barra lateral podemos configurar algúns aspectos, como a velocidade de refresco das capturas na monitorización dos equipos (con menos intervalo de refresco a calidade de visión é mellor pero se xenera máis tráfico na rede), o rol que se utilizará ao conectarse coas máquinas dos alumnos e que acción queremos facer ao facer dobre clic sobre a vista da pantalla dun alumno (visualizar o seu escritorio a pantalla completa ou tomar o control).
Imagen:Platega_mv1112_funcions_basicas_02.png|O modo demo permite que os alumnos vexan na súa pantalla a pantalla do profesor. Pode poñerse a pantalla completa, e os alumnos terán o seu teclado e rato bloqueados para ver a pantalla completa o escritorio do profesor; ou poñerse nunha ventá, e así os alumnos terán nunha ventá o escritorio do profesor, pero poderán tamén traballar no seu escritorio.
Imagen:Platega_mv1112_funcions_basicas_03.png|Pódense bloquear os equipos dos alumnos...
Imagen:Platega_mv1112_funcions_basicas_04.png|Vista do escritorio dun alumno bloqueado.
Imagen:Platega_mv1112_funcions_basicas_05.png|E pódese enviar mensaxes aos equipos dos alumnos...
Imagen:Platega_mv1112_funcions_basicas_06.png|Vista da mensaxe no escritorio do alumno.
Imagen:Platega_mv1112_funcions_basicas_07.png|Na barra de ferramentas superior de Italc hai máis opcións como apagar os equipos dos alumnos ou acendelos (para iso teñen que soportar [http://es.wikipedia.org/wiki/Wake_on_LAN Wake on LAN]), axustar as vistas das pantallas dos alumnos, etc.
Imagen:Platega_mv1112_funcions_basicas_08.jpg|Facendo clic co botón dereito sobre a vista da pantalla dun equipo de alumno, podemos executar accións exclusivamente sobre ese equipo.
Imagen:Platega_mv1112_funcions_basicas_09.jpg|Vista de equipo do alumno controlado dende a ferramenta do profesor. Na parte superior hai unha barra de ferramentas con accións sobre o equipo.
</gallery>

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]]

Manexo de Italc - Historial de revisiones

Antonio: /* Descarga, compilación e instalación de Italc 2.0.2 en Ubuntu */