Antonio: /* Introdución */

2017-01-12T22:11:35Z

Introdución

Página nueva

==Introdución==

* '''[https://es.wikipedia.org/wiki/Network_File_System NFS]''' (''Network Filesystem'', ou Sistema de Ficheiros de Rede) é un protocolo permite que unha máquina poida acceder a unha carpeta compartida por outra máquina remota como se fose unha carpeta local.

* O contorno no que máis se utiliza NFS é entre máquinas Linux ou Unix, aínda que tamén existen implementacións do cliente NFS para outros sistemas operativos, como é o caso de [http://informatica.iessanclemente.net/manuais/index.php/Escenario_3.B:_Exportaci%C3%B3n_de_unidades_por_NFS_con_FreeNAS#Acceso_.C3.A1_carpeta_compartida_dende_Windows Windows].

* O esquema básico do funcionamento de NFS é bastante simple: O '''servidor NFS''' comparte ou '''exporta''' unha serie de carpetas que poden ser montadas polos '''clientes NFS'''.

* Nos clientes unha vez montada a carpeta remota sobre unha carpeta local, dende o equipo cliente poderemos acceder á carpeta exportada por NFS igual que se se tratase dunha carpeta local, de forma totalmente transparente para o usuario final.

*Na figura móstrase o esquema dunha conexión entre un cliente e un servidor NFS:

[[Imagen:00_Dominios_Linux_Escenarios_parte_02_A.jpg|600px]]

==Seguridade en NFS==

* Un aspecto moi importante sobre o funcionamento de NFS é a forma na que identifica aos distintos usuarios que poden acceder a unha carpeta compartida.

* Para saber que usuario está accedendo dende un equipo cliente, o servidor NFS realizará un '''mapeo de UIDs e GIDs''' (Identificadores de usuario e identificadores de grupo) entre o cliente e o servidor, asumindo o uid do usuario que iniciou a sesión no equipo cliente como o uid dun usuario do equipo servidor.

* É dicir, se no equipo cliente inicia sesión o usuario ''pepe'', que ten como ''uid'' 504, cando este usuario acceda a algunha carpeta compartida por NFS no servidor, este tomará do equipo cliente o ''uid'' do usuario que iniciou a sesión (504) e usa ese id para comprobar se o usuario ten permisos para poder acceder aos recursos que pretende.
**Aínda que o id 504 no servidor se corresponda con ''maria''.

* Isto, como veremos mais adiante, pode ser efectivo dentro dun dominio, xa que o usuario do dominio é o mesmo no cliente e no servidor, pero terá consideracións de seguridade importantes, como tamén veremos.

==Versións de NFS==

* En canto ás versións, actualmente úsanse tres versións de NFS:
** A '''versión 2''', a máis antiga e que só se usará en caso de querer ter compatibilidade con clientes que usen esta versión.
** A '''versión 3''', que ofrece melloras no manexo de ficheiros e informes de erros sobre a versión 2.
** A '''versión 4''', que ofrece melloras sobre todo no relativo á seguridade.

-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]]

Introdución a NFS - Historial de revisiones

Antonio: /* Introdución */