Antonio: /* Introducir o equipo no dominio */

2017-10-16T23:52:23Z

Introducir o equipo no dominio

Página nueva

Neste apartado veremos como introducir os clientes Linux no dominio.

== Sincronizar a hora do sistema por NTP ==

A sincronización da hora é imprescindible para o funcionamento de Kerberos, así que configuraremos a sincronización da hora no cliente igual que o fixemos no servidor debian:

* Instalamos o servizo NTP:
<syntaxhighlight lang="bash" enclose="div">
sudo apt-get install ntp
</syntaxhighlight>

* Cambiamos no ficheiro '''/etc/ntp.conf''' os servidores NTP para sincronizar a hora polos seguintes:
<pre>
server 0.europe.pool.ntp.org
server 1.europe.pool.ntp.org
server 2.europe.pool.ntp.org
server 3.europe.pool.ntp.org
</pre>

* Reiniciamos o servizo NTP:
<syntaxhighlight lang="bash" enclose="div">
sudo service ntp restart
</syntaxhighlight>

* Comprobamos o funcionamento do servizo con:
<syntaxhighlight lang="bash" enclose="div">
ntpq -p
</syntaxhighlight>

== Configuración do servidor de DNS ==

O seguinte paso será a configuración do DNS para que utilice como servidor o servidor de DNS do dominio:

<gallery caption="DNS" widths="350" heights="300px" perrow="2">
Image:Dl_ubuntu_samba4_01.png| Na configuración da interface de rede establecemos como servidor de DNS a dirección IP do equipo debian.
Image:Dl_ubuntu_samba4_01b.png| Comprobamos que no ficheiro '''/etc/nsswitch.conf''' a configuración de '''hosts''' sexa ''files dns''.
Image:Dl_ubuntu_samba4_01c.png| Estableceremos como nome para o equipo o nome completo de DNS, incluído o sufixo do dominio, editando o ficheiro '''/etc/hostname'''.
Image:Dl_ubuntu_samba4_01d.png| Editamos o ficheiro '''/etc/hosts''' para que a dirección de ''loopback'' se asocie tamén ao nome completo de DNS do equipo.
Image:Dl_ubuntu_samba4_01e.png| Con '''hostname''' podemos comprobar o novo nome do equipo. Se non está actualizado co novo nome podemos utilizar comando ''hostname uclient01.iescalquera.local'' para actualizalo sen ter que reiniciar o equipo.
</gallery>

== Introducir o equipo no dominio ==

* A forma máis sinxela de introducir o noso equipo ''uclient01'' no dominio é utilizar o software ''PBISOpen''. Existen outras alternativas, como utilizar ''winbind'', pero a configuración é bastante máis complexa (no final da páxina atópanse un par de enlaces que explican o proceso).

* Ata hai uns anos, o paquete chamábase ''likewise-open'', pero debido á compra de Likewise por parte da empresa ''BeyondTrust'', agora o software foi renomeado como ''PowerBroker Identity Services''. Na versión 14.04 de Ubuntu o paquete ''likewise-open'' que contiña o software ''LikewiseOpen'' foi retirado dos repositorios.

* Neste caso, o paquete que temos que instalar non está nos repositorios de Ubuntu, así que o imos descargar de : https://github.com/BeyondTrust/pbis-open/releases

* Como se ve na imaxe, seleccionamos o paquete Debian que se corresponda coa versión de Ubuntu que teñamos instalada, de 32 ou 64 bits (instalaremos a versión máis actual, a 8.5.5):

[[Archivo:2017_pbisopen_01.png|700px|center|thumb|Descarga do paquete PBIS Open]]

* Executamos o script de instalación do paquete que acabamos de descargar. Supoñendo que está descargado na carpeta ''Descargas'', executaríamos o comando que se mostra a continuación, seleccionando as opcións que se indican na imaxe:
<syntaxhighlight lang="bash" enclose="div">
sudo sh Descargas/pbis-open-8.5.5.372.linux.x86_64.deb.sh
</syntaxhighlight>

[[Archivo:2017_pbisopen_02.png|700px|center|thumb|Instalación do paquete PBIS Open]]

* Introducimos o equipo no dominio co comando ''domainjoin-cli''. Como se pode ver na imaxe teremos que introducir o contrasinal do usuario ''Administrator'' de Samba4:
<syntaxhighlight lang="bash" enclose="div">
sudo domainjoin-cli join IESCALQUERA.LOCAL Administrator
</syntaxhighlight>

[[Archivo:2017_pbisopen_03.png|700px|center|thumb|Introdución de equipo Linux no dominio con LikewiseOpen]]

* Utilizamos o comando ''config'' de ''PBIS Open'' para poder identificarse cos usuarios do dominio sen ter que poñer antes do nome do usuario o nome do dominio (xa que se non teríamos que escribir ''IESCALQUERA\usuario'' para iniciar sesión con un usuario do dominio):
<syntaxhighlight lang="bash" enclose="div">
sudo /opt/pbis/bin/config AssumeDefaultDomain true
sudo /opt/pbis/bin/config UserDomainPrefix IESCALQUERA
</syntaxhighlight>

* Utilizarémolo tamén para que cando ''PBIS Open'' teña que crear a carpeta persoal dun usuario do dominio que non ten carpeta persoal no equipo cliente estableza os permisos adecuados para que ningún outro usuario poida acceder a ela.
<syntaxhighlight lang="bash" enclose="div">
sudo /opt/pbis/bin/config HomeDirUmask 077
</syntaxhighlight>

* E por último, para que se estableza o intérprete de comandos ''bash'' por defecto:
<syntaxhighlight lang="bash" enclose="div">
sudo /opt/pbis/bin/config LoginShellTemplate /bin/bash
</syntaxhighlight>

* Xa para rematar, modificamos a configuración do xestor de escritorio para que nos permita introducir o nome do usuario, e tamén para non mostre a listaxe de todos os usuarios, xa que seguramente no dominio chegará a haber moitos usuarios. Editamos o ficheiro ''/usr/share/lightdm/lightdm.conf.d/50-ubuntu.conf'' e engadimos estas dúas liñas:
greeter-show-manual-login=true
greeter-hide-users=true

* Listo!! Só nos queda reiniciar o equipo para activar todos os cambios.

== Iniciar sesión no equipo con un usuario do dominio ==

Reiniciado ''uclient01'', para acceder con un usuario do dominio simplemente introduciremos o seu usuario e contrasinal:

<gallery caption="Iniciar sesión con usuario do dominio" widths="350" heights="300px" perrow="2">
Image:2017_pbisopen_04.png| Introducimos o nome do único usuario que temos de momento, ''administrator'', e o seu contrasinal
Image:Dl_pbis_05.png| Fixarse que a carpeta persoal do usuario créase automaticamente en ''/home/local/IESCALQUERA'', e xa se copia o contido da carpeta ''/etc/skel'' sobre ela.
</gallery>

== Instalacións masivas por clonación e en equipos duais ==

* En caso de que fagamos unha instalación dun equipo cliente do dominio para logo clonar e moitos outros equipos, é importante ter en conta que a introdución do cliente no dominio haberá que facela en cada equipo despois de facer a clonación, e cambiando o nome do equipo cliente en cada un dos equipos para que cada equipo teña a súa conta na estrutura do dominio.

* O cambio do nome do equipo pode facerse como se explica no comezo do apartado simplemente substituíndo o nome que se teña actualmente (por exemplo, no noso caso ''uclient01'') polo nome que queiramos nos ficheiros ''/etc/hostname'' e ''/etc/hosts''. Iso poderíamos facelo utilizando o comando ''[http://www.gnu.org/software/sed/manual/sed.html sed]'':

<syntaxhighlight lang="bash" enclose="div">
sed -i 's|uclient01|novo_nome|g' /etc/hostname
sed -i 's|uclient01|novo_nome|g' /etc/hosts
</syntaxhighlight>

* Polo tanto, sería sinxelo facer un script que executase estes dous comandos co nome que lle indicásemos como parámetro e, xa postos, invocase o comando ''domainjoin-cli'' para introducir nun único paso o equipo no dominio co nome correcto.

* No caso de equipos duais (referímonos con isto a equipos que teñan instalados varios sistemas operativos, por exemplo Windows e Ubuntu ou algunha outra distribución de Linux), se queremos introducir o equipo no dominio nos distintos sistemas operativos instalados é conveniente que teñan distintos nomes. Por exemplo, poñeríamos ''aula0101-windows'' como nome do equipo en Windows e ''aula0101-ubuntu'' en Ubuntu, xa que así cada sistema tería unha conta independente no dominio.

<br>
<div style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:aprende.png|left]]'''OUTRAS REFERENCIAS NA WEB'''
Nos seguintes enlaces podes atopar explicacións de distintas opcións para integrar un cliente Linux nun dominio Samba4:
* https://help.ubuntu.com/community/LikewiseOpen
* https://help.ubuntu.com/community/ActiveDirectoryWinbindHowto
* http://blog.mycroes.nl/2012/02/linux-integration-with-active-directory.html
</div>

-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]]

Integrar equipos Linux no dominio Samba4 - Historial de revisiones

Antonio: /* Introducir o equipo no dominio */