Carrion: /* Exportar os recursos compartidos do servidor */

2017-10-07T11:05:05Z

Exportar os recursos compartidos do servidor

Página nueva

==Introdución==
*Xa temos a estrutura de carpetas creada no servidor e agora só queda '''exportala''' (Compartila).

== Instalación do servidor NFS ==
Simplemente teremos que instalar o paquete correspondente co servidor NFS:
'''apt-get install nfs-kernel-server
Lendo as listas de paquetes... Feito
Construindo a árbore de dependencias
Lendo a información do estado... Feito
Os seguintes paquetes NOVOS hanse instalar:
nfs-kernel-server
0 anovados, 1 instalados, Vanse retirar 0 e deixar 0 sen anovar.
...
A configurar nfs-kernel-server (1:1.2.6-4) ...

Creating config file /etc/exports with new version

Creating config file /etc/default/nfs-kernel-server with new version
[ ok ] Starting NFS common utilities: statd idmapd.
Processing triggers for systemd (215-17+deb8u5) ...

== O ficheiro de exportación/compartición do servidor NFS: /etc/exports ==

* O ficheiro '''/etc/exports''' é o que recolle a definición das distintas carpetas compartidas polo servidor nfs e os parámetros dos recursos compartidos.
'''cat /etc/exports
# /etc/exports: the access control list for filesystems which may be exported
# to NFS clients. See exports(5).
#
# Example for NFSv2 and NFSv3:
'''# /srv/homes hostname1(rw,sync,no_subtree_check) hostname2(ro,sync,no_subtree_check)
#
# Example for NFSv4:
'''# /srv/nfs4 gss/krb5i(rw,sync,fsid=0,crossmnt,no_subtree_check)
'''# /srv/nfs4/homes gss/krb5i(rw,sync,no_subtree_check)
#

*O propio ficheiro xa nos indica cuns exemplos como debemos facer se queremos usar a versión 3 de NFS, que é a que imos usar, e a versión 4 con Kerberos (non imos ver kerberos nesta edición ao ver Samba 4 nunha parte posterior).

*Cada liña deste ficheiro define:
**A carpeta do sistema de ficheiros que se comparte (exporta) por NFS,
**Unha lista, opcional, separada por espazos en branco de todos os clientes que están autorizados a acceder a esa carpeta.
***A cada cliente da lista se lle poden indicar unha serie de opcións de acceso entre parénteses, separadas por comas.
***No ficheiro que se inclúe por defecto no paquete podemos ver algunhas entradas de exemplo (nótese que están comentadas, xa que comezan polo símbolo '''#'''), como a seguinte:

# /srv/homes hostname1(rw,sync,no_subtree_check) hostname2(ro,sync,no_subtree_check)

*Esta compartición, comentada, exportaría:
**unha carpeta ficticia ''/srv/homes'' ás máquinas
*** ''hostname1'' con lectura e escritura sobre o recurso
***e ''hostname2'', con so lectura sobre o recurso compartido

* Podemos incluír unha liña neste ficheiro para cada carpeta que queiramos compartir por NFS no servidor. Remitimos ao lector ao manual do ficheiro ''exports'' (http://linux.die.net/man/5/exports) para consulta das distintas opcións posibles na compartición ('''man exports''' tamén ofrece axuda sobre os distintos parámetros e cales son por defecto).

*Unha vez modificado o ficheiro '''/etc/exports''', aplicaremos os cambios mediante o comando '''exportfs -ra'''. Non é preciso reiniciar o servizo salvo que non estea iniciado.

* A continuación imos ver algunhas das opcións máis importantes que podemos establecer cando compartimos unha carpeta por NFS:
** '''Versión de NFS''':
***se indicamos directamente á carpeta a compartir estamos indicando NFSv3,
***Se desexamos máis velocidade, kerberos, etc, debemos usar NFSv4 e para iso as carpetas a compartir compártense indirectamente a través de outras.
** '''Directorio a exportar''': Indicaremos a rota da carpeta/directorio do servidor que queremos exportar (compartir).
** '''Exportar a...''': Nesta opción podemos indicar que máquinas poderán acceder a esta compartición, para o que teremos varias posibilidades:
*** '''Todo o mundo''': Pódese acceder á carpeta dende calquera máquina, incluso de fóra da nosa rede. Por cuestións de seguridade, non é recomendable usar esta opción.
*** '''Máquina(s)''': Nesta opción pode indicarse o nome dunha ou varias máquinas, usando comodín como o '''*''' e o '''?'''. Por exemplo, *.iescalquera.local autorizaría o acceso a calquera máquina que tivese un nome dentro dese dominio DNS.
*** '''Rede IPv4''': A opción máis recomendable, na que podemos indicar a dirección IP e máscara dunha rede ou subrede para restrinxir o acceso á carpeta só aos equipos dese rede. O habitual será que esa rede sexa a nosa rede local.
**'''Opcións'''
*** '''Solo lectura (ro)''': Opción por defecto. Permítenos indicar os usuarios poderán só ler sobre a carpeta compartida, independentemente dos permisos que teñan fisicamente sobre a mesma.
***'''Escritura (rw)''': Permítenos indicar aos usuarios que poderán ler e escribir sobre o recurso compartido.
*** '''no_subtree checking''': Opción por defecto. Fai que o servidor NFS cando recibe unha petición de acceso a un ficheiro comprobe os permisos de acceso sobre ese ficheiro/carpeta e non, tamén, sobre toda a árbore da que colga o que suporía unha elevada carga de traballo. Esa opción sería ''subtree_check'', habería que indicala explicitamente e suporía unha elevada carga de traballo no servidor.
*** '''Mapeado de IDs de usuario''': Podemos indicar se o ''root'' dun cliente pode ou non acceder aos recursos compartidos como se fora o root do servidor. Tamén podemos indicar que conecte quen se conecte a un recurso que sempre o conecte como se fora o usuario co id 100, por exemplo:
****'''no_root_squash''': esta opción pode ser moi cómoda e perigosa á vez, pois permite que un usuario ''root'' dun equipo cliente poida actuar sobre o contido dos recursos compartidos e montados no cliente, como se fora o root do servidor, aínda que non teña permiso explícito sobre un cartafol ou ficheiro. Iso é moi cómodo, pero moi perigoso porque pode que non saibamos que usuarios do cliente poden pasar a root e actuar como tal. A opción por defecto é '''root_squash'''.
****'''anouid''', serve para indicar que todo usuario que se conecta a un recurso compartido vai comportarse como se fora o usuario con id X do servidor. Por defecto esta opción non está habilitada.

==Exportar os recursos compartidos do servidor==
Engadimos ao ficheiro '''/etc/exports''':

<syntaxhighlight lang="bash" enclose="div" line highlight="11,12">
# /etc/exports: the access control list for filesystems which may be exported
# to NFS clients. See exports(5).
#
# Example for NFSv2 and NFSv3:
# /srv/homes hostname1(rw,sync,no_subtree_check) hostname2(ro,sync,no_subtree_$
#
# Example for NFSv4:
# /srv/nfs4 gss/krb5i(rw,sync,fsid=0,crossmnt,no_subtree_check)
# /srv/nfs4/homes gss/krb5i(rw,sync,no_subtree_check)
#
/home/iescalquera 172.16.5.0/255.255.255.0(rw)
/comun 172.16.5.0/255.255.255.0(rw)
</syntaxhighlight>

*Hai que (re)iniciar o servizo.

'''service nfs-kernel-server restart

*Comprobar o que está exportando o servidor:
'''exportfs -v
/home/iescalquera 172.16.5.0/255.255.255.0(rw,wdelay,root_squash,no_subtree_check,sec=sys,rw,root_squash,no_all_squash)
/comun 172.16.5.0/255.255.255.0(rw,wdelay,root_squash,no_subtree_check,sec=sys,rw,root_squash,no_all_squash)

*Observar as opcións coas que se realiza cada compartición:
**''rw'': posta de forma explícita no ficheiro ''/etc/exports''
**''wdelay'': por defecto, indica que se o servidor ve que unha escritura de disco pode vir seguida doutra, espera a ter unhas cantas e realizas nunha soa operación.
**''root_squash'': o root do cliente non vai poder acceder ao contido das comparticións salvo que, algún ficheiro/carpeta teña concedidos permisos a "others"
**''no_subtree_check'': cando se accede a un obxecto no cliente non se comproban todos os permisos da árbore da que colga.
**''sec=sys'': Modo de autenticación por defecto, sen cifrado.
**''no_all_squash'': Opción por defecto que evita que se mapeen todos os usuarios como o usuario anónimo.

*A partir de agora, unha vez que o servizo NFS está iniciado, xa non é preciso reinicialo cada vez que fagamos cambios en ''/etc/exports'' podemos usar:
'''exportfs -ra

*Aconséllase reiniciar o servidor para asegurarse de que se aplican os cambios.

-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]]

Instalación do servidor NFS. Exportacións - Historial de revisiones

Carrion: /* Exportar os recursos compartidos do servidor */