Carrion: /* Instalación do Sistema Operativo */

2016-10-02T14:53:00Z

Instalación do Sistema Operativo

Página nueva

* En primeiro lugar descargaremos unha imaxe ISO do sistema operativo que se desexa instalar, que neste caso será Debian de 64 bits, que se pode obter en http://www.debian.org.

* Da mesma forma que nos casos anteriores de instalación das máquinas cos sistemas operativos de escritorio, creamos en primeiro lugar unha nova máquina virtual.

== Creación da máquina virtual ==

<gallery caption="Creación da máquina virtual" widths="350" heights="400px" perrow="2">
Image:Sv_2013_inst_debian_01.jpg| Picamos na opción de "Nova máquina" e no primeiro paso do asistente introducimos o nome para a máquina e seleccionamos o tipo de sistema operativo
Image:Sv_2013_inst_debian_02.jpg| Establecemos o tamaño da RAM a 512 MB ou 1024 MB. Logo poderemos comprobar efectivamente que se non utilizamos o contorno gráfico o consumo de memoria do sistema é moi baixo, pero a RAM necesaria dependerá dos servizos que logo configuremos no sistema convidado (aínda que é moi sinxelo [[Cambiar os parámetros dunha MV|modificar este parámetro]] se fose necesario despois).
Image:Sv_2013_inst_debian_03.jpg| Creamos un disco duro virtual para a máquina ...
Image:Sv_2013_inst_debian_04.jpg| establecendo un tamaño de 20 GB (neste caso, se a nosa intención e optimizar o rendemento deste servidor virtualizado, nos interesará definir o disco como de tamaño fixo en lugar de expansión dinámica, xa que a velocidade de acceso é algo maior). Recórdese que ao non indicar en que carpeta se debe almacenar o disco, este gardarase na carpeta predeterminada de máquinas configurada nos [[Parámetros de configuración de VirtualBox| parámetros de configuración de VirtualBox]].
Image:Install_debian_07.png| Configuramos a tarxeta de rede da máquina en modo ponte.
</gallery>

== Instalación do Sistema Operativo ==

Amósanse a continuación os pasos básicos para facer unha instalación de Debian como sistema operativo convidado. Obviamente, en cada caso dependendo dos obxectivos do sistema as características que se seleccionen durante o proceso de instalación poderían ser diferentes ás que aquí se mostran:

<gallery caption="Instalación de Debian" widths="350" heights="400px" perrow="2">
Image:Sv_2013_inst_debian_05.jpg| Iniciamos a máquina e xa se nos vai pedir o disco para iniciala. Seleccionamos a imaxe ISO descargada para a instalación e prememos en '''Iniciar'''.
Image:Sv_2013_inst_debian_06.png| Escollemos a opción por defecto de '''Install'''.
Image:Sv_2013_inst_debian_07.png| Seleccionamos o idioma,
Image:Sv_2013_inst_debian_08.png| e localización horaria,
Image:Sv_2013_inst_debian_09.png| e a disposición do teclado.
Image:Sv_2013_inst_debian_10.png| Agora introducimos o nome que vai ter a máquina. En Linux, este nome non ten gran importancia xa que só ten efecto para o propio equipo, xa que na rede o equipo vaise identificar ou ben pola dirección IP ou ben por un nome de DNS.
Image:Sv_2013_inst_debian_11.png| Poñemos o nome do dominio no que estará incluído o equipo.
Image:Sv_2013_inst_debian_12.png| Establecemos o contrasinal para o usuario ''root'', que neste caso será ''abc123.'' (incluíndo o punto).
Image:Sv_2013_inst_debian_13.png| Repetimos o contrasinal para comprobar que se introduciu correctamente.
Image:Sv_2013_inst_debian_14.png| Na instalación pídesenos crear un primeiro usuario administrador, poñemos un nome completo para este usuario,
Image:Sv_2013_inst_debian_15.png| o nome da conta,
Image:Sv_2013_inst_debian_16.png| o contrasinal,
Image:Sv_2013_inst_debian_17.png| e repetimos o contrasinal.
Image:Sv_2013_inst_debian_18.png| Para a configuración da hora, temos que indicar a localización dentro da zona horaria xa indicada anteriormente.
Image:Sv_2013_inst_debian_19.png| Chega un dos momentos máis delicados e particulares da instalación, que é o particionamento dos discos. As opcións que se deben coller neste punto son moi variables en función dos sistemas que teña xa instalados a máquina, a función que vai desenvolver este servidor, etc. Non nos imos parar a examinar as posibilidades que se nos ofrecen, xa que non é o obxectivo do curso afondar na instalación e configuración de Debian, e por iso escollemos a opción máis simple, que é usar o particionamento '''guiado''' usando o disco completo (Xa que nesta MV só vai ir instalado este sistema operativo).
Image:Sv_2013_inst_debian_20.png| Escollemos o disco a particionar (tampouco temos moitas opcións), ...
Image:Sv_2013_inst_debian_21.png| e escollemos tamén o esquema de particionamento máis simple (igual que no caso anterior, dependendo da función do servidor podería ser máis interesante algunha das outras opcións).
Image:Sv_2013_inst_debian_22.png| Coa escolla realizada, simplemente teremos unha partición para o sistema (a primaria) e outra para espazo de intercambio ou ''swap'' (a lóxica). Como se pode observar, teríamos opcións para configurar un ''RAID'', o ''LVM'' ou volumes de disco cifrados, cuestións moi interesantes pero que tamén se escapan aos obxectivos do curso. Escollemos a opción de rematar e gardar os cambios.
Image:Sv_2013_inst_debian_23.png| Confirmamos as modificacións.
Image:Sv_2013_inst_debian_25.png| Imos configurar un ''repositorio'' de paquetes de software para que o equipo se descarga os paquetes que queiramos instalar e as súas actualizacións. Escollemos como país ''España'',
Image:Sv_2013_inst_debian_27.png| e a continuación aparecen unha lista de servidores cos repositorios de Debian en España. Podemos escoller calquera deles.
Image:Sv_2013_inst_debian_28.png| Se para saír a Internet hai que configurar un proxy teremos que indicalo para que o equipo se poida conectar aos servidores dos repositorios. Se non temos que configurar o proxy, simplemente continuamos.
Image:Sv_2013_inst_debian_29.png| Podemos participar na enquisa de uso de paquetes para proporcionarlle ao equipo de desenvolvedores información estatística dos paquetes máis usados.
Image:Sv_2013_inst_debian_30.png| Este é outro paso da instalación no que a selección que faremos dependerá en gran medida das funcións que vai realizar o servidor e dos recursos do mesmo. Por exemplo, para montar un servidor que consuma os mínimos recursos, desactivaremos o '''Entorno de escritorio''', aínda que así non disporíamos de escritorio gráfico no equipo. Activamos o '''Servidor SSH''' para poder acceder ao equipo de forma remota.
Image:Sv_2013_inst_debian_31.png| Instalamos o xestor de arranque ''GRUB''.
Image:Install_debian_33.png| Seleccionamos que o xestor de arranque se instale no disco duro (''/dev/sda'').
Image:Sv_2013_inst_debian_32.png| E rematou a instalación.
</gallery>

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] --

Instalación de Debian - Historial de revisiones

Carrion: /* Instalación do Sistema Operativo */