Carrion en 16:03 2 oct 2016

2016-10-02T16:03:02Z

Página nueva

VirtualBox mantén a configuración particular para cada usuario no sistema ''host'' nun ficheiro en formato XML que almacena a listaxe de máquinas rexistradas, personalización da interface e outros parámetros de funcionamento. É moi importante ter en conta que este ficheiro, que leva de nome '''VirtualBox.xml''' é diferente para cada usuario e polo tanto cada un poderá ter unha lista de máquinas diferente sobre un mesmo equipo ''host''.

O ficheiro '''VirtualBox.xml''' almacénase dentro dunha carpeta oculta co nome '''.VirtualBox''' que se atopa dentro da carpeta persoal do usuario. A partir da versión 4.3, nos sistemas Linux esta carpeta foi movida a '''.config/VirtualBox'''; aínda que se se actualiza á versión 4.3 dunha versión anterior, mantense a mesma carpeta.

Por outro lado, cada máquina almacenarase nunha carpeta diferente (que podemos establecer na creación da máquina), na que se almacenan:
* O ficheiro XML que define as características da máquina.
* Os ficheiros cos discos virtuais da máquina (aínda que non necesariamente teñen que estar na mesma carpeta que da máquina, é a súa ubicación por defecto).
* A carpeta coas instantáneas da máquina.
* A carpeta cos ficheiros de rexistro da máquina.

<gallery caption="Ficheiros de configuración de VirtualBox" widths="350" heights="300px" perrow="2">
Image:Sv_2013_config_01.jpg| No ''host'', abrimos a carpeta persoal do usuario co que temos creadas as máquinas do curso e mostramos os ficheiros ocultos.
Image:Sv_2013_config_02.jpg| Atopamos a carpeta '''.VirtualBox'''. Se non se atopase aquí, buscamos en '''.config/VirtualBox'''.
Image:Sv_2013_config_02b.JPG|Vista da carpeta '''.VirtualBox''' nun ''host'' Windows.
Image:Sv_2013_config_03.jpg| E dentro dela o ficheiro '''VirtualBox.xml''' que almacena a configuración de VirtualBox para este usuario. Fixarse en que tamén hai un ficheiro co nome '''VirtualBox.xml-prev'''. Este ficheiro é unha copia do ficheiro ''VirtualBox.xml'' que VirtualBox fai de forma automática para usar en caso de que este se corrompa. Pola nosa experiencia nas aulas, isto ocorre con certa frecuencia, así que nestes casos o que podemos facer para recuperar as máquinas que tiñamos definidas é restaurar o ficheiro ''VirtualBox.xml'' a partir deste ficheiro de copia. En todo caso, a perda destes ficheiros non supón a perda das máquinas, xa que tamén podemos agregalas de novo no peor dos casos.
Image:Sv_2013_config_04.png| Abrimos o ficheiro ''VirtualBox.xml'' para ver o seu contido, e imos destacar as seccións máis importantes do documento. En primeiro lugar, podemos atopar os parámetros de personalización da interface gráfica de VirtualBox.
Image:Sv_2013_config_05.png| A continuación, os parámetros de configuración da interface de rede de ''Só Anfitrión''
Image:Sv_2013_config_06.png| Nesta parte recóllense todas as máquinas virtuais rexistradas para este usuario.
Image:Sv_2013_config_07.png| E nesta a configuración do servidor DHCP para as interfaces de ''Só Anfitrión'' e ''Rede NAT'', así como as configuración das redes NAT definidas.
Image:Sv_2013_config_08.png| Por último, atopamos parámetros de configuración por defecto para as máquinas e do escritorio remoto (que veremos máis adiante)
Image:Sv_2013_config_09.png| Vista dos elementos que atopamos dentro da carpeta dunha MV. Fixarse que a súa ubicación non ten nada que ver co ficheiro de configuración de VirtualBox para o usuario, e téñase en conta que unha mesma máquina pode ser rexistrada por diferentes usuarios. Fixarse tamén que VirtualBox tamén fai unha copia do ficheiro de definición da MV (con extensión ''.vbox'') nun ficheiro con extensión ''.vbox-prev''.
</gallery>

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] --

Ficheiros de configuración de VirtualBox - Historial de revisiones

Carrion en 16:03 2 oct 2016