Antonio: /* Configurar a porta de enlace dun cliente da LAN */

2016-03-13T19:56:54Z

Configurar a porta de enlace dun cliente da LAN

Página nueva

== Introdución ==

* Imos crear un escenario que faga uso dun router, implantado cunha MV, que permite dar saída a internet ás demais MVs e ademais así cada MV só precisa ter un adaptador, conectado a unha rede interna.

* Preténdese instalar e configurar un router en Windows Server, de xeito que este faga de pasarela para os equipos da rede interna (''wserver'', ''dserver'', ''wclient'', ''uclient'', etc).

[[Image:00_Simulacion_Redes_Escenarios_Parte6_1.jpg|center|500px]]

* Este equipo, como router, terá 2 interfaces:
** '''Interface LAN''': para poder comunicarse cos equipos da LAN e viceversa. A IP desta interface será a porta de enlace que deberá configurar todo cliente da LAN.
** '''Interface WAN''': co que este equipo se vai comunicar co exterior. Ademais cando se configure o servizo de routing vaise configurar NAT nesta interface, para que calquera solicitude de conexión co exterior que parta dos equipos da LAN sexa transformada cara o exterior como se fora este equipo (wrouter) que a fixera. Ao recibir a resposta do exterior vaise encargar de enviarlla ao equipo da LAN que iniciou a conexión.

<br>
<div style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:aprende.png|left]]'''PODES CONSULTAR...'''
<br>
Para revisar e afondar no coñecemento sobre NAT pódese consultar:
*[[Conceptos_básicos_de_redes:_OSI,_TCP/IP,_MAC,_Enderezo_IP,_switch,_router,_porto,_NAT,_...#NAT.2C_Network_Address_Traslation|NAT da parte III do presente curso]].
</div>

* Antes de comezar a implantar o escenario, obsérvese que só se vai configurar '''wrouter''' e '''wserver''', os demais equipos enténdese que o usuario sería quen de configuralos, pero irase facendo pouco a pouco cando se precisen.

== Preparativos da MV wrouter ==

* Antes de configurar o servizo de routing vaise configurar a MV que o implantará:
** Clonar unha MV Windows Server (a base ou a que se está a usando para seguir o curso).
*** Nome MV: '''wrouter'''.
** Facer unha instantánea.

<gallery caption='''' widths="350" heights="300px" perrow="2">
Image:Simulacion_Redes_routing_01.jpeg|Configurar o adaptador 1 por NAT, e asegurarse de que o enderezo MAC non é o mesmo que o da MV da que se clonou.
Image:Simulacion_Redes_routing_02.jpeg|Configurar o adaptador 2 por '''Rede Interna''', e asegurarse de que o enderezo MAC non é o mesmo que o da MV da que se clonou.
</gallery>

== Preparativos S.O. wrouter ==

* Antes de instalar o servizo de routing, configurarase o nome de equipo e os interfaces de rede.

* Hai que identificar que interfaz estará conectado á rede '''WAN''' (Adaptador 1 da MV) e cal á '''LAN''' (Adaptador 2 da MV).

<gallery caption="Preparación de máquina wrouter" widths="350" heights="300px" perrow="2">
Image:Simulacion_Redes_routing_03.jpeg|Cambiar o nome do equipo a '''wrouter''' e reiniciar o equipo.
Image:Simulacion_Redes_routing_04.jpeg|Configurar as dúas interfaces de rede para obter a IP por DHCP e logo executar '''ipconfig''' para identificar cal é cal (LAN e WAN). A interfaz de rede con IP 169.254.93.172 ([http://es.wikipedia.org/wiki/APIPA APIPA]) será a que se configurará para conectarse á LAN; e a outra para conectarse á WAN. Imos cambiarlle o nome ás interfaces para que nos sexa máis fácil recoñecer cal é cal. Neste caso a interfaz '''Conexión de área local 2''' é a que se vai usar para conectar á LAN (adaptador 2 da MV) e a outra á WAN (Adaptador 1 da MV). Cambiémoslles os nomes ...
Image:Simulacion_Redes_routing_05.jpeg|Nomes cambiados para cada interfaz e comprobados que cada quen é o correcto.
Image:Simulacion_Redes_routing_06.jpeg|Configurar a IP da interfaz LAN de acordo ao escenario (172.16.0.1/16). Non cubrir os demais campos.
Image:Simulacion_Redes_routing_07.jpeg|Comprobar que todo está correcto con '''ipconfig'''. Observar como a porta de enlace para este equipo está na interfaz que se lle chamou '''WAN-NAT''', é que é o Adaptador 1 da MV que está configurado para obter a IP por DHCP.
Image:Simulacion_Redes_routing_08.jpeg|Para probar a conectividade pódese facer ping ao equipo host, ao router real, ao exterior, etc. Neste caso faise ping a ''www.google.es'' que se funciona é que hai conectividade co host e co router real. Obviamente dende o host e dende a LAN non hai conectividade con '''wrouter'''
</gallery>

== Instalación do servizo de routing sobre NAT ==

* Cando se instala o servizo de routing pódese escoller que a interfaz que se vai conectar á WAN faga NAT, e este é o caso. Así, este equipo porase como se fose el quen fixera as peticións de conexión ao exterior realizadas polos ordenadores da LAN interna (wserver, wclient, zserver, uclient, etc).

* Para instalar e configurar o servizo ir ao menú '''Inicio->Ferramentas administrativas->Administrar o servidor''' e premer en '''Agregar roles''' da categoría '''Roles'''.

<gallery caption="Instalación do servizo de routing con NAT" widths="350" heights="300px" perrow="2">
Image:Simulacion_Redes_routing_12.jpeg|Seleccionar o rol '''Servizos de acceso e directivas de redes'''. Seguinte ...
Image:Simulacion_Redes_routing_13.jpeg|Seleccionar o servizo '''Enrotamento'''. Seguinte...
Image:Simulacion_Redes_routing_14.jpeg|Para configurar o servizo: '''Inicio->Ferramentas administrativas->Enrutamento e acceso remoto''' ou dende a ferramenta anterior '''Administrar o servidor'''...
Image:Simulacion_Redes_routing_15.jpeg|Premer co botón dereito sobre o servidor para habilitar o servizo.
Image:Simulacion_Redes_routing_16.jpeg|Seleccionar '''Tradución de direccións de rede (NAT).
Image:Simulacion_Redes_routing_17.jpeg|Seleccionar a interfaz de rede, das dúas que hai, que vai conectarse á rede WAN (a internet, ao exterior). Seleccionar o renomeado interface WAN-NAT.
Image:Simulacion_Redes_routing_18.jpeg|Non habilitar os servizos básicos de resolución de nomes e enderezos.
Image:Simulacion_Redes_routing_19.jpeg|Resultado de configurar o servizo de enrotamento.
Image:Simulacion_Redes_routing_20.jpeg|Neste curso non nos imos centrar na configuración do Firewall en Windows, co cal para evitar posibles interferencias nas tarefas que se desexan levar a cabo imos desactivar o Firewall completamente.
</gallery>

== Configurar a porta de enlace dun cliente da LAN ==

* Para esta ocasión vaise escoller a MV '''wserver''', nos demais a filosofía sería a mesma.

* Antes de continuar facer unha instantánea de '''wserver''' coa MV apagada.

<gallery caption="Configurar a porta de enlace dun cliente da LAN" widths="350" heights="300px" perrow="2">
Image:Simulacion_Redes_routing_09.jpeg|Configurar un só adaptador en modo '''Rede interna'''.
Image:Simulacion_Redes_routing_10.jpeg|Configurar a IP segundo o escenario: 172.16.0.110/16, porta de enlace 172.16.0.1 (wrouter, polo interface LAN). Para comprobar conectividade non fai falla configurar ningún servidor DNS.
Image:Simulacion_Redes_routing_20.jpeg|Desactivar o Firewall polas mesmas razóns que no caso anterior.
Image:Simulacion_Redes_routing_21.jpeg|Con '''ipconfig''' compróbase que a Porta de Enlace é 172.16.0.1.
</gallery>

=== Probas de conectividade ===

* Para comprobar que todo está correcto pódense facer pings entre os distintos equipos do escenario.

* Neste caso vanse amosar exemplos de conectividade realizados dende '''wserver''' e que en moitos casos teñen que atravesar '''wrouter'''.

<gallery caption='''' widths="350" heights="100px" perrow="2">
Image:Simulacion_Redes_routing_22.jpeg|Comprobar conectividade co router '''wrouter'''. A opción '''-n 1''' indica que faga un só faga unha solicitude de eco.
Image:Simulacion_Redes_routing_23.jpeg|Comprobar conectividade co host (neste caso 192.168.1.130).
Image:Simulacion_Redes_routing_24.jpeg|Comprobar conectividade co router real de saída a internet (neste caso 192.168.1.1).
Image:Simulacion_Redes_routing_25.jpeg|Comprobar conectividade co exterior (''www.google.es''). NON FUNCIONA!!!, claro porque non configuramos a que servidor DNS preguntar para pasar de nomes de dominio a IPs, pero ...
Image:Simulacion_Redes_routing_26.jpeg|pódese facer ping a IP de Google directamente e si funciona.
</gallery>

* O usuario pode facer máis probas de conectividade. Observar como as probas anteriores, salvo a primeira, teñen que atravesar '''wrouter'''.

==Para afondar máis==

<br>
<div style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:aprende.png|left]]'''PODES CONSULTAR...'''
<br>
Se desexas consultar como configurar Windows para que actúe como un router puro, sen NAT, e crear o escenario das salas de ordenadores que se amosa na imaxe inferior podes consultar:
*[[Modelo_OSI_/_TCP-IP#PDF_Servizos_de_internet_en_Windows| Transparencias 4 a 13 do PDF sobre Servizos de Internet en Windows]]
Para afondar no mesmo é preciso ter as nocións de táboas de enrotamento que se recollen en:
*[[Modelo_OSI_/_TCP-IP#PDF_Modelo_OSI_-_TCP.2FIP| Transparencias 81 a 91 do PDF sobre modelo OSI / TCP-IP]]
</div>

[[Image:Simulacion_Redes_TCPIP_83.JPG|500px]]

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] --

Enrotamento básico con Servidores Windows - Historial de revisiones

Antonio: /* Configurar a porta de enlace dun cliente da LAN */