Vlourido: /* PHP e XML */

2013-07-24T10:30:50Z

PHP e XML

Página nueva

== PHP e XML ==

XML é unha linguaxe de marcado moi empregada na actualidade. Está deseñado para almacenar e compartir información. Se non estás familiarizado coas características e a estructura dun documento XML, podes botarlle unha ollada ás primeiras páxinas dos [[LMSXI|contidos da asignatura ''Linguaxes de Marcas e Sistemas de Xestión da Información'']].

Todas as linguaxes de programación empregadas na actualidade permiten manexar dun xeito u outro documentos XML e a súa información. Ao código que nos permite traballar con documentos XML chámaselle '''analizador XML''' (ou en inglés, ''XML parser''). En PHP, dende a versión 5, temos varias extensións incluídas na linguaxe que nolo permiten facer.

Os analizadores XML poden clasificarse en tres tipos, dependendo da súa forma de traballar:

* '''Analizadores DOM''' (do inglés ''Document Object Model''). Cargan o documento XML enteiro en memoria para despois traballar con el. Son moi potentes pero teñen a dasvantaxe de consumir memoria en función da lonxitude do documento XML co que traballen. En PHP podemos utilizar dous analizadores DOM: '''[[Curso_POO_PHP_SimpleXML|SimpleXML]]''' e '''[[Curso_POO_PHP_DOM|DOM]]'''.

* '''Analizadores SAX''' (do inglés ''Simple API for XML'', tamén chamados analizadores ''push''). Permiten definir manexadores de eventos que se executan a medida que se vai percorrendo o documento. Son máis simples e menos potentes que os analizadores DOM, e non comproban se os documentos cos que traballan están ou non ben formados. En PHP podemos empregar o analizador SAX '''[[Curso_POO_PHP_XMLParser|XMLParser]]'''.

* '''Analizadores ''pull'''''. Con este tipo de analizadores imos collendo e procesando pequenos anacos do documento XML de un en un. Ao igual que os analizadores SAX, supoñen que os documentos cos que traballan están ben formados. A principal vantaxe fronte a SAX é que non é preciso percorrer o documento enteiro unha vez atopado o que necesitamos. En PHP podemos empregar os analizadores ''pull'' '''[[Curso_POO_XMLReader_e_XMLWriter|XMLReader e XMLWriter]]''', para ler e escribir documentos XML respectivamente.

=== Documento XML de exemplo ===

Imos ver o xeito de traballar das extensións anteriores. Nos exemplos que figuran nos vindeiros contidos, empregaremos o seguinte documento XML:

<source lang="xml">
<?xml version="1.0" encoding="utf-8"?>
<videoteca data_creación="24/02/2009">
<película id="1">
<importe moneda="dólar">13.56</importe>
<título>El santo</título>
<títuloorixinal>The Saint</títuloorixinal>
<ano>1997</ano>
<director>Phillip Noyce</director>
<xénero>Acción</xénero>
<duración>111</duración>

<actúa id="51"/>

<actúa id="156"/>
</película>
<actor id="51">
<nome>Elisabeth Shue</nome>
<sexo>muller</sexo>
<datanacemento>06/10/1963</datanacemento>
<url>http://www.imdb.com/name/nm0000223/</url>
</actor>
<actor id="156">
<nome>Val Kilmer</nome>
<sexo>home</sexo>
<datanacemento>31/12/1959</datanacemento>
</actor>
</videoteca>
</source>

--[[Usuario:Vlourido|Víctor Lourido]] 01:20 24 jul 2013 (CEST)

Curso POO PHP e XML - Historial de revisiones

Vlourido: /* PHP e XML */