Vlourido en 08:59 26 jul 2013

2013-07-26T08:59:10Z

Página nueva

[[Category:Curso POO PHP| 109 - Curso POO PHP]]
== Xerar saída ==
Existen varias formas incluír contido na páxina web a partir do resultado da execución de código PHP. A forma máis sinxela é usando '''[http://es1.php.net/manual/es/function.echo.php echo]''', que amosa como saída o texto dos parámetros que recibe.

Outra posibilidade é '''[http://es1.php.net/manual/es/function.print.php print]''', que funciona de forma similar. A diferenza máis importante entre print e echo, é que print só pode recibir un parámetro e devolve sempre 1.

Tanto '''print''' como '''echo''' non son realmente funcións, senón elementos propios da linguaxe, polo que non é obrigatorio que poñas paréntese cando as utilices.

'''[http://es1.php.net/manual/es/function.printf.php printf]''' é outra opción para xerar unha saída dende PHP. Pode recibir varios parámetros, o primeiro dos cales é sempre unha cadea de texto que indica o formato que se ha de aplicar. Esa cadea debe conter un especificador de conversión por cada un dos demais parámetros que se lle pasen á función, e na mesma orde en que figuran na lista de parámetros.

Cada [http://es1.php.net/manual/es/function.sprintf.php especificador de conversión] vai precedido do caracter '''%''' e componse das seguintes partes:

* '''signo''' (opcional). Indica se se pon signo aos número negativos (por defecto) ou tamén aos positivos (indícase cun signo +).
* '''recheo''' (opcional). Indica que carácter se usará para axustar o tamaño dunha cadea. As opcións son o carácter 0 ou o carácter espazo (por defecto úsase o espazo).
* '''aliñación''' (opcional). Indica que tipo de aliñación se usará para xerar a saída: xustificación dereita (por defecto) ou esquerda (indícase co carácter -).
* '''ancho''' (opcional). Indica o mínimo número de carácteres de saída para un parámetro dado.
* '''precisión''' (opcional). Indica o número de díxitos decimais que se mostrarán para un número real. Escríbese como un díxito precedido por un punto.
* '''tipo''' (obrigatorio). Indica como se debe tratar o valor do parámetro correspondente.

Na seguinte táboa podes ver unha lista con todos os especificadores de tipo.

{| class="wikitable"
|-
! Especificador !! Significado
|-
| b || o argumento trátase como un enteiro e preséntase como un número binario
|-
| c || o argumento trátase como un enteiro e preséntase como o carácter con ese valor ASCII
|-
| d || o argumento trátase como un enteiro e preséntase como un número decimal
|-
| u || o argumento trátase como un enteiro e preséntase como un número decimal sen signo
|-
| o || o argumento trátase como un enteiro e preséntase como un número octal
|-
| x || o argumento trátase como un enteiro e preséntase como un número hexadecimal (con minúsculas)
|-
| X || o argumento trátase como un enteiro e preséntase como un número hexadecimal (con maiúsculas)
|-
| f || o argumento trátase como un dobre e preséntase como un número de coma flotante (tendo en conta a localidade)
|-
| F || o argumento trátase como un dobre e preséntase como un número de coma flotante (sen ter en conta a localidade)
|-
| e || o argumento preséntase en notación científica, utilizando a e minúscula (por exemplo, 1.2e+3)
|-
| E || o argumento preséntase en notación científica, utilizando a e maiúscula(por exemplo, 1.2E+3)
|-
| g || emprégase a forma máis curta entre %f y %e
|-
| G || emprégase a forma máis curta entre %f y %E
|-
| s || o argumento trátase como unha cadea e preséntase como tal
|-
| % || amósase o carácter %. Non necesita argumento
|}

Existe unha función similar a printf pero en vez de xerar unha saída coa cadea obtida, permite gardala nunha variable: '''[http://es1.php.net/manual/es/function.sprintf.php sprintf]'''.

Outras funcións que empregan para depurar mentres estamos programando son '''[http://www.php.net/manual/es/function.print-r.php print_r]''' e '''[http://www.php.net/manual/es/function.var-dump.php var_dump]'''. Ambas amosan de xeito intelixente o contido do que se lles pasa como parámetro.

<source lang="PHP">
<?php
$cor = [
"vermello" => "#FF0000",
"verde" => "#00FF00",
"azul" => "#0000FF"
];
var_dump($cor);
?>
</source>

O código anterior amosa en pantalla:

<source lang="PHP">
array(3) { ["vermello"]=> string(7) "#FF0000" ["verde"]=> string(7) "#00FF00" ["azul"]=> string(7) "#0000FF" }
</source>

--[[Usuario:Vlourido|Víctor Lourido]] 14:42 25 jun 2013 (CEST)

Curso POO PHP Xerar saída - Historial de revisiones

Vlourido en 08:59 26 jul 2013